Zaburi 47:9 - KITABU KITAKATIFU

⁹ Avamihi vi zihiiri vavuganaa harara na viiyunga harara na avandu va Nyasaye wa Aburahamu. Zinguru ziosi zielirova ziveeye zia Nyasaye; na akuminywa ligali.

Zaburi 47:9 ပူးပေါင်းရင်းမြစ်များ

Litanga 49:10

Yuda alava ni imbimbu yu vwami, visukululwi vivie vilamiiha kazozo. Zihiiri zilaleta uvusuru kuye, kandi zihiiri zilinama imbiri weve.

Zaburi 46:10

Avoora, “Muchiring'ane kandi mumanye ndi inzi mbeeye Nyasaye! Inzi nzizominywa hagati hi zihiiri ziosi; inzi nzizominywa ku lirova liosi!”

Zaburi 72:11

Avami vosi valinama imbiri weve; zihiiri ziosi zilamutumikira.

Zaburi 89:18

O, Yahova, ivi oveeye mukingi wiitu, ivi Nyasaye Mutakatifu wa Isiraeli, wakuha mwami wiitu.

Zaburi 97:9

Yahova Nyasaye Wuvunyali, oveeye mwamihi wi Lirova liosi; Ivi oveeye munene ligali kuvita avanyasaye vandi vosi.

Kutwula 3:15

Volera vandu va Isiraeli ndi inzi Yahova, Nyasaye wa vaguuga vinyu, Nyasaye wa Aburahamu, Isaka, na Yakobo undumi kuvo. Yili ni lieta liange mihiga ni mihiga; kandi nilio lidukanaa makura na makura gaaza goosi ganange.

Kutwula 3:6

Inzi mbeeye Nyasaye wa avaguuga vinyu, Nyasaye wa Aburahamu, Isaka na Yakobo.” Kunangwa Musa yafuma mumoni mwimwe, kigira yatia kohenza Nyasaye.

Tsing'ano 30:5

“Nyasaye adukizaa goosi ga alaangaa. Aveeye kuli ikuuti ku vosi avenyaa likingwa lilie.

Isaya 11:10

Lidiku lizaa lwu mwami muhia kutura munyumba yu vwami vwa Daudi alava kelolero ku zihiiri ziosi. Valavunga harara mu lidaala lilie liu vwami nukumuha luyali.

Isaya 49:23

Avami valava kuli avababa vinyu, avakali va avami valava kuli avamama vinyu. Valinama imbiri winyu kandi valegehiza nukuhaana uluyali ku munyi. Hene yaho, mulamanya ndi, Inzi mbeeye Yahova, na yavo vosi avaveeye nilisuvira mu inzi sivaliduuka mu zisoni mba.”

Isaya 49:7

Nyasaye Mutakatifu wa avandu va Isiraeli kandi muhonyi avooreraa mulala olegelizwa ligali, udunyirangwa ni zihiiri kandi oveeye mutumikiri wa avamihi ndi: “Avami vaavo valakolora noveeye muvoholore, kandi valaza nukuhaana uluyali ku ivi; Avanene kandi valakolola noveeye muvoholore kandi valasigama kukuha luyali.” Yaga galakoleka kigira Yahova umali kotovola mutumikiri weve, Mutakatifu wa vandu va Isiraeli alindaa malagano geege.

Matayo 22:32

‘Inzi mbeeye Nyasaye wa Aburahamu, Isaka Nyasaye wa Yakobo?’ Ku, siaveeye Nyasaye wa avakuzu, navuzwa aveeye Nyasaye wa avaveeye mwoyo.”

Varumi 11:25

Gaveeye agiligali gumuvuvisi, aganyenyaa munyi avaamitu vange mumanye; galamukola muvuli kuganagana ndi kuli muveeye avageri. Uvudinyu vwi mioyo ja vandu va Isiraeli sivoveeye vwukuhindira mihiga, navuzwa vulava ho vuzwa kuduuka lwa vandu vi zihiiri vosi vaza ku Nyasaye.

Vagalatia 3:29

Niiva muveeye ava Kristo, ahene yaho muveeye visukululwi via Aburahamu kandi munyi mulanyola miandu ja Nyasaye yasuuviriza.