Zaburi 63:3 - KITABU KITAKATIFU

³ Uvuyanzi vuvwo uvutali nekeheri voveeye uvulahi kuvita livamwoyo liene, nandio ndizominya ivi ligali.

Zaburi 63:3 ပူးပေါင်းရင်းမြစ်များ

Zaburi 21:6

Uvugasu vuvwo voveeye kuye mihiga ni mihiga. Aveeye nuvusangali vonene imbiri woovo.

Zaburi 30:12

Kunangwa, sindakiring'ana mba. Ndakimbi zinyimbu zie lizominya ku ivi. O, Yahova, Ivi oveeye Nyasaye wange, ndakusandiza mihiga ni mihiga.

Zaburi 30:5

Uvutima vwivwe voveeye vuzwa ku ing'inga ngekeeke. Navuzwa uvulahi vwivwe vuhindiraa mihiga ni mihiga. Amaliga ganyala kwidoroka mu vudiku, navuzwa uvusangari vuuzaa mugamba.

Zaburi 4:6

Vaveeye ho vandu vanyingi avasaalaa: “Okohe uvugasu vunyingi, O, Yahova okohenze nuvulahi vweng'ine vuzwa!”

Zaburi 42:2

Mbeeye nuvuluhu ku ivi, Nyasaye oveeye mwoyo. Nyara kuzia ng'inga ki mu Litembeli nukusigamira yo imbiri woovo?

Zaburi 51:15

O, Yahova, ongonye komoloma; na inzi ndakwizominya.

Zaburi 66:17

Ndanira kuye yangonye, kandi ndamwizominya mu liemba zinyimbu

Zaburi 68:25

Aviimbi vaveeye imbiri, avakubi uvukana vwi zinyimbu vaveeye inyima hagati haavo, vaveeye ho avakaana vakuba zitamburini.

Zaburi 69:16

O, Yahova, undivuliri makuva gilianira liange, mu vulahi vwu vuyanzi vuvwo vutaveeye ne keheri. Kolondekana ni zimbavasi zizio, yaanza ombonyie.

Zaburi 96:6

Uvukumi novonene nuluyali vimukumbirizaa; kandi zinguru nuvulahi vizuyi Litembeli lilie litakatifu.

Kutwula 33:18

Maku Musa yateeva, “Mwaza, nuyanza umanyie uvukumi vuvwo kalunu.”

Hosea 14:2

Mwirane ku Yahova na musaale lisaala yili kuye kuli kihanwa: “Ukusamihi uvwoni vwitu vwosi kandi uvugiliri lisaala lietu. Kunyi kulakwizominya kuli kumali kulaga.

Varumi 12:1

Kunangwa mugoonyaa nu mwoyo gwosi ligali, avaamitu vange, kigira ovonene vwi zimbavasi zia Nyasaye ku kunyi, mwihaane munyi aveene ku Nyasaye kuli kisiuviriru keveeye mwoyo, kitakatifu kivugiliywi kandi chukuyaanziza Nyasaye. Yiyi niyio inzira yinyu ya giligali idukanaa kusigamira Nyasaye mu Roho.

Varumi 6:19

Hano moloma kuli mundu wa kase kigira vodedekere vwi liiva lienyu aveene. Ku ing'inga ndala mwihaana aveene ligali kutumikira uvudamanu kandi kifwavwi kigira uvudamanu. Navuzwa kalunu kuduuka mwihaane aveene ligali muve avatugwa vu vulungi kigira kivuni kitakatifu.

1 Vakorintho 6:20

Yaagula ivi nu vuguli vonene. Kulwayago, mutumikiri miviri jinyu kulwu vukumi vwa Nyasaye.

Vafilipi 1:23

Mbeeye hagati hi zimbega ziviri. Nyenya koleka livamwoyo yili kuzia komenya harara na Kristo, kigira yiki keveeye kindu kilahi ligali.

Vahebraina 13:15

Gendi kuvitiri mu Yeso, kuhaane ku Nyasaye kisiuviriru chi lizominya lietu kazozo, agaveeye kovora, kisiuviriru kihaanangwa ni minwa jiyama lieta lilie kuli Mwami.

1 Yohana 3:2

Avalina avayaanze vange, kalunu koveeye avana va Nyasaye, navuzwa gakiri kumanyikana havulavu kuli kunyi kuliiva. Navuzwa kumanya ndi lwa Kristo aliloleka kulakave kuliye, kigira kulakamulole kuli aveeye.