Zaburi 59:5 - KITABU KITAKATIFU

⁵ O, Yahova Nyasaye Wanyala Viosi Ivi oveeye Nyasaye wa Isiraeli. Vuka na uhaane mageri ku zihiiri ziosi; utamanyia livererera ku avazami vachamu yavo.

Zaburi 59:5 ပူးပေါင်းရင်းမြစ်များ

Litanga 33:20

Yumbaka hene yaho vwali ma naalanga havundu hene yaho Eli, Nyasaye wa Isiraeli.

Zaburi 54:3

Avandu vu kwigingira vazaa nu kwenya kunwaana; avandu vaveeye ni kirage, avandu valulu vaageriza kunzita, avandu vatahenda mwoyo kigira Nyasaye; vageriza kunzita.

Zaburi 55:15

Avasigu vakuzi inyinga yaavo nikikiri kuduuka, Vazie mu kihadisi nivakikiri mwoyo, kigira uvudamanu vuveeye mu limenya liavo, kandi hagati mu mioyo jaavo.

Zaburi 7:7

Kunangwa, leeta harara avandu vosi vakukumbirizi, ma uwaamiihi kutura igulu.

Zaburi 80:4

O, Yahova Nyasaye Wuvunyali, ulavihilirwa lisaala lia vandu vovo kuduuka ing'inga ki?

Zaburi 84:8

O, Yahova Nyasaye, Wuvunyali hulira lisaala liange!

Zaburi 9:15

Avandu vi zihiiri vamali kugwa mu vogo vwa veene vayava, vamali kuhambwa mu mutego gwa aveene vatega.

Kutwula 20:5

Mutinamiri nukusigamira kifananyi choosi mba, kigira Inzi mbeeye Yahova Nyasaye winyu kandi simbugilira avanyasaye vandi mba. Mbana amageri ku yavo avandunyira kandi ku visukululwi viavo kuduuka ku likula lia kavaga kuduuka ni lia kane.

Kutwula 3:15

Volera vandu va Isiraeli ndi inzi Yahova, Nyasaye wa vaguuga vinyu, Nyasaye wa Aburahamu, Isaka, na Yakobo undumi kuvo. Yili ni lieta liange mihiga ni mihiga; kandi nilio lidukanaa makura na makura gaaza goosi ganange.

Isaya 1:10

Jerusalemi, avamihi vovo na vandu vovo vaveeye kuli avandu va Sodoma na Gomora. Muhuliri aga Yahova amuvoleraa. Mutegize amatu ku aga Nyasaye wiitu amwigizaa.

Isaya 27:11

Zisia zie misaala ziayuma kandi ziavunika na avakali vazitenyaa kuli iziingu. Kigira avandu si vamanyi kindu mba, Nyasaye mulombi wavo sialavavera zimbavasi mba.

Jeremia 18:23

Navuzwa, Yahova, ivi umanya lilohiza liavo liosi liu mu vwivisu kunzita. Utasamiha uvudamanu vwavo anoho kusamiiha uvwoni vwavo mba. Uvaleke vave muliguutwa kandi uvahe amageri lwa ukikiri nu vutima.”

Danyeli 6:7

Kunyi vosi avamihaa kivala, vasingiliri, vamiihi, na vamiihi avatumwa kandi vanene vandi vavugirizani ndi mwami ahaane lilago kandi alidinyilizi ligali: Ahaane malago ndi ku madiku 30 mundu avuli kuteva ku kindu kutura ku nyasaye woosi, anoho kutura ku mundu wundi nitali ivi mwami. Mundu woosi uvula kolonda lilago yili, asiuvwi mu luhangaywa lwizura zisimba.

Amosi 9:7

Yahova avoora, “Avandu va Isiraeli, simuveeye kuli avandu va Ezopia ku inzi? Sindaleeta munyi avandu va Isiraeli kutura mu kivala cha Egebeti? Sindaleeta Kandi vandu va Filisitia kutura mu kivala cha Kerete na avandu va Siria kutura mu kivala cha Kiri?”

Varumi 9:6

Simbolaa ndi lisuuvirizwa lia Nyasaye liavula kuduukizwa mba; kigira sivaveeye vandu va Isiraeli vosi avaveeye avandu vatovole va Nyasaye mba.

Yakobo 2:13

Nyasaye sialimanyia livererera lwa alikalagira umundu uyu uwavula kuva ni zimbavasi; navuzwa zimbavasi ziveeye ni liguuta ku likalaga.