Zaburi 51:10 - KITABU KITAKATIFU

¹⁰ O, Nyasaye, onombere mwoyo munifu, Uviiki mu inzi roho muhia kandi musuuvirifu.

Zaburi 51:10 ပူးပေါင်းရင်းမြစ်များ

Zaburi 24:4

Ni yavo avaveeye nivikolwa vilahi kandi ni mioyo mitakatifu, kandi yavo avatasigamiraa vifananyi kinga yavo avatiisuuhaa kuvugadi.

Zaburi 35:10

Ndavolera Yahova nu mwoyo gwange gwosi, “Sihaveeye ho nu mundu mulala kuli ivi, O, Yahova! Ivi ukingaa avadedekere kutura ku yavo avizingulu, na avadaka kutura ku vadambizi.”

Zaburi 73:1

Nyasaye aveeye mulahi ligali ku vandu veve, Isiraeli, ku yavo avaveeye avanifu mu mioyo.

Zaburi 78:37

Sivali avasuuvirifu kuye mba; sivali avasuuvirifu ku lilagana liavo naye mba.

Zaburi 78:8

Sivalava kuli avaguuga vaavo mba, avandu vi liebaala kandi avatahuliraa; avi lisuuvira liavo mu Nyasaye siliali lidinyu kali hakuzu mba, kandi sivali avasuuvirifu kuye zing'inga ziosi.

Tsing'ano 20:9

Mundu anyala kumanya ligali zing'anagani zizie ziveeye zinungi, kandi yaatuliza vwoni vwivwe vwosi?

Jeremia 13:27

Amali kumulora nimukoraa ivindu viu kuvihiliriza. Amali kumulora nimuzizaa ku avanyasaye vu muvigulu kandi anoho kuli ibarasi yenya kutuuma. Avandu va Jerusalemi kivi, keveeye ku munyi! Munyi mulava avadamanu kuduuka ing'inga ki?

Jeremia 32:39

Ndavaha mwoyo mulala, kandi liiva lilala, vaduuki kutia inzi mihiga ni mihiga, ku vulahi vwavo aveene, kandi ku vulahi vwi visukululwi vaavo.

Ezekieli 11:19

Inzi ndakavahe mwoyo muhia kandi zing'anagani zimbia. Ndakatulizi muvo mwoyo gwiligina kandi ndakavahe mwoyo gwukutia.

Ezekieli 18:31

Muleke uvudamanu vwosi vwa mwakoraa, na muve nu mwoyo muhia kandi Roho muhia. Kigira ki munyi avandu va Isiraeli mwenya kukuza?

Ezekieli 36:37

Yahova Wuvunyali avoora, “Ndaleka avandu va Isiraeli vandeeve ovokonyi kutura ku inzi, kandi ndaleka vamedeke vave avanyingi kuli chayo cha magondi.

Matayo 5:8

“Vaveeye nuvugasu avaveeye ni mioyo milavu, kigira valalola Nyasaye.

Vikolwa 11:23

Lwa yaduuka nalora kuli Nyasaye yaali nagasizi avandu yavo, yayanza; na aviganihizaa vosi vaye avasuuvirifu ku Mwami Yeso ni mioyo jaavo josi.

Vikolwa 15:9

Siyalomba liavukanyia liosi hagati hiitu navo mba. Yasamiha uvwoni vwavo kigira vasuuvira.

Varumi 12:2

Mutalonda miima ji lirova yili mba, navuzwa muleke Nyasaye amugirung'anyie munyore uvuhia mu vogeri nu muziganagani zienyu. Na ndio muladuuka kumanyiriza uvulariri vwa Nyasaye, kandi agaveeye malahi kandi gavugililwa kandi madukiru.

1 Vakorintho 15:58

Kunangwa, avaamitu vange, vayaanze, musingiri vudinyu. Kindu kitamusuunda mba. Mwihaane aveene kazozo mu likora miyinzi ju Mwami nu vugulu, kigira munyi mumanya ndi miyinzi jamukolaa mu vutumikiri vwu Mwami sijiveeye ja vuzwa mba.

2 Vakorintho 5:17

Lwu mundu woosi, aveeye mu Kristo, aveeye ekelombe ikihia. Henza ivindu viosi via kale vimali kuvita. Na viosi vigwiyi vihia.

Vafeso 2:10

Nyasaye umali kokolomba kuli koveeye, kandi mu lihambanywa harara na Kristo Yeso, yalomba kunyi kigira livamwoyo lie vikolwa vilahi, viamali kwetegekizira kunyi kuduuki kokora.

Vakolosai 3:10

Mumali kwivika kandi liiva lihia. Yili ni liiva lia Nyasaye, alikola vuli ing'inga kuva ni liiva kuli lilie mwene kuduuka mu limanya liduukiru lilie.

Tito 3:5

yakohonyia. Sigaveeye ni kumiyinzi milahi ja kwakora muvulungi, mba navuzwa vakohonyia kigira zimbavasi zizie kuvitira mu Libatiza liletaa liivulwa lihia kandi kuvitira mu Roho Mutakatifu uhaana livamwoyo lihia.

Yakobo 1:8

Aveeye umundu wi zing'anagani ziavukani kandi utaveeye nilietulira mu vindu viosi viakola.

Joshua 14:14

Heburoni likikiri vuzwa lia kisukururwi cha Kalebu muyaayi wa Jefune, Mukenizi kigira yahulira nukutia Yahova Nyasaye wa Isiraeli nu vusuuvirifu vwosi.

1 Petro 1:22

Kigira kalunu ku lihulira ni liitia lienyu ku agiligali, mumali kwitakasa kandi mumali kuuza kuva nu vuyanzi vwiligali ku vandu avasuuviraa vache vinyu, muyaanzane aveene naveene ligali nimioyo jiinyu josi.