Zaburi 5:11 - KITABU KITAKATIFU

¹¹ Navuzwa oleke vosi avasuuviraa mu ivi vasangale, leka vimbi nu vusangali kazozo. Uvakingi yavo avayaanzaa ivi vaveeye nu vusangali ligali kigira ivi.

Zaburi 5:11 ပူးပေါင်းရင်းမြစ်များ

Ayubu 38:7

Mu mavwevwe ku lidiku yilio zing'ereng'ani ziembaa harara, kandi vilombe viu mwigulu vihanzuka mu vusangali.

Zaburi 2:12

mudegere nukumwinamira gase uvutima vwivwe vulaaka, na munyi mukuzi vwangu. Vaveeye nuvugasu yavo vosi avanyagura kuye vanyoore likingwa.

Zaburi 35:27

Leka yavo avenyaa vaandole nimbohololeywi vahanzuki nuvusangali kandi vayaanzayaanze kazozo nokovoora, “Yahova aveeye munene ligali! Ayaanzizwa ni liguuta liu mutumikiri weve.”

Zaburi 40:16

Leka yavo vosi avaazaa ivi, vasangale kandi vayanze, leka yavo avaveeye nilisandiza kigira ovohonyi vuvwo vavoole kazozo, “Yahova aveeye munene ligali!”

Zaburi 58:10

Avalungi valasangala lwa valora avoni nivahevangwa mageri; Valasiena virenge viavo kuvitira mu masahi gavadamanu.

Zaburi 65:13

Milimi jikunikiywi na magondi, mavoona gizuyi ingano. Vindu yivi viosi vilava kuli avandu vahanzukaa nukwimba lisandiza liavo ku Nyasaye.

Zaburi 68:3

Navuzwa avalungi vazanzalikaa nivasangala imbiri wa Nyasaye; vaveeye nuvuyanzi kandi vahanzuka kigira uvusangari.

Zaburi 69:36

Ivisukulurwi via avatumikiri va Nyasaye valanyora miandu ji kivala yiki, kandi yavo avanyanzaa valamenya yo.

Zekaria 9:9

Musangare, musangare, avandu va Ziyoni! Muhanzuki kigira vuyanzi, munyi avandu va Jerusalemi! Henza, mwami winyu yaazaa ku munyi! Yaazaa ni kivigu kandi liguuta, navuzwa aveeye muhooma kandi aniini ku ibunda; kemoli chi ibunda, chivuliywi ni ibunda.

Varumi 8:28

Kunyi kumanyi ndi ivindu viosi viyinzira harara koleta uvulahi ku yavo avayaanzaa Nyasaye; yavo avayalanga kolondekana nu vulaliri vwivwe.

1 Vakorintho 2:9

Navuzwa kuli Mang'oda Matakatifu gavoora, “Kindu chu mundu yavula kolola anoho kuhulira, kindu chu mundu yavula kuganagana kilekoleka, nicho kindu zana cha Nyasaye, yeetegekizira yavo ava muyanzaa.”

Yakobo 1:12

Aveeye nu vugasu umundu wikuziraa mu ligerizwa, kigira lwamali kuguuta nu kuvita ligerizwa kuli yili anyoora itaji yi livamwoyo lia Nyasaye yasuuviriza yavo vosi avamuyanzaa.

Yakobo 2:5

Muhuliri, avaamitu vange avayaanze! Nyasaye yatovola avadaka vu mukivala vave avatugi mu lisuuvira, kandi vanyoore vwami vwa yasuuviriza yavo ava muyanzaa.

Likunula 18:20

Ligulu musangare kulio, na vandu va Nyasaye avatumwa, na avaporofeti; kigira munyi vandu va Nyasaye kandi avatumwa, na avaporofeti. Nyasaye umali kulikalagira kigira ivindu via yamukolera.

Vakalagi 5:31

Avasigu vovo vakuze ndio, O, Yahova, navuzwa avalina vovo vang'ereng'ane kuli iliuva! Ni mirembe jaaliho mu kivala ku mihiga arubaini.