Zaburi 66:2 - KITABU KITAKATIFU

² Mwimbi uvukumi vwi lieta lilie, muhaane kuye lizominya liu vukumi.

Zaburi 66:2 ပူးပေါင်းရင်းမြစ်များ

Nehemia 9:5

Vandu va Levi yava vavoolera avandu vasigamiri Nyasaye: Jeshua, Kadimieli Bani, Hashabuneia, Sherebia, Hodia Shebania, na Pezahia. Vavoola, “Musingiri na mwizominyi Yahova Nyasaye winyu. Mumwizominye mihiga ni mihiga. Leki sa mulala yizominye lieta lilie lwu vukumi, kali niiva lizominya liu mundu siliveeye lidukiru mba.”

Zaburi 106:2

Nivwaha unyala kovora vikolwa viosi vinene viamali kokora? Anoho nivwaha unyala kumwizominya kuli gaduukanaa?

Zaburi 107:15

Kuduuka vasandizi Yahova, kigira uvuyanzi vwivwe vutaveeye ne keheri, kandi kigira vindu vivie viokogenyia via yavakolera.

Zaburi 107:22

Kuduuka vamusandizi ni visiuviliru, kandi vamusandize ni zinyimbu ziu vusangali. Kigira vindu vivie viokogenyia via yavakolera.

Zaburi 68:33

ku uyu uninaa igulu mwigulu, ligulu liveeye lia kale. Mumuhulirizi lwa ahanzukaa nu mwoyo munene.

Zaburi 72:18

Yahova, Nyasaye wa Isiraeli yizominywi! Niyie yeng'ine okolaa vindu viokogenyia yivi.

Zaburi 79:9

O, Nyasaye, yaanza okokonye kandi okohonyie. Okosoole kandi ukusamihi uvwoni vwitu kigira uluyali lwi lieta liilio.

Isaya 42:12

Avandu vosi avamenyi mu visulu vimbi lwimbu lwu kwizominya kandi kuhaana uvukumi ku Yahova!

Isaya 49:13

O, ligulu liosi mwimbi! Kandi, lirova liosi mwimbi nimusangara! Vigulu viosi mwimbi zinyimbu! Yahova alaleminya avandu veve mioyo, kandi alavererera yavo avaveeye mu lidambizwa.

Isaya 6:3

Zihanzuka harara nizivoora: “Mutakatifu, Mutakatifu, Mutakatifu! Yahova Wuvunyali aveeye Mutakatifu, uvukumi vwivwe vwizuyi mu lirova liosi.”

Likunula 5:13

Ndaahulira kandi ivilombe viosi iviveeye mwigulu, iviveeye ku lirova, iviveeye isi wi lirova, iviveeye munyanza, kandi ivilombe viosi iviveeye mwoyo mu lirova ni vivoora: “Oyo uwikala kondeve yu vwami kandi ku Mwana wi Ligondi, luyali loveeye kuye, lizominywa, uvukumi ni zinguru, kuduuka mihiga ni mihiga!”