Zaburi 46:10 - KITABU KITAKATIFU

¹⁰ Avoora, “Muchiring'ane kandi mumanye ndi inzi mbeeye Nyasaye! Inzi nzizominywa hagati hi zihiiri ziosi; inzi nzizominywa ku lirova liosi!”

Zaburi 46:10 ပူးပေါင်းရင်းမြစ်များ

1 Avami 18:36

Ku ing'inga yukuhaana kisiuviriru cha mbasu, muporofeti Elija yisunda himbi ku vwali nasaara navoora, “O, Yahova, Nyasaye wa Aburahamu, Isaka, na Yakobo, lolekiza kalunu ndi ivi oveeye Nyasaye wa Isiraeli, kandi inzi mbeeye mutumikiri woovo kandi mali kokora yaga goosi kolondekana ku lilaga liilio.

2 Avami 19:12

Vaguuga vange vadiviza madaala manene ga Gozani, Harani, Rezefa, kandi ni yiita avandu va Bez-edeni, avamenyaa mu Telasari? Avanyasaye vi zihiiri yizio sivali vanyara kuvahonyia mba.

2 Avami 6:23

Kunangwa mwami wa Isiraeli yavalombera lilia linene; na inyima wa vaali ni vakalia nu kunwa, yavatuma viirane ku mwami wa Siria. Kutura ing'inga yeyo, kuzia imbiri, Vasiria valekera lingilira nu kulwaana kivala cha Isiraeli.

1 Kyetsinyinga 29:11

Ivi oveeye Munene kandi wi zinguru; wu vukumi, kandi wu vuguuti, wo kogenyia kandi wuvunyali. Ivindu viosi iviveeye mwigulu kandi mu lirova viveeye vivio, kandi ivi oveeye mwami oveeye igulu ligali ku vindu viosi.

Zaburi 100:3

Mumanye ndi Yahova aveeye Nyasaye. Yalomba kunyi na kunyi koveeye aveeve. Koveeye avandu veve kandi koveeye chayo cha magondi geege.

Zaburi 21:13

O, Yahova, kukwizominyaa ligali, kigira zinguru zizio zinene! Kunangwa kulimba nukwiizominya zinguru zizio.

Zaburi 37:15

navuzwa vivavi viavo vene vilavita, kandi uvuta vwavo vulavunanywa.

Zaburi 57:5

O, Nyasaye, ukuminywe igulu wi ligulu, kandi uvukumi vuvwo vulande ku lirova liosi.

Zaburi 83:18

Leka vaduuki kumanya ndi, ivi oveeye Yahova Nyasaye, Wuvunyali, uwamihaa ligulu ni lirova.

Kutwula 18:11

Kalunu inzi manyi ndi Yahova aveeye munene kuvita avanyasaye vosi, kigira yakola yaga lwa vandu va Egebeti vadambiza vandu va Isiraeli nilielora kuli yili.”

Isaya 2:11

Ing'inga yiza lwu luyaayi lwu mundu lulakahere, kandi liegingira liu mundu liradivizwa. Maku Yahova yeng'ine alakahevwe luyali.

Isaya 2:17

Luyaayi lwu mundu lulagehizwa, kandi liegingira liu mundu lilikizwa. Maku Yahova yeng'ine alakahevwe luyali mu lidiku yilio.

Isaya 2:4

Yahova alaleeta mirembe hagati hi lihing'ana lie zihiiri zinene. Valatura vivavi viavo kuva amagembe, kandi amatimu gaavo kuva zingonono, zihiiri si zilazia kulwaana zihiiri zindi mba, anoho si ziligiza avandu vaavo uvulwani mba.

Isaya 5:16

Navuzwa Yahova Wuvunyali amanyia ovonene vwivwe mu likora lilie lirungi, kandi avuulaa uvutakatifu vwivwe mu likalagira avandu veve.

Jeremia 49:35

Yavoola, “Inzi ndiita avasaza vosi vukulasa uvuta avamali kokora Lidaala lia Elamu kuva nizinguru.

Ezekieli 30:8

Lwa nambambizi muliru mu kivala cha Egebeti nukwita vandu vosi avakonyaa kivala yicho, maku navamanye ndi inzi mbeeye Yahova.

Ezekieli 38:23

Munzira kuli yiyi, namanyie zihiiri ziosi ndi, inzi mbeeye munene kandi mbeeye mutakatifu. Valakamanye ndi inzi mbeeye Yahova.”

Ezekieli 39:3

Maku ndaduya uvuta vwivwe vutuli mu mukono gwigwe mumosi kandi mivano jije ju vuta jituli mu mukono gwigwe mulungi.

Mika 4:3

Yahova alakalaga hagati hi zihiiri zinyingi, kandi alaleeta mirembe hagati hi zihiiri zie zinguru zinene ahimbi ni ihale. Valatura vivavi viavo kolomba zimbago na amatimu gaavo kolomba mihizu ju kuhalulira. Zihiiri sizilazia muvulwani kandi, sivaletegeka ku vulwani kali hakuzu kandi mba.

Habakuk 2:20

Yahova aveeye mu Litembeli lilie Litakatifu; gaduukanaa vuli mundu woosi akiring'ane imbiri weve.

Zekaria 2:13

Vuli mundu akiring'ane imbiri wa Yahova, kigira yaazaa kutura hatakatifu hehe.

Joshua 11:6

Yahova yavolera Joshua, “Utavatia mba. Ku ing'inga yiyi mugamba, ndava ninziiti yavo vosi kigira Isiraeli. Gakuduukiraa oleminye zibarasi ziavo ku litema machi gazio nokusamba magare gu vulwani gaavo nomuliru.”

Joshua 11:9

Joshua yakola kuvo icha Yahova yalaga: Yaaleminya zibarasi ziavo kandi nasamba magare gaavo gu vulwani.

1 Samweli 17:46

Lidiku lia lero yili Yahova alaviika ivi hasi hi zinguru ziange. Ndakuguuta kandi ndatema mutwi guugwo gutuli. Ndahaana miviri ja vasikari Vafilisitia ku manyonyi kandi zinyama zilie. Ahene yaho avandu vosi mu lirova valamanya ndi Isiraeli vaveeye na Nyasaye.

1 Samweli 2:4

Uvuta vwa vasikari vi zinguru vuvuniki, navuzwa vadedekere vanyooye zinguru.