Zaburi 56:8 - KITABU KITAKATIFU

⁸ Ivi umanya kuli ngubizangwa ikivi ivi umali kong'oda livaliza lia maliga gange, goosi gang'odwa mu kitabu chicho?

Zaburi 56:8 ပူးပေါင်းရင်းမြစ်များ

2 Avami 20:5

yirane ku Hezekia mwami wa vandu va Yahova, na muvolere; “Inzi Yahova, Nyasaye wa guuga woovo Daudi, mali kuhulira lisaala liilio kandi ndoli maliga googo. Inzi ndakohonyia vulwaye vuvwo, na mumadiku gavaga ulazia mu Litembeli.

Ayubu 16:20

Avalina vange vaasekeriza, kandi ndiraa maliga ku Nyasaye.

Zaburi 121:8

Alakukinga lwa uturaa ichova kandi lwa wingiraa, kalunu kandi mihiga ni mihiga.

Zaburi 139:16

Ivi wandola ningikiri kwivulwa. Madiku ga ndaheevwa gaali nigang'odeywi mu kitabu chicho, kali lilala kulio nilikikiri kutanga kuva ho.

Zaburi 39:12

O, Yahova, yaanza uhulirizi ku lisaala liange, kandi hulira lianira liange; hamba ongonye lwa mbeeye ni lilira linyingi. Mbeeye vuzwa mugeni woovo ku ing'inga engekeeke, kuli avaguuga viitu vosi vaali.

Isaya 63:9

Mu lidambizwa liavo liosi, yaasalirizwa, na engelosi yeye yavahonyia; mu vuyanzi ni zimbavasi zizie, yavasoola; yavadenda kutura kale.

Jeremia 18:23

Navuzwa, Yahova, ivi umanya lilohiza liavo liosi liu mu vwivisu kunzita. Utasamiha uvudamanu vwavo anoho kusamiiha uvwoni vwavo mba. Uvaleke vave muliguutwa kandi uvahe amageri lwa ukikiri nu vutima.”

Malaki 3:16

Maku avandu vaatia Yahova vavolerana, na Yahova yahuliriza ma naahulira cha vavola. Vang'oda imbiri weve mu kitabu chu kwizuliza yavo vosi avatia Yahova kandi avahaana luyali kuye.

Matayo 10:30

Navuzwa, kali amasu gu ku mitwi jinyu gavalizwa goosi.

2 Vakorintho 11:26

Haali kanyingi mu zing'endo ziange, ndanyoora uvudinyu vwu kwambuka migera nijizuyi, vudinyu vwa vanuuri, vudinyu kutura ku Vayuda vudinyu kutura ku vandu vi Zihiiri zindi, vudinyu kutura mu madaala, vudinyu vwu mwigendanyama, kandi vudinyu kutura ku vaamitu vovovehi!

Vahebraina 11:13

Avandu yava vosi vaakuza nivaveeye mu lisuuvira. Vaakuza nivakikiri konyoora vindu via Nyasaye yavasuuviriza. Navuzwa vaali nivaviloleeye ihale, kandi nivavavugilira, kandi niviyama havulavu ndi vaali avageni na vamenya mu lirova.

Vahebraina 11:38

Lirova si liali lilahi kuvo mba! Vavodong'ana kuli viruki mu changalangwi; kandi mu vigulu, nivamenyi mu zimbangaywa, nu mumalina.

Vahebraina 11:8

Kigira lisuuvira Aburahamu yegehiza lwa Nyasaye yamulanga azie mu kivala cha Nyasaye yaali ni yamusuuviriza ndi alamuha keve mwandu gwigwe, yazia kali natamanyi wazizaa.

Likunula 20:12

Ndaalora kandi avakuzu, avanene na vakekeeke, nivasingiyi imbiri wendeve yu uvwami. Ivitabu viakunulwa, kandi ikitabu kindi ekeveeye chi livamwoyo, chakunulwa. Avakuzu vakalagirwa kolondekana ni miyinzi javakolaa kuli gang'odwa mu vitabu yivi.

Likunula 7:17

Kigira Mwana wi Ligondi oveeye hagati hendeve yu uvwami alava mwayi wavo, kandi alavimilira kuduuka ha amazi gi livamwoyo gasinukaa. Nyasaye aleeya amaliga goosi mu zimoni ziavo.”

1 Samweli 19:18

Daudi yiruka nazia ku Samweli mu lidaala lia Rama namuvolera goosi ga Saolo yaali naamukoleye. Maku oyo na Samweli vazia komenya mu lidaala lia Nayozi.

1 Samweli 27:1

Maku Daudi yaganagana mu mwoyo gwigwe, “Lilala ku madiku yaga, Saolo yaza yanzite. Kindu kilahi chokokola nukwirukira mu kivala cha vandu va Filisitia. Ahene yaho Saolo alatuliza mwoyo ku lienya inzi mu Isiraeli, na ndio inzi ndahonyia livamwoyo liange.”