Zaburi 5:4 - KITABU KITAKATIFU

⁴ Ivi oveeye Nyasaye utayaanzaa vudamanu, kandi siuvugiliraa uvwoni kuva imbiri woovo mba.

Zaburi 5:4 ပူးပေါင်းရင်းမြစ်များ

1 Kyetsinyinga 29:17

Inzi manya, O, Nyasaye wange, ivi ugerizaa mwoyo gwa vuli mundu na uyanzizwa na avandu vu vulungi nu vusuuvirifu. Na mu vulungi nu vusuuvirifu vwange, mali kuhaana vindu yivi viosi ku ivi, kandi mali kolola kuli avandu vovo avamali kuvunga hano vayanzi koleta vihaanwa viavo ku ivi nu mwoyo gwosi.

Zaburi 101:7

Umimbehi sialamenya munyumba yange yu vwami mba; kandi umugadi sialava imbiri wange mba.

Zaburi 11:5

Yahova agerizaa avandu vosi avaveeye avalungi na avadamanu keleng'ani. Navuzwa adunyiraa yavo avaveeye avadamanu nu mwoyo gwigwe gwosi.

Zaburi 140:13

Avalungi valizominya ivi ligali; avasuuvirifu valamenya imbiri woovo.

Zaburi 50:21

Munyi mwakora yaga goosi, na inzi si ndavoora kindu ku munyi mba, mwaganagana ndi inzi ndaali kuli munyi. Navuzwa kalunu, inzi mugondokeraa, kandi nu kuhaana likalaga imbiri winyu.

Zaburi 63:2

Leka ngolole ahatakatifu hoho, leka ndore zinguru zizio kandi uvukumi vuvwo.

Zaburi 88:14

O, Yahova, kigira ki usulaa? Kigira ki ugirung'anaa kutura ku inzi?

Zaburi 92:15

Yaga gamanyia ndi Yahova aveeye ni Likalaga lirungi ku avandu, kandi siaveeye ho nuvudamanu mu mukingi wange mba.

Zaburi 94:20

Ivi siuhambanaa na vakalagi vadamanu mba, avakolaa likalaga lirungi kuva lichamu.

Habakuk 1:13

Navuzwa ivi unyala kuhulirizana ndi na vandu vaveeye vagadi kandi vadamanu kuli yava? Ivi oveeye mutakatifu ligali kolola vudamanu, kandi wikuziraa kolola vandu ni vakora vudamanu. Kigira ki ukiring'anaa lwa vandu yava vadiviza vandu vovo avaveeye valungi ligali kuvita yavo.

Malaki 2:17

Munyi mwageliza Yahova na makuva ginyu. Navuzwa muteeva ndi “Kwa mugerizaa ndi?” Kunyi kovora ndi “Vuli mundu woosi okolaa vudamanu aveeye mulahi imbiri wa Yahova, kandi Yahova yavayanza.” Kandi kovora ndi, “Nyasaye wi likalaga lirungi aveeye hayi?”

Yohana 14:23

Yeso yamutivulira, “Mundu nanyaanza, alagumira amigizu gange. Baba wange alamuyaanza, kandi Baba wange harara nainzi kulaaza kuye, na kulamenya naye.

Vahebraina 12:14

Mugerizi ligali kuva ni mirembe na avandu vosi, kandi mugerizi komenya liiva litakatifu kigira siaveeyeho nu ulilola mwami nataveeye nu vutakatifu mba.

2 Petro 3:13

Navuzwa, kolondekana ni lisuuviriza lilie, kunyi kulindiliraa konyoora ligulu lihia kandi lirova lihia; hango hu vutakatifu.

Likunula 21:23

Lidaala linene zana siliveeye ni liuva anoho umweli ukwaka kulio mba, kigira uvukumi vwa Nyasaye vwalilaviza. Itaya yalio nu Mwana wi Ligondi.

Likunula 21:27

Kindu choosi kitaveeye kinifu kandi kitaveeye kesereze, anoho umundu okolaa ivindu vie voheyi kandi vovehi, sivalingira mu lidaala linene zana. Navuzwa yava avang'odwa mu kitabu chi livamwoyo chu Mwana wi Ligondi, nivo avalingira mu veng'ine.