Zaburi 60:1 - KITABU KITAKATIFU

¹ O, Nyasaye, ivi umali kukusuura Ivi umali kuvunanyia likingwa lietu; Ivi waveeye nu vutima; mwaza, yaanza ukwiraniri.

Zaburi 60:1 ပူးပေါင်းရင်းမြစ်များ

2 Samweli 10:16

Mwami munene Hadadezeri yalaga vandu va Siria vosi avaari kulovega lwi Ivugwi lwu mugera gwa Efurate vaza, vaduuka ha Helamu nivasingiliywi na Shobuki, munene wi liihi liu Mwami Hadadezeri wa Zoba.

2 Samweli 5:20

Kunangwa Daudi yazia kuduuka ha Baaliperazimu, kandi uwene yeyo, yaguuta vandu va Filisitia. Yavoola, “Yahova umali kuvunaga avasigu vange kuli livunaga lia amazi gizuyi.” Nandio havundu yaho halangangwa Baaliperazimu.

2 Samweli 8:14

Yalomba hokososa ha mahi ga avasikari mu Moabu mwosi, na avandu uwene yeyo vaagwa avatumikiri veve. Yahova yahaana ku Daudi vuguuti havundu hoosi.

2 Samweli 8:3

Maku Daudi yalwana nukuguuta mwami Hadadezeri, muyaayi wa Rehoba wa Zoba mu kivala cha Siria. Hadadezeri yaali nazizaa kugumira nukwirana kwamiiha kivala keveeye imutwi wu mugera gwa Efurate.

2 Avami 14:7

Amazia yita avasikari vi liihi zielefu likomi va Edomu mu livona liu munyu. Yagumira lidaala linene lia Sela mu vulwani kandi nalilanga Jokizeeli, ilieta lia likikiri nalio kuduuka lero.

1 Kyetsinyinga 18:3

Mwami Daudi yingilira nu kuguuta mwami Hadadezeri wa Zoba, kilala ku vivala via Siria, ahimbi ni kivala cha Hamazi, kigira mwami Hadadezeri yaali nageriza kuvugura uvwamihi vwi kivala keveeye iluhia wu mugera gwa Efurate.

1 Kyetsinyinga 28:9

Daudi yavolera Solomoni, “Mwana wange, ngovolera umanye Nyasaye wa baba woovo, ma kandi umutumikiri nu mwoyo gwugwo gwosi, nu vulaliri vwi zing'anagani zizio ziosi. Yahova amanya zing'anagani zietu ziosi kandi lienya lietu liosi. Niiva ulazia kuye, alakuvugilira; navuzwa niiva ulagirung'ana kutura kuye, alakoleka mihiga ni mihiga.

2 Kyetsinyinga 25:11

Mwami Amazia yanyoora zinguru ma ni yimilira avasaza vi liihi lilie kuzia mu Livona lie jumbi, valwaana ma niviita avasikari va Edomu 10,000,

Zaburi 108:11

O, Nyasaye, ivi ligali umali kukusuura? Ivi na mahi giitu, ulazia nikunyi kulwaana avasigu viitu?

Zaburi 44:9

Navuzwa kalunu, ivi umali kokoleka kandi umali kukuviika mu liguutwa, sinzizaa harara na mahi giitu kuzia kulwaana avasigu viitu mba.

Zaburi 59:1

O, Nyasaye wange, ombonyie kutura ku vasigu vange! Osoore ku yavo avanyingiliraa.

Zaburi 59:11

O, Nyasaye, utaviita nonoho mba, gase avandu vange valivilira. Uvasalanyie kuzinguru zizio na uvaguuti, O, Yahova, mukingi wiitu!

Zaburi 60:10

O, Nyasaye ligali Ive umali ku kusuura? Ivi na mahi giitu si ulazia ni kunyi kulwaana avasigu viitu?

Zaburi 74:1

O, Nyasaye, kigira ki okoleki ligali kuli ndi? Kigira ki usinyikiraa avandu vovo?

Zaburi 79:5

O, Yahova, ivi ulakusinyikira kuduuka mihiga ni mihiga? Uvutima vuvwo vulazizagilira kwaduka kuli muliru?

Zaburi 79:9

O, Nyasaye, yaanza okokonye kandi okohonyie. Okosoole kandi ukusamihi uvwoni vwitu kigira uluyali lwi lieta liilio.

Zaburi 80:1

Ukuhuliri O, Yahova Mwayi wa vandu va Isiraeli, ukuhulirizi ivi uwaali wi visukululwi via Josefu kuli ichayo cha amagondi; Ivi wikala kondeve yu vwami igulu wa Vakerubi, ong'ereng'ane,

Zaburi 80:3

O, Nyasaye, yaanza ukwilanyie okoveere zimbavasi kandi okohonyie ku avasigu viitu!

Zaburi 85:4

O, Nyasaye muhonyi vwitu ukwiranyie, kandi na olekele livihirirwa ku kunyi.

Zaburi 89:19

Ivi wavoolera mu malola mutumikiri woovo musuuvirifu, mu madiku ga kale, “Inzi mali kuhaana ovokonyi ku musikari muguuti; mali kuhaana uvwami ku mulala wa inzi mali kotovola kutura mu avandu.

Zaburi 89:3

Ivi wavoola, “Mali kolomba lilagana liange nu mutumikiri wa Inzi mwene ndaatovora; kandi mali kusuuviriza mutumikiri wange Daudi nokovoora,

Zaburi 89:38

O, Nyasaye, kalunu oveeye nu vutima nu mwami mutovole woovo, umali kumusuura nukumuleka.

Zaburi 89:7

Ivi oveeye Nyasaye utiivwa mu livugana lia vatakatifu, vosi vasingilaa mu liegehiza imbiri woovo.

Zaburi 90:13

Uvutima vuvwo vulahindira kuduuka ng'inga ki? O, Yahova, overerere avatumikiri vovo.

Zekaria 10:6

“Ndakahaane zinguru ku vandu vi Ivuyuda. Ndakasole avandu va Isiraeli. Ndakavaveere zimbavasi kandi ndakaviranye yengo. Valakave kuli avandu vandavula kusuura. Inzi ni Yahova Nyasaye wavo, ndakahaane mativuli ku lisaala liavo.

1 Samweli 13:11

navuzwa Samweli yamuvolera, “Okoli ki?” Saolo yamutivulira, “Avandu vaali nivaanzirukaa, na ivi waali nukikiri kuuza kuli wavoola; komeeda ku agene yago, avandu va Filisitia vavunga ha Mikimashi.

1 Samweli 4:17

Mutumwa oyo yativura, “Isiraeli viiruki kutura ku Vafilisitia; liali liguutwa lidamanu ligali ku kunyi! Komeeda ku agene yago, avayaayi vovo, Hofini na Finiasi vaali kwitwa; kandi Lisandugu lie Lilagana lia Nyasaye limali kuvugurwa!”