Zaburi 47:1 - KITABU KITAKATIFU

¹ Munyi avandu vosi, mukubi makono kigira uvusangari! Mwizominye Nyasaye ku liemba zinyimbu.

Zaburi 47:1 ပူးပေါင်းရင်းမြစ်များ

2 Samweli 6:15

Kandi ndio, Oya na vandu va Isiraeli vosi vavugura Lisandugu lie Lilagana kuduuka Jerusalemi nilihanzuka Liuvusangali vonene nivakuba visiliva.

2 Avami 11:12

Hene yaho, Jehoyada yaleeta Joashi ichova, ma naviika itaji ku mutwi gwigwe, kandi naamuha malago gamiihaa uvwami. Maku Joashi yavakwa maguta kandi nalandizwa kuva mwami wi Ivuyuda; na vakuba makono gaavo ni vavoola, “Mwami ahindiri!”

2 Kyetsinyinga 13:15

Avandu vi Ivuyuda vaakuba ulukwiri lwu vulwani vudinyu, na nivimiliywi nu mwami Abija, vaatulira Avaisiraeli. Nyasaye yaguuta Jeroboamu harara ni liihi linene lia Avaisiraeli.

Zaburi 106:47

Okohonyie, O, Yahova Nyasaye wiitu, kandi okoleete harara kutura mu zihiiri, kunangwa kuduuki kukusandiza nu kwizominya lieta liilio litakatifu.

Zaburi 42:1

Kuli kisusu yegombaa mugera gwa mazi makindu, O, Nyasaye, ni ndio ngwegomba. Nindio nzegomba ivi, O, Nyasaye wange!

Zaburi 46:1

Nyasaye aveeye likingwa lietu, kandi zinguru zietu; aveeye mwetegeku kazozo kokonya mu zing'inga ziu vudinyu.

Zaburi 47:5

Nyasaye yanigira ku endeve yeeye yu vwami. Nilihanzuka liu vusangali; nu mwoyo gwi visiliva.

Zaburi 98:4

Mwimbiri Yahova kigira uvusangari, O, munyi vandu vosi vi lirova. Mumwizominyi ni zinyimbu kandi Isango yuvusangali!

Zaburi 98:8

Munyi migera, mukubi makono ginyu! Munyi vigulu, mwimbi harara, nuvusangali imbiri wa Yahova,

Isaya 55:12

“Mulatula mu kivala cha Babiloni nuvusangali; mulimilirwa muturi mu lidaala linene zana mu mirembe. Vigulu nutugulu vitange kwimba vudinyu na imisaala jilahanzuka kigira uvusangari.

Jeremia 31:7

Yahova avoora, “Mwimbi nuvusangali ku Isiraeli, ihiiri eveeye enene ligali mu ziosi. Mwimbi lwimbu lwinyu lwi lizominya kovora, ‘Yahova amali kohonyia avandu veve; amali kosoola yavo vosi avatigara.’

Zefania 3:14

Mwimbi kandi musangare, munyi, avandu va Isiraeli! Musangare ni mioyo jinyu josi, Jerusalemi!

Zekaria 4:7

Uvudinyu voveeye kuli kiguru kenene, vulagota kutura imbiri woovo. Ulumbaka vuhia Litembeli na lwa uva nuviika ligina lio kumalirika mu vogono yivwo, avandu valahanzuka nokovoora nu mwoyo munene, ‘Vulahi ligali, vulahi ligali!’ ”

Zekaria 9:9

Musangare, musangare, avandu va Ziyoni! Muhanzuki kigira vuyanzi, munyi avandu va Jerusalemi! Henza, mwami winyu yaazaa ku munyi! Yaazaa ni kivigu kandi liguuta, navuzwa aveeye muhooma kandi aniini ku ibunda; kemoli chi ibunda, chivuliywi ni ibunda.

1 Samweli 10:24

Samweli yavolera vandu yavo, “Uyu niyie musaza wa Yahova atovooye! Sihaveeye ho nu wundi hagati hiitu oveeye kuli uyu mba.” Avandu vosi vahaanzuka nu mwoyo munene nivavoora, “Mwami ahindiri!”