Zaburi 63:11 - KITABU KITAKATIFU

¹¹ Mwami alasangala ligali kigira Nyasaye alamuha liguuta, yavo vosi aviisuhaa mu lieta lia Nyasaye, valamwizominya; navuzwa Nyasaye alahana minwa ja vavehi.

Zaburi 63:11 ပူးပေါင်းရင်းမြစ်များ

Ayubu 5:16

Ahaanaa lisuuvirizwa ku avadaka kandi achiring'anyia avachamu.

Zaburi 107:42

Avalungi vasangala lwa valora yaga, navuzwa avachamu vosi vachiring'anywaa machiriri.

Zaburi 2:6

Yahova avoora, “Mali kwamiihiza mwami wandatovola, ku Ziyoni, kiguru change kitakatifu.”

Zaburi 21:1

O, Yahova, Mwami aveeye nuvusangali kigira wamuha zinguru; asangalaa kigira wamuha liguuta linene.

Zaburi 31:18

Kiringanyia avagaadi yavo! Avandu vaveeye nilielora kandi niliegingira, avamolomaa ni lilegeriza ku valungi.

Zaburi 44:20

Niiva kwaali nikwivilira kusigamira Nyasaye wiitu, nu kusaala ku avanyasaye vandi,

Isaya 19:18

Lwi ing'inga yiyi iduuka, lulimi lwa Avaheburaina lulakamolomwe mu madara manene 5 ga Egebeti. Avandu wene yeyo valisuuha mu lieta lia Yahova Wuvunyali. Lidaala lilala ku madaala yaga lilakalangwe, “Lidaala linene lie liuva.”

Isaya 45:23

Lisuuvirizwa liange liveeye lia agaligali, kandi silinyala kugirung'anywa mba. Inzi mali kumusuuviriza ndi, vuli mundu woosi alaza nu kusigama imbiri wange, kandi valisuuha kuva avasuuvirifu imbiri wange.

Isaya 65:16

Mundu woosi oteeva uvugasu mukivala, alateeva uvugasu kutura ku Nyasaye musuuvirifu. Oyo wi suuhaa mu lirova, alisuuha ku Nyasaye wa agiligali; uvudinyu vwaliho kutura kale, vumali kwivilirwa ligali.”

Jeremia 18:21

Navuzwa kalunu, Yahova, oleke avana vaavo vakuzi kigira inzara; oleke vakuziri mu liihi. Oleke avakali vagotizi avasaza vaavo navana; oleke avasaza vakuzi kigira uvulwaye kandi avasoleri vakuziri mu vulwani.

Zefania 1:5

Ndakadivizi vuli mundu woosi ulakanini ku inyumba igulu nu kusigamira liuva, umweli kandi zing'ereng'ani. Ndakadivizi yavo avasigamiraa kandi aviisuhaa kuhaana ku inzi luyali, kandi visuha mulieta liumunyasaye Moleki.

Varumi 3:19

Kalunu kumanyi ndi goosi agi Lilaga livolaa, gaveeye ku yavo avamiihangwa ni Lilaga, kunangwa vavuli kuva ni kivuni chukwisayasayira ku, na vandu vosi vanyoore likalagirwa lia Nyasaye.

Kwidzulitsa 6:13

Muhaane luyali ku Yahova Nyasaye winyu, mumusigamiri oyo yeng'ine vuzwa, kandi mulisuuha ku lieta lilie lieng'ine.

Vahebraina 6:13

Lwa Nyasaye yalomba lisuuvirizwa lilie ku Aburahamu, yalomba liesuuha akole icha yaali naasuuvirizi. Kigira sihaali nu munene kuvita oyo mwene, yatumikira lieta lilie liene lwa yalomba liesuuha lilie.

1 Samweli 23:17

namuvolera, “Utatia mba. Baba wange Saolo si alanyala kukusaliriza mba. Umanyi vulahi ndi ivi niyie uwaza ove mwami wa Isiraeli, ma kandi inzi ndava wakaviri mu vonene ku ivi.”

1 Samweli 24:20

Kalunu mbeeye nagiligali ndi ulakave mwami wa Isiraeli, ma kandi uvwami vwa Isiraeli vulazizagilira hasi hi liamiiha liilio.