Zaburi 50:3 - KITABU KITAKATIFU

³ Nyasaye wiitu yaazaa nu mufuumu munene, muliru munene gwadukaa imbiri weve, ku zimbega zizie ziosi, alolekaa kuva kuli ikiihi kenene ligali.

Zaburi 50:3 ပူးပေါင်းရင်းမြစ်များ

Zaburi 48:14

“Nyasaye uyu aveeye Nyasaye wiitu mihiga ni mihiga; alakwimilira ku zing'inga ziosi izizaa.”

Zaburi 50:21

Munyi mwakora yaga goosi, na inzi si ndavoora kindu ku munyi mba, mwaganagana ndi inzi ndaali kuli munyi. Navuzwa kalunu, inzi mugondokeraa, kandi nu kuhaana likalaga imbiri winyu.

Zaburi 68:20

Nyasaye wiitu aveeye Nyasaye ohonyia, aveeye Yahova, mwami wiitu, okohonyiaa kunyi kutura mu likuza.

Zaburi 83:1

O, Nyasaye, utachiring'ana mba; anoho utakiring'ana makiriri, kandi utava nilielemeriza mba.

Zaburi 96:13

lwa Yahova yaza kwamiiha lirova. Alamiiha avandu vi lirova ni likalaga lirungi kandi nagiligali.

Kutwula 19:18

Kiguru cha Sinai choosi chizula umwochi, kigira Yahova yaali niyiiki hasi ku cho mu muliru. Mwochi gwaazia igulu kuli mwochi gwi kisambiru kenene, na avandu vosi vaadegera ligali.

Isaya 35:4

Muvoolere vuli mundu woosi utaveeye ni lilema mwoyo ndi, “Muve nizinguru kandi mutava avati mba! Nyasaye alaza kumusoola, kandi alahaana amageri ku vasigu vinyu.”

Ezekieli 1:4

Ndahenza igulu na ndaalora kihuzuzi nikihuuzaa kutura Ivaale. Uvwaku vwahemahema kutura mu malesi, kandi kisundi chakumbiriza iligulu. Mu lihemahema liu vwaku yivwo, kindu chaloreka kuli uvwakanyu vwu mugasa.

Danyeli 7:10

mugera gwu muliru gwasundukaa kutura muyo. Vaali ho vandu zielefu zinyingi vamutumikira kandi vandi zimilioni vasingira imbiri weve. Kiyaalo chatanga miyinzi, kandi vitabu viakunulwa.

Kyavalevi 10:2

Kunangwa muliru gwatura imbiri wa Yahova niguvasaamba, ma nivakuzira imbiri wa Yahova.

Habakuk 3:5

Atumaa vulwaye imbiri weve, kandi alaangaa likuza limulonde.

Malaki 4:1

Yahova Wuvunyali avoora, “Lidiku lizaa lia vandu veloli kandi vadamanu valisambwa kuli vulimu vwumu. Ku lidiku yilio, valakadodoke kandi kindu si kilakatigale kuvo mba.

Livalidza 16:35

Maku Yahova yatuma muliru ma nigusamba vandu 250 avaari nivahaani kimuli ku vwali.

Matayo 3:12

Aveeye ne kesesero chiche mumukono gwigwe. Kandi alalaviza oloze lwilwe ligali, nuvuswage alateera mu kedeera, navuzwa umukuzi alagusaamba nu muliru gutasimikaa.”

Kwidzulitsa 9:3

Na vuzwa kalunu mulelorera aveene ndi Yahova Nyasaye winyu alimiira imbiri winyu kuli muliru gusambaa. Alavadiviza nokuvagehiza imbiri winyu lwa muvatulira. Kunangwa, mulavakunga nokuvadiviza vwangu kuli Yahova yamusuuviriza.

Vahebraina 12:29

kigira Nyasaye wiitu aveeye muliru gusambaa nukudiviza ligali.

Vahebraina 2:3

Kunyi sikunyala kohononoka kutura ku mageri yaga niiva kulasula vohonyi vonene kuli yivu mba. Mwami mwene yalandiza ovohonyi yivu kutanga kandi yavo vahulira vohonyi yivwo valolekiza ku kunyi ndi vwali vwiligali.

Likunula 22:20

Uyu ololekizaa ivindu yivi avoora, “Ligali inzi nziza vwangu!” Gave ndio. Hamba, Mwami Yeso!