Zaburi 62:10 - KITABU KITAKATIFU

¹⁰ Mutaviika lisuuvira lienyu litumikira lidambiza; mu lienyolera uvutugi mu vugadi mutasuuvira mu lienyolera vindu ku linuura. Kali niiva uvutugi vuvwo vomedeka, uteeleda kuvwo mba.

Zaburi 62:10 ပူးပေါင်းရင်းမြစ်များ

Ayubu 20:19

Kigira umali kudambiza avadaka nukuvaleka muvudaka ligali. Kandi umali kuvugura zinyumba zia yavula kwumbaka.

Ayubu 20:29

Yiki nicho kidieli cha Nyasaye aheezaa avachamu; Yiki nicho kidieli cha Nyasaye yavatovolera.

Zaburi 39:6

kandi aveeye vuzwa kuli chiriri. Viosi akolaa siviveeye kindu mba, avungiza uvutugi vwivwe, na siamanyi mundu ulivugula mba.

Zaburi 4:3

Mwizurizi kumanya ndi Yahova umali kotovola avalungi kuva vandu veeve mwene. Yahova ahulira lwa musaala kazozo.

Zaburi 49:6

avandu vadamanu avasuuviraa mu vutugi vwavo, vigingiraa kigira uvunyingi vwu vutugi vwavo.

Zaburi 52:7

“Heenzi mundu uyu si yenya kweleda ku Nyasaye amusoore mba, navuzwa yasuuvira mu vutugi vwivwe ovonene, kandi yenya uvuhaliru mu vutugi vwivwe.”

Zaburi 91:14

Nyasaye avoora, “Ndahonyia yavo avayaanzaa, kandi ndakinga yavo avambugiliraa kuli Yahova.

Tsing'ano 23:5

Vutugi vuvwo vunyala kogota kutura ku ivi vwangu, kuli vomeli zimbaha nukuburuka kuli indizu.

Isaya 28:15

“Mwiyizominyaa ndi mwalomba lilagana liuvuhambani ni likuza, mwalomba livugilirizana ni kivala chavakuzu. Lwikivi kiiza sikilakakudiiri mba, kigira mwasuuvira mu vovehi nuvugadi kuva chukwivisamu chiinyu.”

Isaya 30:12

Navuzwa yaga nigo aga Nyasaye Mutakatifu wa Isiraeli avoora: “Musuraa aga inzi muvooleraa na musuuviraa mu vutindi kandi mu vugadi.

Isaya 40:15

Zihiiri ziosi ziveeye ku Yahova kuli ingelageliza ya mazi mu isiongo, kandi zivalizwa kuva kuli luguchi ku zigero. Ivisulu viosi vie inyanza viveeye kuye kuli muyeke.

Isaya 40:17

Zihiiri ziosi siziveeye kindu imbiri wa Yahova mba, zivaliziiywi kuye kuva kuli mwika vuzwa.

Isaya 47:10

“Mwayanzilira kokora uvudamanu, mwaganagana ndi mundu kali mulala siyaali anyala kumulora mba. Ovogeri kandi limanya lienyu viamugotiza, kandi mwavoora mu mioyo jinyu, ‘Kunyi koveeye Nyasaye, siaveeye ho nu wundi kuli kunyi mba.’

Isaya 59:4

Munyi muzizaa mukiyaro, navuzwa simuveeye nilikalaga liuvulungi kolovega lwinyu mba. Mweredaa ku ovovehi kuguuta ichiina. Mwetegekiza zing'anagani zienyu ziuvudamanu kusaliriza avandi.

Isaya 61:8

Yahova avoora, “Inzi ndayaanza likalaga liu vulungi, kandi ndunyiraa likora uvudamanu ndahaana amadanyi ku avandu vange mu vusuuvirifu. ndaalomba lilagana liange navo lie mihiga ni mihiga.

Jeremia 13:25

Umali kovora ndi yiki kilava kivi chienyu. Yili nilio liamali kotovola akole ku munyi kigira mumali kumwivirira kandi musuuviraa muvanyasaye vuvugadi.

Jeremia 17:11

Mundu anyoora uvutugi munzira itaveeye isuuvirifu, aveeye kuli ilinyonyi ligoneraa amavuyu agaliavula kotera. Hagati hi limenya lilie alagotiza uvutugi vwivwe, kandi mu keheri chi limenya lilie alava vuzwa kandi umusiru.

Marko 10:23

Yeso yahenza zimbega ziosi navolera aviigi veve, “Vulakave uvudinyu kuvatugi kwingira mu vwami vwa Nyasaye!”