Zaburi 64:5 - KITABU KITAKATIFU

⁵ Vazuvana aveene na vene mu lilohiza liavo kokora uvudamanu; vavoleranaa harara aha vaviika mitego jaavo vavoola, “Siaveeye ho nunyala kulola mba.”

Zaburi 64:5 ပူးပေါင်းရင်းမြစ်များ

Litanga 20:13

Kunangwa lwa Nyasaye yangola kuva mugendagendi kutura munyumba ya baba wange, kuzia muvivala vwu vogeni, ndaavoolera Sara, ‘Ivi ulamanyia kuli wanyanza mu livoolera mundu woosi ndi inzi mbeeye mbozo woovo.’ ”

Ayubu 22:13

Kunangwa ivi ovola, ‘Nyasaye amanyi kindu ki? Aveeye unyala kuhaana likalaga kuvitira mu kisundi kenene?

Zaburi 10:11

Mundu muchamu avola mu mwoyo gwigwe, “Nyasaye yiiviriiyi! Amolizi zimoni zizie, na sianyala kondola mba!”

Zaburi 124:7

Kunyi kohoni kuli linyonyi kutura mu vuginga vwu mutegi; mutego guvuniki na kunyi koohoni.

Zaburi 140:5

Avikirage vategegi mutego mu vwivisu kugumira inzi vamali kotega imiveto jaavo ku inzi, kandi vavisi mitego kunzira vaduuki kung'umira.

Zaburi 59:7

Huliriza ku amanyego ni litihiza liavo. Amakuva gaavo gaveeye kuli vivavi viugi mu minwa jaavo, navuzwa vaganagana ndi mundu siavahuliraa mba.

Zaburi 94:7

Vavoola: “Yahova sialola cha kunyi kokoraa mba; Nyasaye wa vandu va Isiraeli siamanyi kindu mba.”

Kutwula 15:9

Musigu yavoola, ‘Ndavalonderera na ndavagumira, ndagavulanyia vutugi vwavo nu kuvugura viosi viavaveeye navio.’

Isaya 41:6

Vuli mundu akoonyaa wache, kandi avooreraa amwavo weve, ‘Ove muluviliri!’

Ezekieli 8:12

Maku Nyasaye yambolera, “Mwana wu Mundu, ololaa agaviimiliri va Isiraeli vakora mu vwivisu? Vosi vaveeye mukeng'oze chizuuyi vifananyi kandi vavisigamiraa. Vavola ndi, Yahova akolola mba! ‘Yahova umali koleka kivala.’ ”

Livalidza 22:6

Vaveeye avanyingi kuvita kunyi. Kulwayago nuyanza, hamba uvanaamili. Ambula kulavaguuta kandi kuvakungi kutura mu kivala chiitu. Inzi manyi ndi lwa uhaana ligasizwa avandu valagasizwa, kandi lwa uhaana kilaamo avandu valalamwa.”

Matayo 23:15

“O, vayaye, kilaamo keveeye ku munyi, avigizi vi Lilaga na Avafarisayo! Avagaadi munyi! Mwambukaa izinyanza kandi muvodong'anaa ilirova liosi muduuki konyoora umundu mulala ahambane ni lisuuvira lienyu. Navuzwa lwa mumunyoola, mumukolaa ave udukana kuzia mu gehena haali kaviri kuli munyi aveene muveeye.

Likunula 11:10

Avandu vamenya mu lirova, valayanzizwa nu kusangara ku likuza liavo kandi valahaanilana vihaanwa kigira avaporofeti vaviri yavo avaleeta uvusaliri ovonene ligali ku avandu vamenya ku lirova.

Vakalagi 20:22

Navuzwa avandu va Isiraeli vidinyia kuli lwambiri nivelohizi havundu harara heere havaali nivelohizi lidiku liukutanga.