Zaburi 60:3 - KITABU KITAKATIFU

³ Ivi umali kokora avandu vovo kusalira vululu ligali. Kuguyaguyaa vuzwa yiyi ni yiyi kuli avandu vahambiki iwaini.

Zaburi 60:3 ပူးပေါင်းရင်းမြစ်များ

Nehemia 9:32

“O, Nyasaye, Nyasaye wiitu, Ivi oveeye munene ligali kuli ndi! Ivi oveeye wukutihiza kandi wizingulu! Muvusuuvirifu ulindaa lilagana liilio lia walaga. Kutura ing'inga lwa avami va Asiria vakudambiza, kali kuduuka kalunu ndi, kwasalirizwa hanene ligali! Avami viitu, aviimiliri viitu, avasaalisi na avaporofeti viitu, avaguuga viitu, na avandu viitu vosi vamala kusalirizwa ligali. Yizuliza kuli uvusaliri kumali kusalira.

Zaburi 71:20

Ivi umali kumbika mu vudinyu vululu ligali kandi nuvusaliri vunyingi. Navuzwa ulanziranyira zinguru; ulambonyia kutura mu likuza.

Zaburi 75:8

Yahova ugumiyi kekombe mu mukono gwigwe, nichizuyie iwaini induru yu vutima vwivwe. Agisundulaa ichova na avandu vachamu vosi vu mulirova, vaginwezaa; yee, vaginwezaa ku engelageriza yu kumalirika.

Zaburi 80:4

O, Yahova Nyasaye Wuvunyali, ulavihilirwa lisaala lia vandu vovo kuduuka ing'inga ki?

Zaburi 80:8

Ivi waleeta avandu vovo avaveeye kuli muzabibu kutura Egebeti; wakunga zihiiri zindi ziosi ziamenya mu kivala cha Kanaani. Kandi waleka avandu vovo ni vavugura kivala yiki.

Zaburi 85:5

Ivi ulakusinyikira mihiga ni mihiga? Ulava nu vutima nikunyi mihiga ni mihiga?

Zaburi 89:39

Umali kuvunaga lilagana liilio lia walomba nu mutumikiri woovo, kandi umali kusiuva itaji yeeye mu luguchi.

Isaya 51:17

O, Jerusalemi, vuka! Vuka ivi mwene na usingiri vulungi! Ivi umali kunywa kutula mukekombe cha mageri icha Yahova amali kukuha mu vutima vwivwe; lwa mwakinywa mwagoyana.

Isaya 51:22

Yahova, Nyasaye winyu, ukingaa munyi avoora, “Inzi mali kutuliza ho vutima vwa ndamuha mu vutima vwange. Simulanwa kandi iwaini imukolaa kugoyana mba. Si mulanwa kandi lubaago lwu vutima vwange mba.

Jeremia 25:15

Yahova, Nyasaye wa avandu va Isiraeli, yambolera, “Mbeeye nu vutima uvunyingi kuli kekombe chizuuyi iwaini. Vugula kekombe yiki chuvutima vwange uhili ku zihiiri ziosi zia Inze ngutumaa kuzio, na uvakole kunwa iwaini yiyi.

Lisyoma lya Jeremia 4:21

Museke O, munyi avandu va Edomu, na avamenyi mu kivala cha Uzi, musangare kuli munyaliza. Navuzwa munyi kandi muladuuka mukivi; mulatuliza zinguvu nukutigara chahonyo.

Danyeli 9:12

Wakola agawavoola ulakola ku kunyi kandi ku vamiihi viitu. Wahaana mageri amalulu ligali ku lidaala lia Jerusalemi kuvita madaala gandi goosi mu lirova,

Habakuk 2:16

Munyi kandi mulava mu zisoni havogono hu kuva nu luyali. Munyi mulakanwi kandi mulakagende ni muyekayeka. Yahova alakahaane mageri ku munyi kuli gamudukira, kandi luyali lwinyu lulakagirunganywi kuva lichaya.

Likunula 16:19

Lidaala linene lia Babiloni liavukanywa mu vidonye vivaga, kandi amadara gi izihiiri gaasambwa. Nyasaye yizuliza lidaala lia Babiloni naaliha kekombe chi iwaini linwi, amageri gu uvutima vwivwe ovonene.

Likunula 18:16

“O, vayaayi! Lidaala linene yilio! Liali nilianala kwivika zinguvu zie katani, ziomusambarao ni izinzakanyu, nu kwikunika nivialombwa ni zahabu, amagina amalahi kandi zilulu!