Zaburi 50:15 - KITABU KITAKATIFU

¹⁵ Mwaniri ku inzi mu ing'inga yu vudinyu, na inzi ndamuhonyia, na munyi mulanzizominya.”

Zaburi 50:15 ပူးပေါင်းရင်းမြစ်များ

2 Avami 20:2

Hezekia yagirungana nahenza mwidigi nasaara:

2 Kyetsinyinga 20:9

‘Niiva ikivi choosi kiladuuka ku kunyi nu kuhaana amageri; vulwani, vulwaye vudamanu anoho inzara, hene yaho, kulaaza kusingira imbiri wi Litembeli yili ha ivi usigamirangwa. Kulasaala ku Ivi mu vudinyu vwitu, na ivi ulakuhulira nu kokohonya.’

Ayubu 22:27

Usaale kuye na alakuhulira; kandi uladukiza malagano googo naye.

Zaburi 107:19

Maku vanira ku Yahova mu vudinyu vwavo, naye yavahonyia mu kivi chavo.

Zaburi 107:28

Maku vanira ku Yahova mu vudinyu vwavo, naye yavahonyia kutura mu kivi chavo.

Zaburi 120:1

Lwa ndaali mu kivi, ndanira ku Yahova, naye yandivulira.

Zaburi 22:23

“Mwizominye Yahova, munyi avatumikiri veve! Mumuhe luyali, munyi visukululwi via Yakobo! Mumusigamiri, munyi avandu va Isiraeli!

Zaburi 34:5

Avadambi vasuuvira mu Yahova, kandi vaveezaa nuvusangali.

Zaburi 34:7

Engelosi va Yahova asolaa yavo avamutizaa, kandi avahonyia ku vasigu vaavo vosi.

Zaburi 4:2

O, munyi avandu, mulagirung'anyia uvukumi vwange kuva zisoni kuduuka ng'inga ki? Mulayaanza ivitaveeye novokonyi nukwenya iviuvugadi kuduuka ng'inga ki.

Zaburi 50:23

Lwa muhaanaa lisandiza ku inzi, gaveeye kuli muhanaa visiuvilu viu kuhaana luyali ku inzi, na mulikola ndio, ligali ndahonya yavo vosi avambuliraa.”

Zaburi 77:2

Inzi saalaa ku Yahova mu ing'inga yu vudinyu vwange; ng'ingaa amakono gange igulu ku Nyasaye uvudiku vwosi vugira kuluha, navuzwa sinyoolaa lileminywa mwoyo nu mundu wundi woosi mba.

Zaburi 77:3

Lwa ng'anagana kigira Nyasaye, mbendaa mwoyo ligali; lwa ng'anagana vudinyu ligali mwoyo gwange gukuzaa ligali.

Zaburi 81:7

Lwa waali mu vudinyu, waanira ku inzi na ndakohonyia. Ndakutivulira lisaala liilio kutura havundu hange hukwivisa mu kihuzuzi nizinguba. Ndaakogeriza ha vidaho via Meriba.

Zaburi 86:5

Ivi oveeye mulahi ku kunyi, kandi usamihaa uvwoni vwitu, wayizula uvuyanzi vutaveeye ne keheri ku yavo vosi avasaalaa ku ivi.

Zaburi 86:7

Nzanira ivi mu ing'inga yu vudinyu; kigira undivuliraa lisaala liange.

Zaburi 91:15

Lwa vanira ku inzi, ndavativulira; ndava harara navo lwa vaveeye mu vudinyu. Ndavasoola nukuvaha luyali.

Jeremia 39:17

Navuzwa Inzi Yahova, ndakohonyia, kandi siulavikwa mu zinguru zia vandu va utizaa mba.

Zekaria 13:9

Ndakagerizi kiduma chakavaga kilihononoka, kandi ndavatakase kuli ifeza isiyangwa mu kisambiru chu muliru. Ndavagerizi kuli izahabu isiyangwa mu kisambiru chu muliru. Maku valakasaale ku inzi, na inzi ndakavativuliri. Ndakavavoolere ndi vaveeye avandu vange, navo valakiyame ndi inzi mbeeye Nyasaye wavo.”

Matayo 5:16

Munzira ndala nzere, kuduuka uvulavu vwinyu vumuliki imbiri wa avandu kunangwa vaduuki kolola miyinzi jinyu milahi, ma vizominyi Baba winyu oveeye mwigulu.

Luka 22:44

Mu vusaliri vonene, yasaala numwoyo gwosi ligali kandi ulogeri lwilwe lwali kuli zingerageriza zia masahi gatonyatonyaa hasi.]

Yohana 15:8

Vukumi vwa Baba wange vumanyiangwa ku liama makuyu lienyu, kandi munzira yiyi mugwizaa aviigi vange.

Vikolwa 16:25

Ahimbi vudiku hagati, Paolo na Sila vaali nivasaara nivimba zinyimbu ziu kwizominya Nyasaye, na avahambe vandi nivavahuliriza.

Yakobo 5:13

Aveeye ho nu mulala ku munyi oveeye mu vudinyu? Gamudukira asaale. Aveeye ho nu mulala ku munyi oveeye nu vusangali? Gamudukira yimbi zinyimbu ziu kwizominya.

1 Petro 4:11

Mundu woosi naava niyilwaza, gamudukira yilwaaze likuva lia Nyasaye amali kumuha; uyu utumikaa, atumiki mu zinguru zia Nyasaye amuhezaa. Kunangwa mu vindu viosi, Nyasaye aduuki kwizominyirwa kuvitira mu Yeso Kristo, udukana anyoore uvukumi kandi zinguru mihiga ni mihiga. Amini.

1 Petro 4:14

Musangare lwa munyegwa kigira muveeye avalondi va Kristo; yili limanyia Roho wu vukumi kandi Roho wa Nyasaye asoseraa mu munyi.

Vakalagi 15:19

Maku Nyasaye yafudula iliriina mwilova ha Lehi, kandi amazi gaturaa mu. Samusoni yaanwa amazi ma natanga kuhulira vulahi. Ikisinuchi zana yicho chalangwa Hakore. Ikisinukiru zana yiki kikiri ha Lehi kuduuka kalunu.