Zaburi 65:13 - KITABU KITAKATIFU

¹³ Milimi jikunikiywi na magondi, mavoona gizuyi ingano. Vindu yivi viosi vilava kuli avandu vahanzukaa nukwimba lisandiza liavo ku Nyasaye.

Zaburi 65:13 ပူးပေါင်းရင်းမြစ်များ

Ayubu 36:31

Yiyi niyio inzira ya alihiziraa mu avandu, kandi ahaanaa kuvo viukulia vinyingi.

Zaburi 144:13

Videera vietu viizule ligali ni ligesa lie zing'ano ziosi. Na amagondi gave mu milimi jietu giivulane zielefu makumi na makumi.

Zaburi 72:16

Leka have nuvuswage vunyingi mu kivala; vigulu vizuri ligesa kuli lie kiguru cha Lebanoni. Leka madaala manene gizuri avandu kuli milimi gizuyi uvunyasi!

Isaya 30:23

Yahova alakubiza imbura ku vitagwa mu milimi jinyu, vilamera kandi vilava ni liama linyingi kandi mulava ni ligesa lilahi. Mitugu jinyu jilava nu vwayiru vunyingi.

Isaya 35:10

Valaduuka mu Jerusalemi nu vuyanzi, ni vimba nivakuba isango yu vusangali. Valava nu vuyanzi kandi nuvusangali mihiga ni mihiga, kandi sivalava ni liverera kandi nilihenda mwoyo mba.

Isaya 44:23

Mwimbi nuvusangali, munyi ligulu! Muhanzuki munyi isi wi lirova! Muhanzuki nu vusangali, munyi vigulu O, munyi militu ni misaala josi ijiveeye mu, kigira Yahova umali kohonyia kisukururwi cha Yakobo; naye alakuminywa mu kivala cha Isiraeli.

Isaya 49:13

O, ligulu liosi mwimbi! Kandi, lirova liosi mwimbi nimusangara! Vigulu viosi mwimbi zinyimbu! Yahova alaleminya avandu veve mioyo, kandi alavererera yavo avaveeye mu lidambizwa.

Isaya 52:9

“Muhanzuki zinyimbu ziuvusangali, munyi mang'anye ga Jerusalemi! Yahova alahonyia lidaala lilie linene, kandi alaleminya avandu veve mioyo.

Isaya 55:12

“Mulatula mu kivala cha Babiloni nuvusangali; mulimilirwa muturi mu lidaala linene zana mu mirembe. Vigulu nutugulu vitange kwimba vudinyu na imisaala jilahanzuka kigira uvusangari.

Jeremia 48:33

Uvuyanzi kandi uvusangari vimali kutulizwaho kutura mukivala kigunamu cha Moabu. Inzi mali kokora iwaini ivuli kwidoroka kutura mu viminilu vie iwaini, mundu si aveeyeho olomba iwaini kandi nukuhanzuka kigira uvusangari mba.

Joeli 2:22

Zinyama, mutatia mba. Uvwayiru vusivuki; misaala jamaa makuyu gajo, mikuyu na mizabibu jiveeye ho muvunyingi.

Zekaria 9:17

Kivala kilakave kilahi kandi chu kuyaanziza ligali kuli ndi vayaayi vasoleri valakaviluki ni zinguru kigira vuswage, vakana valakaviluki kigira iwaini imbia.

Vikolwa 14:17

Navuzwa siyaleka kwelolekiza mwene ku likora amalahi. Amanyia uvulahi vwivwe na amukubizira imbura kutura mwigulu, amuhezaa ligesa mu mihiga jalio, amuhezaa viukulia nu ukwizuliza uvusangari mu mioyo jinyu.”