Zaburi 49:11 - KITABU KITAKATIFU

¹¹ Vilindwa viavo viveeye ovomenyo vwavo mihiga ni mihiga, vamenya uweneyeyo zing'inga ziosi; kali nivaali ku ing'inga ndala ni milimi jaavo aveene.

Zaburi 49:11 ပူးပေါင်းရင်းမြစ်များ

Litanga 4:17

Kaini yaali harara nu mukali weve ma naavereka vanyoola mwana muyaayi ma ni vamugulika lieta lilie Enoka. Maku Kaini yumbaka Lidaala Linene ma naaligulika lieta liu muyaayi weve.

2 Samweli 18:18

Ing'inga yi livamwoyo lilie, Abisolomu yaali niyiyumbakaira munara, mu livona liu mwami; kigira siyaali nu muyaayi kuzizagiliriza lieta lilie mu Isiraeli mba. Kunangwa yagugulika lieta lilie mwene, kandi kuduuka lidiku lia lero, gwamanyikana kuli munara gwa Abisolomu.

Zaburi 10:6

Avoora mu mwoyo gwigwe, “Sinyala kusuundwa mba sindava mu vudinyu mihiga ni mihiga mba.”

Zaburi 39:7

O, Yahova, navuzwa kalunu, lisuuvira liange liveeye ku ivi.

Zaburi 5:9

Avasigu vange si vavola agiligali mba. Zing'anagani ziavo ziveeye ziu kwononyia, amakuva gaavo gaveeye gu vugadi kandi madoto, navuzwa galetaa likuza ligali ku vandu.

Zaburi 64:6

Valomba zing'anagani ziavo zindamanu nivavoora, kalunu “Kumali kolohiza lilohiza liduukiru liukuvunaga malago.” Zing'anagani ziu musi ziu mundu ziveeye vindu vikogenyia.

Kohelethu 2:14

Avandu vageri valora wavaziza, na vandu vasiru sivalola wa vazizaa mba.” Navuzwa ndaalora ndi vombi vanyoola vudinyu vulala vwere.

Kohelethu 2:21

Mundu ayinziraa vudinyu novogeri vwivwe vwosi, kandi limanya lilie liosi, navuzwa inyima alekera mundu wundi vindu viosi, mundu uvuli kuyinziraku kali hakuzu. Yaga goosi gaveeye vuzwa, kandi vudamanu ligali!

Ezekieli 38:10

Yaga nigo ga Yahova Wuvunyali avooreraa Goga: “Lwi ing'inga yeyo iliduuka, ulakatange kuganagana kolohiza vudamanu.

Luka 11:39

Kunangwa, Mwami yamuvolera, “Munyi Avafarisayo, mwogizaa igulu we kekombe ni sahani. Navuzwa mugati mwinyu, mwayizula uvunuuri nu vudamanu.

Vikolwa 8:22

Kigira yaga wiganiri uvudamanu vuvwo yivu, usaale Mwami, aduuki kukusamiiha mu liganagana kindu kuli yiki.

Kwidzulitsa 3:14

Jairo, kutura mu ihiiri ya Manase yavugula kivala choosi cha Arigobu Bashani kuduuka ku lwako lwa vandu va Geshuru na vandu va Maakazi, na yavilanga, Havozi Jairo kuli lieta lilie liveeye kuduuka kalunu.

1 Samweli 15:12

Samweli yatura mugambazuri lidiku lialonda ku, nazia kwenya Saolo. Yahulira ndi Saolo yaali namali kuzia mu lidaala lia Karimeli, uwa yaali niyiyumbakiyi kelolero chukwiyizulizira ku, kandi naziiyi Giligali.