Zaburi 48:10 - KITABU KITAKATIFU

¹⁰ Ivi wizominywa na vandu havundu hoosi, kandi luyali lulwo lulandaa ku lirova liosi. Ivi wamihaa ni likalaga lirungi.

Zaburi 48:10 ပူးပေါင်းရင်းမြစ်များ

1 Kyetsinyinga 16:14

Aveeye Yahova Nyasaye witu; Likalaga lilie liveeye mu lirova liosi.

Zaburi 11:7

Yahova aveeye mulungi, kandi ayaanza vikolwa viveeye viu vulungi; avaveeye avalungi, valamenya harara naye, mihiga ni mihiga.

Zaburi 113:3

Mwizominyi lieta lia Yahova, kutura Ivugwi kuduuka Imadioli.

Zaburi 145:17

Yahova aveeye mulungi mu zinzira zizie ziosi, kandi aveeye wi livererera mu viosi via okolaa.

Zaburi 45:7

Ivi uyaanzaa uvulungi, udunyiraa uvuchamu. Kigira yaga, yiki ni kigira Yahova, Nyasaye woovo umali kukotovola. Kandi umali kuzuka uvugasu vunyingi ku ivi kuvita mwami wundi woosi.

Zaburi 99:4

Ivi oveeye mwami wizingulu ligali uyanzaa agaveeye malungi; umali kusingiriza likalaga lirungi mu kivala cha Isiraeli; umali koleta vulungi kandi likalaga lia giligali vugira liyaanzilira.

Isaya 41:10

Mutatia mba, kigira inzi mbeeye harara ni munyi! Mutahendi mioyo mba, kigira inzi mbeeye Nyasaye winyu. Ndamukora kuva avagulu, kandi ndamukonya; Ndamusoola kandi ndamuhonyia.

Malaki 1:11

Avandu kutura kundulu kwi kivala kuduuka kundulu vahaana luyali ku inzi. Vasambira vuli havundu hoosi kimuli, kandi vahaana visiuviliru vivugilikaa ku inzi. Vosi vahaana luyali ku inzi!

Malaki 1:14

Kilaamo keveeye ku oyo mugaadi uhaanaa kisiuviriru chu mutugu mudamanu ku inzi, lwaveeye nu mutugu mulahi muchayo chiche gwayalaga kuhaana ku Inzi! Kigira mbeeye mwami munene, navandu vi zihiiri ziosi vaatia Inzi.”

Kwidzulitsa 28:58

“Niiva mulavula kuhulira nu vusuuvirifu amigizu ga Nyasaye goosi agang'odwa mu kitabu yiki, kandi muvura kuhaana luyali kulieta liokogenyia na liu kutihiza lia Yahova Nyasaye winyu

Joshua 7:9

Avandu va Kanaani kandi navandu vandi vosi mu kivala valahulira amakuva yaga goosi. Valakukumbiriza nukwita vuli mulala ku kunyi! Kunangwa ivi ulakola ki kulinda luyali lwi lieta linene liilio?”

Likunula 19:11

Maku ndaalora ligulu ni liigulikaa; kandi ndaalora, ibarasi indavu. Muhiri wayo alangangwa Umusuuvirifu nu wi Ligali. Akalagaa kandi muvulungi kandi alwaana iliihi lilie.

Likunula 19:2

Likalaga lilie liveeye lie ligali kandi lirungi! Ukalagiyi umukali liraya munene, uwaali naagotiza lirova no voheyi vwivwe; Nyasaye umali kumuha amageri kigira yita avatumikiri veve.”