Zaburi 61:2 - KITABU KITAKATIFU

² nzanira ku ivi, mu likuza mwoyo kandi nimbeeye ihale ligali kutura yengo, umbile ha vuhaliru vwi mirembe.

Zaburi 61:2 ပူးပေါင်းရင်းမြစ်များ

Zaburi 142:3

Lwa inzi mbeeye ahimbi kukuza umwoyo, ivi umanya cha ndukanaa ngole. Avasigu vange vavisi mitego mu zinzira ziange ziangendaa mu.

Zaburi 143:4

Kigira yaga, mwoyo gwange guukuzi, kandi lisuuvira liange lituli mu inzi.

Zaburi 17:1

O, Yahova, hulira ligoonya liange kigira likalaga liuvulungi! Huliriza ku lianira liange kigira ovokonyi. Huliriza ku lisaala liange lisuuvirifu!

Zaburi 18:2

Yahova aveeye mukingi wange, aveeye imbinga yange yizingulu. Nyasaye wange aveeye chu kwivisamu change; aveeye inguva yange, kandi aveeye zinguru zio vohonyi vwange nu munara gwange.

Zaburi 18:46

Yahova aveeye mwoyo! Mukingi wange yizominywe! Landiza ovonene vwa Nyasaye ombonyia!

Zaburi 27:5

Mu ing'inga yi kivi alakinga inzi. Yahova alambiika vulahi mu litembeli lilie. Nokongola singiri vudinyu igulu kulwanda.

Zaburi 40:2

Yang'usa kutura mu vogo vwuvuhimwa kandi kutura mu vodohi vwe kedende. Yasingiriza ku lwanda mu mirembe; kandi nandinyiriza kusingira vudinyu.

Zaburi 42:6

Mwoyo gwange gwizuuyi ovovereri, O, Nyasaye nzizuliza ivi, kutura mu kivala cha Jorodani, kandi kutura ku kiguru cha Herimoni na Mizari.

Zaburi 43:5

Kigira ki mbereraa ligali? Kigira ki ngubizwa kivi? Inzi ndasuuvira mu Nyasaye kandi ndamwizominya, muhonyi wange kandi Nyasaye wange.

Zaburi 55:5

Inzi mbeeye nu vuti kandi ni lidegera linene; mbeeye mu vuti vonene ligali.

Zaburi 62:2

Oyo niyie yeng'ine oveeye mukingi wange kandi umuhonyi vwange ombonyiaa; aveeye imbinga yange; sindaguutwa ligali mba.

Zaburi 62:6

Oyo niyie yeng'ine oveeye lwanda lwange kandi ombonyiaa, oveeye imbinga yange, sindadengeyizwa ligali mba.

Zaburi 77:3

Lwa ng'anagana kigira Nyasaye, mbendaa mwoyo ligali; lwa ng'anagana vudinyu ligali mwoyo gwange gukuzaa ligali.

Isaya 32:2

Vuli mulala kuvo alakave kuli chukwikinga kutura kumbuuza kandi havundu hu kwivisa kutura kumbula yikiihi. Valakave kuli migera ja mazi jiturukaa kutura mu changarangwi, kandi kuli chiriri chu lwanda lonene mu kivala kitaveeye ni liama.

Isaya 54:11

Yahova avoora, “O, Jerusalemi Ivi usalirizangwa, lidaala linene litinyalizaa, vugira mundu wukuleminya mwoyo, ndumbaka vuhia imise jijo na magina guvuguli ovonene.

Luka 22:44

Mu vusaliri vonene, yasaala numwoyo gwosi ligali kandi ulogeri lwilwe lwali kuli zingerageriza zia masahi gatonyatonyaa hasi.]

Kwidzulitsa 4:29

Uwene yeyo mulenyeleriza Yahova Nyasaye winyu, kandi niiva mulamwenyeleriza nu mwoyo gwinyu gwosi na roho gwinyu gwosi, mulamunyoola.