Zaburi 59:11 - KITABU KITAKATIFU

¹¹ O, Nyasaye, utaviita nonoho mba, gase avandu vange valivilira. Uvasalanyie kuzinguru zizio na uvaguuti, O, Yahova, mukingi wiitu!

Zaburi 59:11 ပူးပေါင်းရင်းမြစ်များ

Ayubu 40:12

Yee, henza ku avigingiri na uviikizi hasi; duvulanyia vachamu havundu ha vasingira.

Zaburi 106:27

nukusalanyia visukululwi viavo hagati ha vandu vatamanyi Nyasaye, nukuvaleka vakuziri muvivala vigeni.

Zaburi 118:7

Yahova aveeye niinzi, alangoonya, kandi ndalora avasigu vange nivaguutiywi.

Zaburi 3:3

Navuzwa ivi O, Yahova Nyasaye, oveeye mukingi wange kutura mu vuhimwa. Nyora luyali kandi uvuguuti kutura ku ive.

Zaburi 44:11

Wakokola kuva kuli magondi agahilwa kwitwa. Wakusalanyia mu kivala cha vandu vi zihiiri.

Zaburi 52:5

Kunangwa Nyasaye alakudiviza mihiga ni mihiga; nu kukutuliza munyumba yooyo, alakutuliza mu kivala cha vandu vaveeye mwoyo, kandi alakudiviza ligali mihiga ni mihiga.

Zaburi 84:11

Yahova Nyasaye aveeye mukingi wiitu kandi mwami wu vukumi, akugaasizaa nuvulahi kandi nu luyali. Ahaanaa choosi ekeveeye kilahi ku yavo avakolaa uvulungi.

Zaburi 84:9

O, Nyasaye, gasiza mukingi wiitu; mwami wa umali kotovola.

Kohelethu 9:5

Yee, avandu vaveeye mwoyo vamanyi ndi vazizaa kukuza, navuzwa vakuzu si vamanyi kindu mba. Sivaveeye na madanyi gandi mba; vayivilirwa ligali.

Kyavalevi 26:33

Ndaleta vulwani ku munyi nokumusalanyia muvivala vigeni. Kivala chienyu kilang'anywa na madaala manene ginyu galatigala mang'anye.

Luka 21:21

Maku yavo avaliva nivaveeye mu Vuyuda kuduuka virukiri mu vigulu; na yavo avaveeye mu lidaala linene kuduuka vatuli ichova na yavo avaveeye mu mumilimi, vatingira mu lidaala linene mba.

Kwidzulitsa 28:64

“Yahova alamusalanyia hagati hi zihiiri ziosi kutura kolovega lulala lwe keheri chi lirova kuduuka kolovega lundi, kandi uwene yeyo mulatumikira avanyasaye valombwa kutura ku misaala na magina, avanyasaye va munyi anoho avaguuga vinyu vavura kusigamira amaziambiri.

Kwidzulitsa 4:27

Yahova alamusalanyia hagati hi zihiiri zindi, uwa avakeekeke vuzwa ku munyi valatigala mwoyo.

Kwidzulitsa 4:9

Mwilindi ligali munyi aveene, muvuli kwivilira ing'inga yoosi ya muveeye mwoyo viamumali kolola. Muvoolere avana vinyu kandi aviisukulu vinyu

Likunula 9:6

mu ing'inga yi mieli jitano yijo avandu valeegomba likuza, navuzwa sivalalinyoola mba. Valeegomba vakuzi navuzwa likuza liliruka kutura kuvo.

1 Samweli 24:5

Navuzwa lwinyima zing'anagani ziu mumwoyo gwa Daudi ziatanga kumunyangiza kigira yakala lukigiti lwi iganza ya Saolo.