Zaburi 48:1 - KITABU KITAKATIFU

¹ Yahova aveeye munene, kandi wukwizominywa ligali, mu lidaala linene lia Nyasaye kandi ku kiguru chiche kitakatifu.

Zaburi 48:1 ပူးပေါင်းရင်းမြစ်များ

Nehemia 9:5

Vandu va Levi yava vavoolera avandu vasigamiri Nyasaye: Jeshua, Kadimieli Bani, Hashabuneia, Sherebia, Hodia Shebania, na Pezahia. Vavoola, “Musingiri na mwizominyi Yahova Nyasaye winyu. Mumwizominye mihiga ni mihiga. Leki sa mulala yizominye lieta lilie lwu vukumi, kali niiva lizominya liu mundu siliveeye lidukiru mba.”

Zaburi 145:3

Yahova aveeye munene, kandi uwukwizominywa ligali; ovonene vwivwe vuviti limanyiriza lietu.

Zaburi 147:5

Yahova wiitu aveeye munene kandi wizingulu; ovogeri vwivwe sivunyala kogerwa mba.

Zaburi 2:6

Yahova avoora, “Mali kwamiihiza mwami wandatovola, ku Ziyoni, kiguru change kitakatifu.”

Zaburi 30:1

O, Yahova, nzizominyaa ivi, kigira umali kombonyia; na sioleki avasigu vange vasangaliri kivi chiange mba.

Zaburi 42:1

Kuli kisusu yegombaa mugera gwa mazi makindu, O, Nyasaye, ni ndio ngwegomba. Nindio nzegomba ivi, O, Nyasaye wange!

Zaburi 46:1

Nyasaye aveeye likingwa lietu, kandi zinguru zietu; aveeye mwetegeku kazozo kokonya mu zing'inga ziu vudinyu.

Zaburi 46:4

Haveeye numugera ogoleetaa uvusangari mu lidaala linene lia Nyasaye, ku inyumba indakatifu ya Nyasaye oveeye igulu ligali.

Zaburi 47:8

Nyasaye yikalaa kondeve yeeye yu vwami indakatifu; kandi yamiha ku zihiiri ziosi

Zaburi 65:1

O, Nyasaye, gaveeye vulungi ku kunyi kwizominyira ivi mu Ziyoni; nuladukiza malagano giitu ku ivi,

Zaburi 78:68

Mu vogono yivwo, yatovola ihiiri ya Yuda, kandi natovora kiguru cha Ziyoni, havundu ha yaayanza ligali.

Zaburi 86:10

Ivi weng'ine oveeye wizingulu kandi okolaa vindu viokogenyia, ivi oveeye Nyasaye.

Zaburi 87:1

Yahova yumbaka lidaala lilie linene ku kiguru kitakatifu;

Zaburi 87:3

Avandu vi lidaala linene lia Nyasaye, hulirizi ku vindu viokogenyia via avoora ku ivi.

Zaburi 96:4

Yahova aveeye munene ligali kandi yizominywa ligali. Kuduuka avandu vamusigamiri kuvita avanyasaye vandi vosi.

Zaburi 99:9

Mwizominyi Yahova, Nyasaye wiitu; mumusigamiri ha kiguru chiche kitakatifu! Yahova Nyasaye wiitu aveeye mutakatifu.

Isaya 27:13

Lwilidiku yilio liliduuka, kisiriva kilakakubwi ukulanga avandu vosi va Isiraeli avaari nivahaminyirwa mu vivala via Asiria na Egebeti, viirane. Valakaze kusigamira Yahova mu Jerusalemi, ku kiguru chiche kitakatifu yiki.

Jeremia 31:23

Yahova Wuvunyali, Nyasaye wa avandu va Isiraeli avoora, “Lwa naziranyie avandu mukivala chavo, vaza viraniri kovora mukivala chi Ivuyuda kandi namadaala gayo gene, ‘Yahova agaasizi kiguru kitakatifu cha Jerusalemi, havundu hatakatifu ahamenyaa.’

Obadia 1:17

“Navuzwa ku kiguru cha Ziyoni avandu valala valakahononoke, kandi halakave havundu hatakatifu. Avandu va Yakobo valakavuguli kivala keveeye chavo ku vulungi.

Mika 4:1

Mu madiku gaaza mukigulu chi Litembeli liumbakwa, kilakave kiguru kitambi ligali kuvita vigulu vindi viosi. Zihiiri zinyingi zilangunyana kuzia mu kiguru yiki,

Zekaria 8:3

Inzi ndirana mu Jerusalemi lidaala liange litakatifu nokomenya mulio. Lilakalangwe lidaala lisuuvirifu kandi kiguru cha Yahova Wuvunyali, kilakalangwe kiguru kitakatifu.

Matayo 24:15

“ Lwa mulilora “Kindu kidamanu ligali keleetaa lidiviza” lia mu muporofeti Danieli yavoola nasingiyi Havundu Hatakatifu, hene yaho osomanga amanye.

Vahebraina 12:22

Mu vogono yivwo, munyi mumali kuuza ku Kiguru cha Ziyoni, kandi ku lidaala linene lia Nyasaye oveeye mwoyo, Jerusalemi yumwigulu, harara ni zielefu zie zingelosi zialio.

Likunula 19:5

Maku umwoyo gwatura mundeve yu vwami, nigovoora, “Mwizominye Nyasaye wiitu, munyi avatumikiri veve vosi, kandi munyi avandu vamutiizaa, mwombi avakeekeke na vanene.”

Likunula 21:2

Kandi ndaalora Lidaala Litakatifu, Jerusalemi imbia, nilikaa kutura mwigulu ku Nyasaye, nilietegekizwi kuli umwiha uwisiahiyi umusaza weve.