Zaburi 50:21 - KITABU KITAKATIFU

²¹ Munyi mwakora yaga goosi, na inzi si ndavoora kindu ku munyi mba, mwaganagana ndi inzi ndaali kuli munyi. Navuzwa kalunu, inzi mugondokeraa, kandi nu kuhaana likalaga imbiri winyu.

Zaburi 50:21 ပူးပေါင်းရင်းမြစ်များ

Ayubu 34:33

Kigira ivi usulaa aga Nyasaye akolaa, unyala kusuuvira alakola cha ivi wenyaa? Litovola ni liilio, si liveeye liange mba; okovolere kalunu cha uganagana?

Zaburi 50:3

Nyasaye wiitu yaazaa nu mufuumu munene, muliru munene gwadukaa imbiri weve, ku zimbega zizie ziosi, alolekaa kuva kuli ikiihi kenene ligali.

Zaburi 50:8

Inzi si ndamugondokera kigira visiuviliru vienyu, kinga vihaanwa vienyu viu kusambwa via muletaa imbiri wange kazozo mba,

Zaburi 73:11

Avandu vadamanu vavoola ndi, “Nyasaye siunyala kumanya mba; Nyasaye oveeye igulu ligali sianyala kumanya aga kokoraa mba.”

Zaburi 90:8

Ivi uviikaa uvwoni vwitu imbiri woovo. Uvikaa uvwoni vwitu vwumuvwivisu aha unyala kuvolola.

Kutwula 3:14

Nyasaye yavolera Musa, “Inzi Mbeeye Oveeye Ho. Yavoola, Vola yaga ku avandu va Isiraeli ‘Mbeeye Ho undumi ku munyi.’

Tsing'ano 29:1

Mundu ugayangwa vuli kazozo navuzwa avula kuhulira, aladivizwa vwangu ligali vugira kohona.

Kohelethu 12:14

Nyasaye azizaa kukalagira vuli kindu choosi cha kokoraa, keve kilahi anoho kidamanu, kali vindu viekoleka mu vwivisu.

Isaya 26:10

Kali niiva oveeye ni zimbavasi na vandu vadamanu, sivigaa kokora uvulungi mba. Kali hano, mu kivala cha vandu valungi, vandu vakekola vuzwa uvudamanu. Vasuura kuvugilira ovonene vuvwo.

Isaya 42:14

Nyasaye avoora, “Ndakahiring'ana ku ing'inga indambi, si ndahaana amativuli ku avandu vange mba. Navuzwa kalunu ing'inga yekekolwa imali kuduuka; ndiraa vudinyu kuli mukali oveeye mu lilumwa liu kwivura umwana.

Isaya 57:11

Yahova avoora, “avanyasaye vamutiizaa nukutihizwa ligali navo ni vanga vwaha, kunangwa muduuki kombehera kandi kwivilira inzi ligali? Munyi mumali kolekera ukuha inzi uluyali kigira ngiling'ani ku ing'inga indambi?

Jeremia 2:23

Munyalandi kovora si mwayeyononyia aveene mba? Kandi si mwasigamira Baali kali hakuzu mba? Heenzi kuli mumali kokora uvwoni mu livona; loli ku aga mumali kokora. Muveeye kuli ing'amia yikikali, inyagura yiyi ni yiyi niyenya kutumwa.

Amosi 8:7

Yahova, Nyasaye wa Isiraeli, umali kwisuha umwene; kuli mundu wa vandu va Isiraeli vekonyera ku; “Ligali sindivilira miyinzi jaavo midamanu.

Livalidza 23:19

Nyasaye siaveeye kuli avandu, unyala koveha mba; siaveeye ho nu mundu unyala kugirung'anyia zing'anagani zizie mba. Choosi chalagaa, akolaa; amolomaa, ma gekoleka.

1 Vakorintho 4:5

Kunangwa mutakalagiri mundu wundi woosi ing'inga nikikiri kuduuka mba. Likalaga liu kumaliriza kuduuka lilindi lwu Mwami yaza. Alalang'aminya havulavu ivindu viaviswa viosi viu mu kisundi kandi alamanyia havulavu viaviswa mu zing'anagani zia vandu. Maku vandu vosi valakanyore lizoinywa lidukanaa navo kutura ku Nyasaye.

2 Petro 3:9

Mwami sialindagiraa kutwekiza lilagana lilie, kuli avandu vandi vaganagana. Navuzwa, aveeye umwikuziri ni munyi, kigira siyenya umundu kali mulala ku munyi adivizwi, navuzwa yenya vosi vaduuki ku lieganira.

Likunula 3:19

Mundu wa inzi nyanza, mugondokeraa nu kumuha amageri. Ove nu vugulu nu kwiganira utuli muvwoni vuvwo.