Zaburi 60:2 - KITABU KITAKATIFU

² Ivi umali kokora kivala kedegere, kandi umali kukekola chadikane; kalunu, ohonyie zingwagu zialio kigira limali kuchatanyia.

Zaburi 60:2 ပူးပေါင်းရင်းမြစ်များ

2 Samweli 22:8

Maku lirova liatenga nilidegera misinai ji ligulu jadengeya, kigira Nyasaye yaali nu vutima!

2 Samweli 8:1

Inyima wa yaga, Daudi yingilira nukulwana avandu va Filisitia kandi, navaguuta kandi navugura lidaala lia Mezegi Ama kutura ku vandu va Filisitia.

1 Kyetsinyinga 18:12

Abishai, uwa mama weve yaali Zeruya yaguuta Vaedomu mu Livona lie Ijumbi kandi niyiita vandu 18,000.

1 Kyetsinyinga 18:3

Mwami Daudi yingilira nu kuguuta mwami Hadadezeri wa Zoba, kilala ku vivala via Siria, ahimbi ni kivala cha Hamazi, kigira mwami Hadadezeri yaali nageriza kuvugura uvwamihi vwi kivala keveeye iluhia wu mugera gwa Efurate.

1 Kyetsinyinga 18:5

Lwa vandu va Siria vamenya Damasiko vaatuma liihi kuzia kokonya Hadadezeri mwami wa Zoba, Daudi yavingilira niyiita avasaza 22,000.

2 Kyetsinyinga 7:14

niiva vasaala ku inzi nukwiganira kandi vagirung'ane kutura ku vudamanu vwa vakolangi, maku nda vahulira mwigulu nu kusamiiha uvwoni vwavo, nokokola kivala chavo keve nilizizagilira lilahi imbiri niligasizwa.

Ayubu 5:18

Nyasaye yaataa zing'oma, navuzwa kandi avoheleraa zing'oma zana. Asaliriza, navuzwa ahonyia kandi.

Ayubu 9:6

Nyasaye asungusaa lirova kutura mu vogono vwalio, kandi akolaa zitiru zialio zidegera.

Zaburi 104:32

Yahova ahenzaa ku lirova ma lidegera, kandi adiira ku vigulu ma vigulu vivuya umwochi,

Zaburi 114:7

Odegere O, ivi lirova, ku liza lia Yahova, odegere imbiri wa Nyasaye wa Yakobo,

Zaburi 18:7

Maku lirova liosi liadegera na imise ji vigulu jadengeya. Kigira Nyasaye yaali nu vutima.

Zaburi 89:40

Umali kusambula amadigi gi lidaala lilie linene, kandi umali kokora zimbinga zizie kuva hazwa.

Kutwula 15:11

“O, Yahova, nivwaha munyasaye oveeye kuli yivi? Nivwaha oveeye kuli ivi, wokogenyia mutakatifu? Nivwaha unyala kokora vilolekizu iviokogenyia ni vinene kuli vivio?

Isaya 30:26

Uvulavu vwu mweli vulakave kuli uvulavu vwi liuva, na uvulavu vwi liuva vulakamedeke haali saba kuvita kazozo, kuli uvulavu vwa amadiku saba mu lidiku lilala. Yaga goosi galakekoleke lwa Yahova avoheleraa nokohonyia zing'oma ziamali kuha avandu veve.

Isaya 5:25

Kigira yaga, Yahova aveeye nu vutima na vandu veve na umali kunyiira mukono gwigwe ukuvaha amageri. Ivigulu viladegera, miviri ja yavo avakuzaa jilalekwa muzinzira kuli mavivi. Na kali ndio uvutima vululu vwa Yahova sivulalekera mba; navuzwa alanyiira mukono gwigwe kuhaana amageri.

Isaya 7:8

Kigira ki? Kigira Siria sieveeye ni zinguru kuvita Damasiko mba, lidaala linene liacho kandi Damasiko siliveeye nizinguru kuvita mwami Rezini mba. Mu mihiga 65 Isiraeli iladivizwa ligali na silasingira kuli ihiiri mba.

Jeremia 10:10

Navuzwa ivi, Yahova, oveeye Nyasaye wagiligali, oveeye Nyasaye oveeye mwoyo kandi umwami uhindiraa mihiga ni mihiga. Lirova lidegera lwa oveeye nu vutima; izihiiri sizinyala kwikuzira ku vutima vuvwo mba.

Jeremia 14:17

Yahova yandaga mbore amakuva yaga ku avandu yava: “Leka zimoni ziange zidorokaa amaliga mbasu nu vudiku, kandi mburi kolekera kusioma kali hakuzu, kigira avandu vange vamali kwatwa zing'oma nukusalirizwa ligali.

Jeremia 30:17

Inzi ndamukora muve vulahi kandi; ndahonyia zingwago zienyu, kali nbiiva vasigu vinyu vavoola, ‘Ziyoni imali kolekwa; umundu kali mulala sialivahendera mwoyo mba.’ Inzi, Yahova mali kovora.”

Jeremia 4:24

Ndahenza ku vigulu naviadegeraa, kandi vigulu viosi viazizaa imbiri ni inyima.

Jeremia 48:38

Ku visegese vie zinyumba ziosi zia Moabu kandi mu viitu viosi siulahulira kindu navuzwa lisioma lieng'ine, kigira mali kwatanyia Moabu kuli ikiju chu mundu atayaanziliraa mba

Lisyoma lya Jeremia 2:13

O, munyi avandu va Jerusalemi, inzi nyara kovora ki ku munyi? Nyara kumufananyia na kindiki? O, munyi avandu va Ziyoni, inzi nyara kumuleng'anyia na kindiki kunangwa nduuki kumuleminya mwoyo? Lidivizwa lienyu liveeye linene ligali kuli inyanza nene. Nivwaha unyala kumuhonyia?

Ezekieli 34:16

“Inzi mwene ndahenza agagotaa; ndiranyia agavoyavoya, ndavohelera agasalirizwa, kandi ndahonyia yago agaveeye malwaye. Ndakadivizi agaveeye amakomeru kandi agizingulu, kigira mbeeye mwimiliri okolaa agaveeye malungi.

Hosea 6:1

Avandu vavoola, “Gendi kwirane ku Yahova! Umali kukusaliriza, navuzwa alakohonyia; umali kukwata zing'oma, navuzwa alavohelera zingwago zietu.

Amosi 8:8

Na kulwayago, lirova liladegera, na vuli mundu omenyi mu kivala alava mu kivi. Kivala choosi kiladengeyizwa, na kilasinuka nukugwa kuli mugera gwa Naili.”

Habakuk 3:10

Vigulu viadegera lwa viakolola; mazi gasunduka kutura mu vwerefu, mazi gafuuma isi wilirova, kandi viguvuli via go viazia igulu ligali.

Matayo 27:51

Hene yaho, inguvu yi Litembeli yatanduka mu hagati kutura yigulu kuduuka hasi. Lirova liadegera, amagina ni gadika,