Zaburi 49:15 - KITABU KITAKATIFU

¹⁵ Navuzwa Nyasaye alasoola. Alambonyia kutura mu zinguru zie likuza.

Zaburi 49:15 ပူးပေါင်းရင်းမြစ်များ

Litanga 5:24

Yatia malago ga Nyasaye mu limenya lilie liosi, kandi yatulaho, kigira Nyasaye yamuvugula.

Zaburi 31:5

Inzi mbikaa livamwoyo liange mu makono googo O, Yahova; Ivi ulambonyia, ivi oveeye Nyasaye musuuvirifu.

Zaburi 56:13

Ivi umali kombonyia kutura mu likuza, nukuninda mburi kuguutwa. Nandio, ngendaa imbiri woovo, mu vulavu vwakanga ku yavo avaveeye mwoyo.

Zaburi 73:24

Ivi unzimiliraa na amigizu googo, kandi ulanyingiriza nu luyali lulwo ing'inga yi keheri chi limenya liange.

Zaburi 86:13

Uvuyanzi vuvwo vutaveeye ne keheri voveeye ovonene ligali ku inzi! Umali kombonyia kutura mu likuza.

Zaburi 89:48

Nivwaha unyala komenya vugira likuza? Mundu anyala ndi kweleha ku kilindwa?

Hosea 13:14

Inzi si ndahonyia vandu yava kutura mu kivala cha vakuzu si ndavasoola kutura mu likuza mba. O, likuza, kivi chicho chu vulwaye vudamanu keveeye haliha? O, kirindwa, lidiviza liilio liveeye haliha? Inzi sindavererera vandu yava kandi mba.

Luka 23:46

Yeso yalira nu mwoyo munene, navoora, “Baba, mbikaa mwoyo gwange mu makono googo.” Lwa yamala kovora yaga, yakuza.

Yohana 14:3

Kandi lwa mba ninzia kumulombera ovogono, ndirana kandi. Ndamuvugura inzi mwene, kunangwa aha inzi mbeeye munyi kandi muve ho.

Vikolwa 7:59

Lwa vaali nivamulasa amagina, Sitefano yasaala navoora, “Mwami Yeso, vugula mwoyo gwange!”

Likunula 14:13

Maku ndaahulira mwoyo kutura mwigulu nigovoora, “Ng'oda yaga: Vaveeye nu vugasu avakuzu vakuziraa mu Mwami kutura kalunu.” Yee, Roho avoora, “Vaduuki kosoosa kutura mu miyinzi jaavo. Kigira miyinzi jaavo jilondekanaa navo.”

Likunula 5:9

Vimba ulwimbu luhia, ni vavoola: “Ivi uduukani kuvugura kitabu no kovoholora imihuri jacho. Kigira ivi witwa, kandi kigira likuza liilio, ivi waagulira Nyasaye avandu kutura mu vuli ihiiri, vandu vi zinimi lugano lugano, kandi ku zihiiri ziosi mu kivala choosi.