Zaburi 53:3 - KITABU KITAKATIFU

³ Navuzwa avandu yava vosi vamali kutura kunzira ya Yahova, vosi vaveeye avadamanu, sihaveeye ho nu mundu kali mulala okolaa agaveeye amalungi mba.

Zaburi 53:3 ပူးပေါင်းရင်းမြစ်များ

2 Samweli 20:2

Kunangwa vandu va Isiraeli valeka Daudi ni vazia na Sheba, navuzwa avasaza vi Ivuyuda vaali avasuuvirifu kuye, kandi valonda Daudi kutura ku mugera gwa Jorodani kuduuka Jerusalemi.

Ayubu 15:16

Mundu akolaa vudamanu kuli anwezaa amazi, yee, uyu aveeye wu kuvihiliriza nu vudamanu, kandi siaveeye okonyaa kindu mba.

Zaburi 14:3

Navuzwa avandu yava vosi vamali kutura kunzira ya Yahova, vosi vaveeye avadamanu; sihaveeye ho nu mundu kali mulala okolaa agaveeye malungi mba.

Isaya 53:6

Kunyi kwosi kuli magondi agaali nigagota, kandi vuli mulala ku kunyi nazizaa kunzira yeye mwene. Navuzwa Yahova yamudwika amageri, amageri aga kunyi aveene kwadukana koheevwe.

Isaya 64:6

Kunyi kwosi kwaveeye avoni, kali vikolwa vietu vilungi viveeye kuli inguvu ifunyaa vugundu. Kigira uvwoni vwitu, koveeye kuli amatu ganiara ma gabulukizwa nimbuuza.

Ezekieli 36:25

Ndasundura mazi malahi ku munyi, na ndamukora kuva avanifu kutura ku vudamanu vwosi vwi vifananyi via mwononyia.

Zefania 1:6

Ndakadivizi yavo aviranaa inyima kandi yavo avavuraa kuuza ku inzi anoho avavuraa kondeeva kuvimilira.”

Varumi 3:12

Vosi vamali kugirung'ana kutura ku Nyasaye, vosi harara vamali kogotizwa; siaveeyeho nokoraa malungi, siaveeyeho kali mulala.

2 Vakorintho 7:1

Avalina vange vayaanze, lisuuvirizwa yili liosi lilomberwa kunyi. Kunangwa, gendi kwitakase kutura mu vudamanu vwosi vwu muviri, anoho vwu mu mioyo jietu, kove vatakatifu ligali, na komenye mu liitia Nyasaye.

1 Yohana 2:29

Munyi mumanyi vulahi ndi Kristo aveeye umulungi; kunangwa gamudukira mumanye ndi mundu woosi okolaa agaveeye malungi aveeye mwana wa Nyasaye.

3 Yohana 1:11

Mulina, wange muyanze, utiiga kokora kindu ekeveeye kidamanu mba, navuzwa wigi kokora kindu ekeveeye kilahi. Mundu woosi okolaa vulahi atulaa ku Nyasaye; kandi mundu woosi okolaa agaveeye amadamanu, akikiri kolola Nyasaye.

Likunula 22:11

Leka oyo okolaa vudamanu ameede kokora vudamanu ligali. Leka oyo oveeye ni kivihiri ameede kokora kivihiri. Leka oyo okolaa vulahi ameede kokora vulahi. Leka oyo oveeye mutakatifu ameede kuva mutakatifu.”