Zaburi 46:2 - KITABU KITAKATIFU

² Kunangwa, sikulatia kindu kali hakuzu, kali niiva lirova liladengeyizwa, kandi niiva vigulu vilagwa mu luliva lwinyanza.

Zaburi 46:2 ပူးပေါင်းရင်းမြစ်များ

2 Samweli 22:3

Nyasaye wange aveeye chukwivisa mu change, aveeye inguva yange kandi zinguru zio vohonyi vwange. Aveeye imbinga yange, chu kwivisa mu change kandi muhonyi wange; ivi ombonyia kutura ku vasigu vange.

Zaburi 142:6

Huliriza ku lianira liange liukwenya ovokonyi, zinguru ziange zimali kogeeha ligali; Ombonyie kutura ku vasigu vange, vaveeye ni zinguru ligali kuvita inzi.

Zaburi 18:7

Maku lirova liosi liadegera na imise ji vigulu jadengeya. Kigira Nyasaye yaali nu vutima.

Zaburi 23:4

Yee, kali niimba neng'enda mu kivanda chi chiriri chi likuza, si ndatia kivi mba; kigira oveeye niinzi harara; imbimbu yooyo nu lusaala lulwo zinemerizaa.

Zaburi 27:3

Kali niiva iliihi liosi lilangumberiza, si ndatia mba, kandi avasigu vange nivanzingilira; ndazizagilira kusuuvira Nyasaye.

Zaburi 28:7

Yahova aveeye zinguru ziange, kandi inguva yange; inzi suuviraa muye: mwoyo gwange gu lamusangalira ligali; kigira amali kongonya; ndamwizominya ni zinyimbu ziu kumusandiza ligali.

Zaburi 37:39

Yahova alahonyia avandu valungi, kandi alavasoola mu zing'inga ziu vudinyu.

Zaburi 59:17

Ndizominya ivi, mukingi wange. Imbinga yange veveeye mu ivi Nyasaye, Nyasaye unyanza.

Zaburi 62:8

O, munyi avandu vange, musuuviri mu Nyasaye zing'inga ziosi; mu muvoolere uvudinyu vwinyu vwosi Aveeye uvuhaliru vwitu vwi milembe.

Zaburi 62:9

Avandu vosi vaveeye vuzwa kuli umwika. Avanene navakekeeke keleng'ani sivaveeye kindu kitakonya vaviiki ku kibimu, na sivali nuvulitu mba; vaveeye avahuuhu vuzwa kuvita mwika.

Zaburi 82:5

“Munyi simumanyi kindu kali kilala kandi simumanyirizaa mba! Munyi mugendaa mu kisundi chi ligota, misingi josi ji lirova jidegeriziywi!

Zaburi 91:2

alavolera Yahova, “Ivi oveeye chukwirukira mu change kandi imbinga yange. Ivi oveeye Nyasaye wange; suuviraa mu ivi.”

Jeremia 14:8

Ivi wengine oveeye lisuuvirizwa lia avandu va Isiraeli, niivi wengine ohonyia kunyi kutura mu kivi. Kigira ki oveeye kuli mugeni mu kivala chietu, kandi kuli mundu oveeye kologendo uwenyaa hokogona ku vudiku vulala vweng'ine?

Nahum 1:7

Yahova aveeye mulahi; akingaa vandu veve mu ing'inga yu vudinyu alindaa yavo avaazaa kuye.

Matayo 21:21

Yeso yavativulira, “Ligali muvooleraa, munyi ni muva ni lisuuvira vugira kuhayahayiza, si munyala kokora yaga geng'ine agakoleywi ku mukuyu, navuzwa kali munyala kovoolera kiguru yiki, ‘Yigingi wisigisi mu inyanza,’ na galakolwa ndio.

Luka 21:33

Ligulu ni lirova vilavita, navuzwa amakuva gange sigalivita mba.

Vahebraina 13:6

Kunangwa leki kuluviliri, ma kovoole, “Mwami aveeye mukonyi wange; sindatia mba. Mundu alangola ki?”