Zaburi 65:2 - KITABU KITAKATIFU

² kigira ivi ukutivuliranga amasaala giitu. Avandu kutura havundu hoosi valaza ku ivi

Zaburi 65:2 ပူးပေါင်းရင်းမြစ်များ

1 Avami 18:29

Mbasu hagati vazizagilira kuhanzuka no komoloma kuli vandu valalu kuduuka ing'inga yukuhaana kisiuviriru cha mugolova. Navuzwa si vahulira mwoyo gwosi mba; kandi sihaali ho na mativuli, mba.

1 Avami 18:37

Ndivulira O, Yahova, ndivulira kunangwa vandu yava vaduuki kumanya ndi ivi Yahova, oveeye Nyasaye, kandi wiranyie mioyo ja vandu yava vaze ku Ivi.”

2 Kyetsinyinga 33:13

Nyasaye yaavugilira lisaala lia Manase, ma ku namuleka yirani Jerusalemi nukwaamiiha kandi. Yaga gamanyia Manase ndi Yahova aveeye Nyasaye.

Zaburi 102:17

Alavugilira lisaala lia vadaka, kandi alahuliriza ku lianira liavo.

Zaburi 116:14

Ndatunga cha ndalaga ku Yahova, imbiri wa vandu veve vosi.

Zaburi 116:18

Ndahaana viandalagana na Yahova, imbiri wa vandu veve vosi,

Zaburi 22:27

Zihiiri ziosi zielirova valizuliza Yahova. Valagirung'ana kuyeeka kuye kutura havundu hoosi mu lirova avandu vizinimi ziosi kulirova valasigamira Yahova.

Zaburi 66:13

Ndaleta mu Litembeli liilio vihaanwa viu kusambwa; ndahaana ku viandalagana nivi.

Zaburi 66:19

Navuzwa, gaveeye gi ligali Nyasaye umali kumbulira, kandi ahuliri lisaala liange.

Zaburi 66:4

Avandu vosi ku lirova valakusigamira; valimba nu kwizominya ivi, valiimbi zinyimbu zie lizominya ku lieta lilio.”

Zaburi 86:9

O, Yahova, zihiiri ziosi zia walomba, zilaza nu kukusigamira ivi; valizominya ovonene vuvwo.

Isaya 49:6

Yahova yambolera, “Mbeeye ni miyinzi minene ku ivi, mutumikiri wange. Sigaveeye nu kwilanyia avandu va Isiraeli avatigara mba, navuzwa ndakokola kandi ove kuli uvulavu ku zihiiri ziosi, kunangwa avandu vosi ku lirova vaduuki kohona.”

Isaya 65:24

Kali imbiri wa vakikiri kumala lisaala liavo ku inzi, ndahaana amativuli ku lisaala liavo.

Isaya 66:23

Ku vuli lilia liu mweli muhia, kandi ku vuli lisabato, avandu vosi vi ihiiri valaza kusigamira mu lidaala linene lia Jerusalemi,” Yahova avoora.

Nahum 2:1

Munyi avandu va Nineve, mu veeye mu vuhimwa vwu kwingilirwa! Avasigu valimudiviza vamali kuduuka ku munyi. Mwelohizi kuli munyala kwikinga! Mulindi zinzira! Mwetegeke ku vulwani!

Yohana 12:32

Lwa ndigingwa igulu ku musalaba nu kuhilwa mwigulu kutura mu kivala, ndang'usa avandu vosi sa mulala vaze ku inzi.”

Vikolwa 10:31

navoora: ‘Korinelio! Lisaala liilio ni zisadaka zizio ku vadaka vivugiliywi na Nyasaye.

Likunula 11:15

Kunangwa engelosi wa saba yakuba kisiriva chiche kandi ndaahulira zingelosi nivamoromaa uvudinyu ligali mwigulu nivavoora, “Izingulu ziu kwamiiha ku lirova ziveeye ziu Mwami wiitu Nyasaye, kandi zia Mesia weve; Naye alamiiha imihiga ni mihiga.”