Zaburi 51:14 - KITABU KITAKATIFU

¹⁴ O, Nyasaye, honyia livamwoyo liange na ombonyie, ku vwoni vwu kwiita avandi! Na ndalandiza uvulungi vuvwo nuvusangali.

Zaburi 51:14 ပူးပေါင်းရင်းမြစ်များ

Litanga 42:22

Rubeni yavoola, “Inzi ndamuvolera mutasaliriza mwana wiitu mba, navuzwa munyi si mwambulira mba. Na kalunu kutungwa kisaalia kigira likuza lilie.”

Litanga 9:6

Umundu yalombwa kuli lifwana lia Nyasaye, kunangwa mundu woosi wita wundu aliitwa ndio nuwache.

2 Samweli 12:9

Kigira ki nuchaya amalago gange? Kigira ki nokora inguuva ndamanu yiyi? Ivi walaga Uria yiitirwi muvulwani. Waleka vandu va Amoni vamwiti; ma nuvugula mukali weve!

2 Samweli 21:1

Ing'inga yu vwamihi vwa Daudi, inzara yaali ho induru ligali ku ing'inga yi mihiga jivaga. Kunangwa Daudi yateeva Yahova kivuni chayo; Yahova yavoola, “Saolo harara na avinyumba yeeye vaali namahiolo gu vurumindi, kigira yita avandu vilidaala lia Gibeoni.”

2 Samweli 3:28

Lwa Daudi yahulira amakuva yaga, yavoola, “Yahova amanya ndi avandu vange harara niinzi koveeye vugira niimbala ligali ku liitwa lia Abineri muyaayi wa Neri.

Ezara 9:13

Kali inyima wi vindu yivi viosi vimali kokoleka ku kunyi mu lihevwa mageri kigira uvwoni vwitu nu vudamanu vwitu koveeye ni limanya ndi, ivi Nyasaye wiitu, umali kuhaana mageri ku kunyi. Navuzwa uvwoni vwitu vwali uvunyingi ligali kuvita mageri ga kumali konyoora. Nitali mulikola yaga goosi, umali kuvugilira kunyi komenya.

Nehemia 9:33

Ivi wakola vulahi nu hana mageri ku kunyi, ivi waali musuuvirifu, kali niiva kunyi kwakora uvwoni,

Zaburi 25:5

Unzigize komenya kolondekana nagiligali googo. Kigira oveeye Nyasaye wange, ombonyia. Inzi suuviraa mu ivi kazozo.

Zaburi 26:9

Utandiviza harara na vandu vuvwoni, kandi ombonyie ku kivi kilidukira ku viiti,

Zaburi 35:28

Maku ndalandiza uvulungi vuvwo kandi ndakwizominya umbasu gwosi.

Zaburi 38:22

O, Yahova, muhonyi wange, hamba vwangu ongonye!

Zaburi 55:23

O, Nyasaye, oleete aviiti na avagaadi vazie mu kilindwa imbiri wi inusu yi livamwoyo liavo nilikikiri kuduuka. Navuzwa inzi, ndakusuuvira.

Zaburi 68:20

Nyasaye wiitu aveeye Nyasaye ohonyia, aveeye Yahova, mwami wiitu, okohonyiaa kunyi kutura mu likuza.

Zaburi 88:1

O, Yahova Nyasaye, muhonyi wange, ndilaa ku ivi mbasu gwosi, kandi nzanira ku ivi uvudiku vwosi.

Isaya 12:2

Nyasaye aveeye muhonyi wange; ndamusuuvira, kandi sindatia mba. Yahova Nyasaye aveeye zinguru ziange kandi lwimbu lwange; aveeye muhonyi wange.

Isaya 45:17

Navuzwa Yahova alahonyia avandu va Isiraeli; kandi sivalava mu zisoni mba, valava avaguuti mihiga ni mihiga.’ ”

Ezekieli 33:8

Niiva ndarandiza ndi, umundu mudamanu azizaa kukuza navuzwa uvuli kumwiganihiza aleke uvwoni kunangwa ahone, maku alakuza nakikiri mwoni, kandi ndakudula kigira likuza lilie.

Danyeli 9:16

O, Yahova, kolondekana ni vikolwa vivio viu vulungi, tuliza vutima vwuvwo ku lidaala lia Jerusalemi, kiguru kitakatifu. Jerusalemi harara na vandu vovo vaduuki mulichaywa hagati hayavo vosi avamali ku kukumberiza.

Danyeli 9:7

Ivi, Yahova, zing'inga ziosi okolaa agaveeye malungi, navuzwa kunyi kweletera zisoni zing'inga ziosi. Yaga gaveeye agiligali kukunyi vosi avamenyi mu kivala chi Ivuyuda kandi mu lidaala lia Jerusalemi kandi avandu vosi va Isiraeli vawasalanya muvivala via himbi ni ihale kigira sivali avasuuvirifu ku ivi mba.

Hosea 4:2

Valomba malagano kandi sivatwekizaa mba. Vavoola vovehi, vita, viva, kandi vakora voheyi. Zimbi ziamedeka, kandi iliitana liveeye linyingi ligali.

Habakuk 3:18

ndakazizagiliri kuva nu vuyanzi kandi nu vusangali, kigira Yahova Nyasaye aveeye muhonyi wange.

Vikolwa 18:6

Lwa vahing'ana naye nivatanga kumunyega, yavungula luguchi kutura kuzinguvu zizie imbiri wavo navavoolera, “Masahi ginyu gave ku munyi aveene. Inzi mbula imbara mu makuva yaga. Na kutura kalunu nziza ku avandu vi Zihiiri zindi.”

Vikolwa 20:26

Kunangwa, muvooleraa lero ndi, mulala ku munyi naagota, simbeeye ni ligovi liosi mba.

Varumi 10:3

Sivamanya kuli Nyasaye akolaa vandu kuva valungi imbiri weve mba, kandi vamali kogerizaa kwiyumbakira uvulungi liiva liavo veene. Nandio sivihaana vene kuliiva lia Nyasaye liu kulungikiza vandu mba.