Zaburi 57:4 - KITABU KITAKATIFU

⁴ Avasigu vange vamali kungumbiriza, vaveeye kuli zisimba ziveeye ninzara izienyaa kulia avandu. Amiinu gazio gaveeye kuli amatimu kandi mivano ju vuta; na zinimi ziavo ziveeye kuli vivavi viugi.

Zaburi 57:4 ပူးပေါင်းရင်းမြစ်များ

Ayubu 41:14

Nivwaha unyala kukunula munwa gwayo? Amiinu gayo gizimbega ziosi gaveeye gukutihiza ligali.

Zaburi 10:9

Agonekaa machiriri mu ahukwivisa hehe kuli isimba. Agonekaa machiriri aduuki kuhamba vadaka. Agumiraa avadaka mu mitego jije nukuvakwesa.

Zaburi 35:17

O, Yahova, ulahenza vuzwa kuduuka ng'inga ki? Ombonyie kutura ku lingilira liavo. Honyia livamwoyo liange kutura ku zisimba zinduru!

Zaburi 43:3

Leeta uvulavu vuvwo na agiligali googo; na viduuki kunzimilira. Kandi unziranyie nduuki Ziyoni, kiguru chicho kitakatifu; kandi kuduuka mu Litembeli liilio, umwa omenya.

Zaburi 52:2

Ivi olohizaa muvwivisu kudiviza avandu vandi; lulimi lulwo loveeye kuli logembe lwugi. Ovola uvugadi vwere kazozo.

Zaburi 55:21

Makuva gu munwa gwigwe gaali manulu ligali kuvita isiagi, navuzwa yaali ni livihiliriza mu mwoyo gwigwe. Amakuva geege gaali kuli amaterere gokodotiza, navuzwa gakalagaa kuli vivavi viugi.

Zaburi 58:6

O, Nyasaye, vunanyia amiinu gi zisimba zisoleri yizi, O, Yahova kuula amiinu guvusungu gazio!

Zaburi 59:7

Huliriza ku amanyego ni litihiza liavo. Amakuva gaavo gaveeye kuli vivavi viugi mu minwa jaavo, navuzwa vaganagana ndi mundu siavahuliraa mba.

Zaburi 64:3

Vahiagalaa zinimi ziavo kuli vivavi, valasaa makuva malulu kuli mivano juvuta.

Tsing'ano 12:18

Amakuva madamanu gatumitaa kuli kivavi, navuzwa makuva gavoolwaa no vogeri gahonyia.

Tsing'ano 25:18

Liyaala lio vovehi lita kuli kivavi, kigulume, anoho muvano mwugi gwu vuta.

Tsing'ano 28:15

Mundu muchamu wamihaa avadaka aveeye kuli isimba ihuuma anaho iduba esetaa.

Tsing'ano 30:14

Vaveeye ho na vandu valala avatumikiraa vululu kolegelera vadaka kandi vandu vaveeye nilienya linene; nindio vanyoola limenya liavo.

Yakobo 3:6

Kandi ululimi loveeye kuli umuliru. Loveeye kivala chu vudamanu niloveeye kilala ku vivero vietu viu muviri. Lokolaa liiva liu mundu kuva lidamanu. Luviikaa livamwoyo lilie liosi mu umuliru gutulaa mu gehena.

Likunula 19:15

Kivavi ichuugi chatula mu munwa mwimwe, cha liguutira zihiiri. Alavamiha ni imbimbu yi kivia. Aladuvaga kandi iwaini mu kiminilu chi iwaini yu uvululu vwu uvutima vwa Nyasaye Wuvunyali.

Vakalagi 9:20

Navuzwa nigataveeye ndio, umuliru gwake kutura mu Abimeleki na gusambe avandu va Shekemu harara na Bezimilo; Bezimilo gusambe Abimeleki.”