Zaburi 62:4 - KITABU KITAKATIFU

⁴ Munyi mwenya vuzwa kumwikiza kutura havundu hehe huluyali; munyi musangaliraa mu vovehi. Munyi mumolomaa amakuva gi ligasiza, navuzwa mu mioyo jinyu, mumulaamaa.

Zaburi 62:4 ပူးပေါင်းရင်းမြစ်များ

Zaburi 119:163

Inzi ndunyiraa nukuvihilirwa ovovehi vwosi, navuzwa nyanza amalago googo.

Zaburi 28:3

Utangalagira harara na vachamu, kandi harara na yavo avakolaa uvudamanu avandu va makuva gaavo gaveeye guvulina navuzwa uvusigu voveeye mu mioyo jaavo.

Zaburi 5:9

Avasigu vange si vavola agiligali mba. Zing'anagani ziavo ziveeye ziu kwononyia, amakuva gaavo gaveeye gu vugadi kandi madoto, navuzwa galetaa likuza ligali ku vandu.

Zaburi 51:6

Ivi wenyaa uvusuuvirifu na giligali kutura ku inzi. Unzigize vogeri mu mwoyo gwange.

Zaburi 52:3

Ivi wayanza kokora uvudamanu kuvita kokora uvulahi, kandi uyanzaa kovora uvugadi kuvita kovora agiligali.

Zaburi 55:21

Makuva gu munwa gwigwe gaali manulu ligali kuvita isiagi, navuzwa yaali ni livihiliriza mu mwoyo gwigwe. Amakuva geege gaali kuli amaterere gokodotiza, navuzwa gakalagaa kuli vivavi viugi.

Tsing'ano 13:5

Vandu avasuuvirifu vasuura uvugadi, navuzwa makuva ga vandu avachamu gaveeye zisoni kandi gukuvihiliriza.

Tsing'ano 6:17

Lihenza lidamanu, kovora vugadi, kwita vandu vataveeye nimbala,

Isaya 30:13

Munyi muveeye na mahiolo. Muveeye kuli lidigi litambi ilimali kwadika nukusiavuka kutura igulu kuduuka hasi; nonoho mulagwa.

Hosea 7:3

Yahova avoora, “Avandu vagada mwami harara navatumikiri veve nililohiza lidamanu liumuvwivisu.

Matayo 2:16

Lwa Herodi yalora vageri vaamugadi, yavihilirwa ligali ma yaatuliza lilago ndi avana vayaayi vosi vu mulidaala lia Bezelehemu na vikivala chaali ahimbi, viitwi; avaari nivaduuki mihiga giviri kandi vosi avaari nivakikiri kuduuka. Yaga gaakolwa kolondekana ning'inga ya vaali vamuvooleye.

Matayo 22:15

Avafarisayo vazia kovolerana kuli vanyara kogeriza Yeso na mateeva.

Matayo 22:23

Ku lidiku zana yilio, avalala ku Avasadukayo avavooraa lisimuguka lia vakuzu siliveeye ho, vazia ku Yeso nivamuteeva:

Matayo 27:1

Lwa vwacha, avasaalisi vanene na vakulundu vaakora kiyaalo ku Yeso nivalomba zing'anagani kuli vanyara kumwita.

Luka 11:39

Kunangwa, Mwami yamuvolera, “Munyi Avafarisayo, mwogizaa igulu we kekombe ni sahani. Navuzwa mugati mwinyu, mwayizula uvunuuri nu vudamanu.

Luka 20:20

Kunangwa venyeleriza vwiyangu vatuma avatunyirizi nivekola kuva vasuuvirifu vaduuki kumugumira kigira gavoora kunangwa vamuhira ku avuvunyali kandi kumuviika mu zinguru ziu Mwami wu vwamihi vwavo Rumi.

Yohana 8:44

Munyi muveeye avana vababa winyu Setani, nu uvulariri vwinyu ni okokora likayirwa lia baba winyu. Oyo yaali mulumindi kutura mulitanga kandi sianyala kusingira kolovega lwa agiligali mba, kigira agiligali sigaveeye muye mba. Choosi ichavoolaa cho vovehi avoora kuturana ni liiva lilie lia yalombwa nalio, kigira aveeye muvehi kandi ni baba wovovehi.

Varumi 1:32

Kali niiva vamanya lilago lia Nyasaye livoora ndi, avandu vamenya munzira yiyi vaduukana likuza. Nitali sigaveeye vuzwa yavo vazizagilira kokora ivindu viene yivi, navuzwa vavugilira avandu vandi vakolaa vindu zana yivi.

Varumi 7:22

Sangaliraa Lilaga lia Nyasaye mugati musi mwu mwoyo gwange.

Likunula 22:15

Ichova ziveeye yo zimbwa, avakumu, avaheyi, aviiti, na avasigamiraa imisaambwa, kandi yava vosi avayaanzaa kovora ovovehi.