Zaburi 53:1 - KITABU KITAKATIFU

¹ Avandu vasiru vavoola mu mioyo jaavo ndi, “Nyasaye siaveeyeho mba.” Vosi vaveeye avadamanu, kandi vamali kokora agukuvihiririza; sihaveeyeho nu mundu kali mulala okolaa agaveeye amalungi mba.

Zaburi 53:1 ပူးပေါင်းရင်းမြစ်များ

1 Avami 12:26

Jeroboamu yaganagana mwene, “Vwami vulirana ku inyumba ya Daudi niiva vandu yava vazia kuhaana visiuviliru viavo mu Litembeli lia Yahova mu Jerusalemi,

1 Avami 14:24

Kwononyira ligali, kali vaali ho masaaza vaakora voheyi na vasaza vandi vaviikwa halovega vatumika havundu hukusigamira misambwa. Avandu vi Ivuyuda vaakora vindu viosi viezisoni viakolwa na avandu vosi va Yahova yaali niyakunga kutura mu kivala lwa vandu va vaisiraeli visunda vingira mu kivala chavo.

Ayubu 14:4

Aveeye ho nu mundu unyala kutuliza kindu kilahi kutura mu kindu kidamanu? Siaveeye ho mba.

Ayubu 15:16

Mundu akolaa vudamanu kuli anwezaa amazi, yee, uyu aveeye wu kuvihiliriza nu vudamanu, kandi siaveeye okonyaa kindu mba.

Zaburi 10:11

Mundu muchamu avola mu mwoyo gwigwe, “Nyasaye yiiviriiyi! Amolizi zimoni zizie, na sianyala kondola mba!”

Zaburi 10:13

Umudamanu anyala ndi kuchaya Nyasaye nukwevolera umwene mumwoyo gwigwe, “Sianyala kumba mageri mba”?

Zaburi 10:4

Mundu muchamu siahendera Yahova mwoyo mba; mu liegingira lilie, umudamanu aganagana ndi, “Nyasaye siaveeye ho.”

Zaburi 10:6

Avoora mu mwoyo gwigwe, “Sinyala kusuundwa mba sindava mu vudinyu mihiga ni mihiga mba.”

Zaburi 88:1

O, Yahova Nyasaye, muhonyi wange, ndilaa ku ivi mbasu gwosi, kandi nzanira ku ivi uvudiku vwosi.

Zaburi 92:6

Yiki ni kindu chu musiru atanyala kumanya; umuyingu sianyala kumanyiriza mba.

Ezekieli 16:47

Munyi si mwagenda mu zinzira ziavo nokolonda likora liavo lidamanu lieng'ine mba, navuzwa mu zinzira zienyu ziosi mwaali avandu vadamanu ligali kuvita yavo.”

Ezekieli 16:51

“Vwoni vwa vandu va Samaria vakora si voveeye inusu yu vwoni mba. Munyi mwakora ivindu viukuvihiliriza ligali kuvita aga yavo vakora. Uvwoneku vwinyu vwalomba avakaana vinyu kufana avataveeye nimbala.

Matayo 5:22

Navuzwa inzi muvooleraa: Mundu woosi uva nu vutima na amwavo weve alakalagirwa. Uyu onyegaa amwavo weve alahilwa mu kiyaalo. Mundu woosi ovolera amwavo weve: ‘Ivi oveeye musiru,’ aveeye mu vudinyu vwu kuzia mu muliru gwe gehena.

Luka 12:20

Navuzwa Nyasaye yamuvolera, ‘Musiru ivi vudiku vwa kalunu ndatuliza livamwoyo liilio. Kunangwa vindu via wavika vilava via vwaha?’ ”

Varumi 1:21

Kali niiva vamanya Nyasaye aveeye ho, navuzwa sivamukuminyaa kuli aveeye Nyasaye, anoho sivamusandizaa mba. Mu vogono vwo kokora ndio, zing'anagani ziavo ziagirung'anywa kuva vuzwa, ni mioyo jaavo juvusiru jayizula kisundi.

Varumi 1:28

Kigira avandu yavo vasuura limanya lieligali lia Nyasaye, Nyasaye yavaleka muziganagani zionekaa, ku vaduuki kokora ivindu via vataduukanaa kokora.

Vafeso 5:12

Ziveeye zisoni kali kovora vindu via vandu vatatizaa Nyasaye vakora mu vwivisu.

Kwidzulitsa 12:31

Mutasigamira Yahova Nyasaye winyu kuli yavo vasigamira avanyasaye vaavo mba, kigira mu lisigamira avanyasaye vaavo, vakora vindu viukuvihiliriza zing'ano ziosi via Yahova adunyiraa. Kali vahaana avana vaavo kuli visiuviliru mu muliru ku vwali vwavo.

1 Petro 4:3

Mwamenya ing'inga indambi mu madiku gaavita nimwagotera mu likora aga avi kivala vayaanza kokora. Ilimenya lienyu liali lie miima midamanu, liegomba lidamanu, uvuhambiki, ilisieva, uvuhambiki vwu mu viduma, ni lisigamira liu kuvihiliriza lie vifananyi.