Zaburi 5:6 - KITABU KITAKATIFU

⁶ Ivi udiviza yavo avavolaa vovehi, kandi uvihilirwa yavo vikirage na avuvugaadi avatindi na aviiti.

Zaburi 5:6 ပူးပေါင်းရင်းမြစ်များ

Litanga 34:14

Vamuvolera, “Kunyi si kunyala koleka mbozo wiitu azie ku musaza ukikiri kokevwa mba. Yago ganyala kuva gizisoni ku kunyi.

2 Samweli 16:8

Wavugula uvwami vwa Saolo, na kalunu Yahova akohezaa amagere kigira liita lia vandu avinyumba ya Saolo avanyingi. Yahova ohooye uvwami vuvwo ku muyaayi woovo Abisolomu, naivi udiviziywi, ivi mulumindi!”

2 Samweli 20:1

Yaali ho mundu mulala wi miima midamanu mu lidaala lia Giligali uwalangwa Sheba muyaayi wa Bikiri, uwi ihiiri ya Benjamini. Yakuba kisiriva kandi naalangiriza ndi, “Koveeye ni kidieli ki mu Daudi, kandi koveeye na miandu ki mu muyaayi wa Jese! Vasaza va Isiraeli, gendi kuzie sa mulala yengo, weve!”

Zaburi 11:5

Yahova agerizaa avandu vosi avaveeye avalungi na avadamanu keleng'ani. Navuzwa adunyiraa yavo avaveeye avadamanu nu mwoyo gwigwe gwosi.

Zaburi 4:2

O, munyi avandu, mulagirung'anyia uvukumi vwange kuva zisoni kuduuka ng'inga ki? Mulayaanza ivitaveeye novokonyi nukwenya iviuvugadi kuduuka ng'inga ki.

Zaburi 43:1

O, Nyasaye, unandizi kuva vugira vudamanu; kandi osoore ku yavo avatamanyi ivi, ombonyie kutura ku avandu vagadi kandi avadamanu.

Zaburi 55:23

O, Nyasaye, oleete aviiti na avagaadi vazie mu kilindwa imbiri wi inusu yi livamwoyo liavo nilikikiri kuduuka. Navuzwa inzi, ndakusuuvira.

Isaya 26:21

Yahova yaazaa kutura mu vomenyo vwivwe vwu mwigulu ukuhaana mageri ku avandu vu mulirova kigira uvwoni vwavo. Avandu aviita vandi mu vwivisu ku lirova valavulika, kandi lirova sililavisa yavo avamala kwitwa mba.

Varumi 1:29

Vizuyi zing'ano ziosi zie kivihiri, uvudamanu, uvuhuvaali, likayirwa iviaveene kandi uvwoneku. Vayizula embodoka, uvwiti, zimbemba, uvukubani, lihing'ana, uvugadi, zing'anagani zindamanu na amanyego; vamonyanaa,

Likunula 21:8

Navuzwa avuvuti, avatasuuvira avavihilirizi, aviiti, avaheyi, avakumu, avasigamiraa misambwa, na avavehi vosi uvwiyangu vwavo vulakave munyanza isambaa nu muliru kandi kibiriti; yilio nilio ilikuza lia kaviri.”

Likunula 22:15

Ichova ziveeye yo zimbwa, avakumu, avaheyi, aviiti, na avasigamiraa imisaambwa, kandi yava vosi avayaanzaa kovora ovovehi.