Zaburi 51:3 - KITABU KITAKATIFU

³ Nziyamaa ligali mahiolo gange goosi; kandi inzi manya uvwoni vwange vwosi.

Zaburi 51:3 ပူးပေါင်းရင်းမြစ်များ

Nehemia 9:2

Yavo avaari vi kisukururwi cha Isiraeli viiyahula aveene ku vageni vosi vasingira, nivatanga kwiganira uvwoni vwavo kandi uvwoni vwa avaguuga vaavo.

Ayubu 33:27

Alavoora imbiri wa vandu vosi, “Ndamala kwona, na sindakola malungi mba, navuzwa Nyasaye siyamba amageri mba.

Zaburi 32:5

Maku, ndiyama uvwoni vwange vwosi ku ivi, na sindavisa mahiolo aange mba. Ndavoora, “Ndiganira uvwoni vwange ku Yahova; na ivi wasamiiha uvwoni vwange vwosi.”

Zaburi 38:18

Nziyamaa uvwoni vwange, kandi mbereraa kuvwo.

Zaburi 40:12

Uvudinyu vunyingi uvutanyala kuvalizwa vuungumbirizi! Uvwoni vwange vung'umiyi, kali sinyala kolola uwanziza kandi mba. Voveeye uvunyingi kuvita iliisu liu ku mutwi gwange; kandi mali kogotiza uvuluviliri mu mmwoyo gwange.

Zaburi 41:5

Avasigu vange vavoola ivindu vidamanu ku inzi. Venya nguzi kandi nzivililwi ligali!

Tsing'ano 28:13

Mundu uvisaa vwoni vwivwe si alagasizwa mba, navuzwa oyo wiyama no koleka vwoni alanyoola zimbavasi kutura ku Nyasaye.

Isaya 43:25

Inzi mbeeye Nyasaye usamiihaa vwoni vwinyu; kandi ngolaa yaga kigira ku lwa inzi mwene. Sindizuliza uvwoni vwinyu kandi mba.

Isaya 59:12

“Yahova, mahiolo giitu gaveeye manyingi imbiri woovo. Amahiolo giitu gaveeye ni kunyi kazozo, kandi kunyi kumanya uvwoni vwitu vwosi ligali.

Jeremia 3:25

Gakuduukiraa kogone hasi muzisoni kandi koleke lileganywa lietu likukuniki. Kunyi navaaguuga viitu kumali kwakora uvwoni ku Yahova Nyasaye wiitu haali kanyingi. Sikwatia malago geege mba.”