Zaburi 57:2 - KITABU KITAKATIFU

² Inzi nzanira ku Nyasaye oveeye mwigulu ligali, ku Nyasaye uhaanaa ku inzi viosi ivia nyenya.

Zaburi 57:2 ပူးပေါင်းရင်းမြစ်များ

Zaburi 138:8

Ivi ulakola vindu viosi via umali kusuuviriza; O, Yahova, uvuyanzi vuvwo. Vuhindiraa mihiga ni mihiga. Maliriza miyinzi ja umali kutanga kokora.

Zaburi 143:9

O, Yahova, nziza ku ivi osoore, ombonyie kutura ku vasigu vange,

Zaburi 17:8

Uniindi kuli unyala kulinda emoni yooyo mwene. Umbisi kuli engoko ivisaa ivimiinyu viayo isi wi zimbaha

Zaburi 41:5

Avasigu vange vavoola ivindu vidamanu ku inzi. Venya nguzi kandi nzivililwi ligali!

Zaburi 56:2

Avahing'ani vange vanzingilira lidiku liosi, vanguuta kigira vaveeye avanyingi ligali.

Isaya 26:12

O, Yahova, ulakuha ligasizwa; vindu viosi viakonyoolaa viveeye miyinzi ja makono googo.

Isaya 26:20

Avandu vange, muzie mu zinyumba zienyu, kandi muhaane viliango. Mwivisi ku ing'inga engekeeke kuduuka lwu vutima vwa Nyasaye vovomboloka.

Isaya 57:15

“Inzi mbeeye Nyasaye oveeye igulu kandi mutakatifu, omenya mihiga ni mihiga. Inzi menyaa havundu haveeye igulu kandi hatakatifu. Kandi menyaa harara na vandu avahocha kandi aviganiri, kunangwa nduuki kuvilanyira kelemamwoyo chavo kandi mbiki zinguru mu lisuuvira liavo.

Vafilipi 1:6

Mbeeye ni lisuuvira ligali ndi Nyasaye watanga miyinzi milahi yiji mu munyi, alazizagilira najo kuduuka ajitwekizi ku Lidiku lia Kristo Yeso.

Vafilipi 2:12

Kunangwa, avalina vange vayanze, kuli mwahulira kutura ku inzi lwa ndaali nimunyi kazozo, kuduuka muhuliri kandi kalunu lwambeeye ihale kutura ku munyi. Muzizagiliri kuyinzira nu vuti kandi ni lidegera kunangwa muduukizi ovohonyi vwinyu,

Vahebraina 13:21

Nyasaye wi mirembe amukole muve avadukiru mu vindu viosi vilahi via mwenya, kunangwa muduuki kokora uvulariri vwivwe; kandi kuvitira mu Yeso Kristo akole mu kunyi imbiri weve. Uvukumi vove kuye mihiga ni mihiga. Amini.