Zaburi 55:17 - KITABU KITAKATIFU

¹⁷ Nzanira ku Yahova vuli mugambazuri, mbasu hagati kandi vudiku, lielilira liange liaduuka kuye naye alahulira.

Zaburi 55:17 ပူးပေါင်းရင်းမြစ်များ

Ayubu 19:7

Henza, ngubaa lukwiri, “Kigiri vusaliri!” Nzanira sindivulirwa mba, nzanira vudinyu navuzwa likalaga lirungi siliveeye ho mba.

Zaburi 119:62

Mbuukaa mu vudiku hagati kukwizominya. Kigira likalaga liilio lirungi.

Zaburi 141:2

Vugilira lisaala liange kuli kimuli kifunyaa mwayu imbiri woovo, kandi umbugiliri lwang'ingaa amakono gange ku ivi kuli kisiuviriru cha ha mugolova.

Zaburi 72:12

Ahonyia avadaka vaaniraa kuye; kandi ahonyia yavo avaveeye ni lienya kandi avataveeye novokonyi.

Zaburi 77:2

Inzi saalaa ku Yahova mu ing'inga yu vudinyu vwange; ng'ingaa amakono gange igulu ku Nyasaye uvudiku vwosi vugira kuluha, navuzwa sinyoolaa lileminywa mwoyo nu mundu wundi woosi mba.

Zaburi 88:13

O, Yahova nzanira ku ivi kigira ovokonyi; saalaa ku ivi vuli mugambazuri.

Zaburi 92:2

kulandiza uvuyanzi vuvwo vutaveeye nekeheri vuli mugambazuri, kandi ukulandiza vusuuvirifu vuvwo vuli vudiku,

Lisyoma lya Jeremia 3:8

Kali lwandaniraa vudinyu anoho nikulira kigira ovokonyi asuraa kuhaana mativuli ku lisaala liange.

Danyeli 6:10

Lwa Danieli yahulira ndi mwami umali kuviika mukono ku lilago yili, yazia yengo. Munyumba yeeye yaali mu ne keng'oze chaali higulu na chaali ni lidirisia liahenza Jerusalemi. Hene yaho kuli yakola kazozo, yasigama hasi ha yaali yiguyi lidirisia nasaara ku Nyasaye haali kavaga ku lidiku.

Danyeli 6:13

Maku vavoolera mwami, “Danieli mulala ku vahambe vatura Ivuyuda, siatizaa mwami anoho kuhulira malago ga uhaani mba. Asaalaa kazozo haali kavaga vuli lidiku.”

Marko 1:35

Yeso yavuka mugambazuri chova nikikiri imwamu, natura munyumba. Yatura ichova wi lidaala nazia havundu ha avandu vaali nivataveeye nasalira ho.

Marko 6:46

Lwa yamala kuvasiivula, yazia mu kiguru kusaala.

Marko 6:48

Yalora aviigi veve nivanyang'anaa kuhila iliato kigira imbuza yaavahunzulanyia yiyi na yiyi. Lwa vwali nivuchezaa, hagati hi zisa tisa ni zisa likomi na ziviri zia mugamba, Yeso yazia kuvo na agendaa ku mazi ni yenya kuvavita.

Vikolwa 10:3

Ahimbi zisa tisa zia mbasu, yalora malola havulavu, engelosi wa Nyasaye yaza kuye na amuvoleraa, “Korinelio!”

Vikolwa 10:30

Korinelio yavoola, “Amadiku gavaga, agaviti, ahimbi isa kuli yinu ndi, zisa tisa zia mbasu, ndaali nisaara munyumba yange. Nonoho, mundu wiviika zinguvu zing'ereng'anu yasingira imbiri wange,

Vikolwa 10:9

Mugamba, lwa avandu vavaga yavo vaali ni vakikiri mu logendo lwavo, navuzwa ni vaveeye ahimbi kuduuka Jopa, Petero yanina kunyumba igulu, ahimbi zisa sita zia mbasu aduuki ku saala.

Vikolwa 3:1

Lidiku lilala, zisa tisa zia mbasu, Petero na Yohana vazia mu Litembeli, kusaala.

Vafeso 6:18

Musaale zing'inga ziosi kuli Roho amwimilira; nimusavaa vokonyi ku Nyasaye, kigira yaga goosi mwetegeke kandi mutakuzi mioyo mba. Muhongere mu lisalira vandu va Nyasaye kazozo.

1 Vatesalonike 5:17

musaale Nyasaye vugira kolekera.

Vahebraina 5:7

Mu limenya lilie ku lirova, Yeso yahaana lisaala ni ligoonya kandi namaliga manyingi ku Nyasaye, waali unyala kumuhonyia kutura mu likuza. Nyasaye yamuhulira kigira yaali mugoosi kandi musuuvirifu.