Zaburi 59:4 - KITABU KITAKATIFU

⁴ Vanyagura zimbiru, nukwetegeka kunyingilira ku lihiolo litali liange. O, Yahova, singira, ongonye; henza ku vudinyu vwange! Na uuze kongonya welolere ivi mwene,

Zaburi 59:4 ပူးပေါင်းရင်းမြစ်များ

Litanga 40:15

Ligali inzi ndaagumilwa kutura mukivala cha Vaheburaina; kali hano mukivala cha Egebeti, si ndaakola kindu kali kilala kigira vambiki munyumba ya vahambe mba.”

Zaburi 35:19

Utaleka avasigu valulu vange kusangalira liguutwa liange mba. Utaleka yavo avandunyira vugira kivuni vaangunukiri kigira liverera liange mba.

Zaburi 35:23

O, Yahova, vuka, na osoore. O, Nyasaye wange, singira na unwanili.

Zaburi 44:23

O, Yahova, yaanza okokonye, utaleka avasigu viitu vakudambizi mihiga ni imihiga mba.

Zaburi 5:6

Ivi udiviza yavo avavolaa vovehi, kandi uvihilirwa yavo vikirage na avuvugaadi avatindi na aviiti.

Zaburi 56:7

O, Nyasaye, uvahe mageri kolondekana nuvudamanu vwavo. Uvadivize mu vutima vuvwo.

Tsing'ano 1:16

Vaveeye vwangu mu likora uvudamanu. Vuli kazozo vetegeki kwita.

Isaya 51:9

Hamba, O, Yahova, na okokonye! Tumikira zinguru zizio na okohonyie; uzitumikiri kuli wazitumikira maziambiri. Yaali ivi uwakalaga ogoyoka gwu mu inyanza Rahabu mu vidonye.

Isaya 59:7

Munyagulaa zimbiru kuzia kokora uvudamanu; muveeye avangu ukwita avandu vatali nimbara. Zing'anagani ziavo ziveeye zing'anagani ziuvudamanu. Hoosi ha muzia mulekaa ho lidivizwa.

Vikolwa 23:15

Kunangwa na munyi, harara ni kiyaalo, mutumi amakuva ku munene wa avasikari va Varumi, aleete Paolo ku munyi, nimwigadaa ndi mwenya kumanya amakuva giligali geege kutura kuye. Navuzwa kunyi kwetegeki kumwita kali nakikiri kuduuka hano.”

Varumi 3:15

Vaveeye vwangu kusaliriza kandi kwita.

1 Samweli 19:4

Jonazani yizominya Daudi ku Saolo navoora, “Mwami, utakola kindu kidamanu ku mutumikiri woovo Daudi mba. Akikiri kukokolera ku uvudamanu ku vwosi. Kuvita goosi vindu viosi via yakola vialange viovokonyi vonene ku ivi.