Zaburi 44:3 - KITABU KITAKATIFU

³ Avandu vovo sivagutaa kivala yiki ni kivavi chavo mba, sivagutaa ni zinguru zia makono gaavo, mba, navuzwa vaguuta ni zinguru ziu mukono gugwo mulungi, kandi wavasuuviriza kuva navo kazozo kigira wa vayaanza.

Zaburi 44:3 ပူးပေါင်းရင်းမြစ်များ

2 Samweli 7:23

Sihaveeye ho ni ihiiri yindi ku lirova kuli Isiraeli, ya ivi wahonyia kutura mu vutugwa mu kivala cha Egebeti, ukuvalomba vave avandu vovo ivi mwene. Vindu vinene kandi viokogenyia via wavakolera vimali kulandiza ulusuma lulwo mu lirova liosi. Ivi wakunga zihiiri zindi na avanyasaye vaavo lwa avandu vovo vazizagilira kuvingilira nukulwana navo, avandu va ivi wavoholola kutura Egebeti kuva avoovo ivi mwene.

2 Kyetsinyinga 20:7

Ivi oveeye Nyasaye wiitu. Lwa vandu vovo Isiraeli vaduuka mu kivala yiki, waakunga avandu vamenya mucho, ma nukihaana ku visukululwi via Aburahamu, mulina woovo, komenya mu mihiga ni mihiga.

Zaburi 111:6

Amali kumanyia zinguru zizie ku vandu veve. Ku livaha vivala vie zihiiri zing'eni vive miandu jaavo.

Zaburi 17:7

Vuula uvuyanzi vuvwo vwokogenyia na ombonyie; ivi ohonyiaa aviirukiraa ku ivi ha mukono gugwo mulungi, inzi mboni kutura ku vasigu vange.

Zaburi 20:6

Kalunu inzi manya ndi Yahova ahaanaa liguuta ku mwami mutovole weve; amutivuliraa kutura mwigulu mwimwe Mutakatifu, kandi amuhezanga liguuta linene kuzinguru zizie.

Zaburi 4:6

Vaveeye ho vandu vanyingi avasaalaa: “Okohe uvugasu vunyingi, O, Yahova okohenze nuvulahi vweng'ine vuzwa!”

Zaburi 42:11

Kigira ki mbereraa ligali? Kigira ki ngubizwa ikivi? Inzi ndasuuvira mu Nyasaye kandi ndamwizominya kandi, Muhonyi wange kandi Nyasaye wange.

Zaburi 42:5

Kigira ki mbereraa ligali? Kigira ki ngubizwa kivi? Ndasuuvira mu Nyasaye kandi ndamwizominya, muhonyi wange kandi Nyasaye wange.

Zaburi 74:11

Kigira ki ivi usuyi kokokonya? Kigira ki utanyiira mukono gugwo kuvo.

Zaburi 77:15

Wahonyia avandu vovo kuzinguru zizio, kandi wahonyia visukululwi via Yakobo na Josefu.

Zaburi 78:55

Yakunga zihiiri ziamenyaa mu imbiri wavo; yagavulira zihiiri zia Isiraeli kivala yicho keve miandu javo, kandi na haanaa zinyumba ziavo ku vandu veve Isiraeli vamenye mu.

Zaburi 80:16

Avasigu viitu vamali kwononyia kizabibu, kandi vahambizi muliru kucho; nokoketemaga ligali haana amageri kuvo, kandi uvadivizi ligali.

Zaburi 80:9

Inyima lwa waali ni wakakua zihiiri zindi yizio kutura mu kivala cha Kanaani, avandu vovo vaavugura kivala ni vamenya mu. Kandi vameedeka ligali kuduuka niviizura kivala choosi.

Kutwula 15:16

Litihiza nu vuti vonene viduuki kuvo. Valora zinguru zizio, O, Yahova, kandi vaasingiyi no vodedekere kandi nuvuti kuduuka lwa avandu vovo vaambuka, avandu vawavoholola kutura mu vutugwa.

Isaya 63:12

uwaakola zinguru ziu vukumi vwivwe kuzia ku mukono mulungi gwa Musa, niyaavukanyia amazi gi inyanza nukwimilira avandu veve ku aduuki kwelombera lieta lie mihiga ni mihiga;

Zekaria 4:6

Maku engelosi yambolera kuhaana makuva yaga ku Zerubabeli kutura ku Yahova: “Ulanyaliza, na si gaveeye kigira vunyali vuvwo anoho kigira zinguru zizio mba, navuzwa gaveeye kigira Roho wange Yahova wamahi avoora.

Livalidza 14:8

Niiva kulayaanziza Yahova alakuhila wene yeyo, alahaana kivala yiki ku kunyi, ekeveeye kigunamu kandi kenoru.

2 Vakorintho 4:7

Navuzwa kunyi avakoveeye ni livikiru liu mu Roho yili, koveeye vuzwa kuli zinyingu zio vodohi, gaduuki kololeka havulavu ndi, zinguru zinene yizio zitulaa ku Nyasaye; sizitulaa ku kunyi mba.

Kwidzulitsa 10:15

Navuzwa vuyanzi vwa yahova yaali navwo ku avaguuga vinyu vwali ovonene kandi vwizingulu ligali, kali natovora munyi, visukululwi viavo muvogono vwa avandu vandi vosi, kandi mukikiri avandu vatovole veve

Joshua 24:12

Ndaatuma amahalamba imbiri winyu, kuvadandanyia nukuvakuunga - kandi avami vaviri va Avaamori. Simwakola ndio ni vivavi anoho uvuta vwinyu. Sizia li zinguru zienyu anoho aveene mba.

Joshua 3:10

Lwa muva nimuzia imbiri kuvatulira, alakunga vandu va Kanaani, vandu va Hiti, vandu va Hivi, vandu va Perezi, vandu va Girigashi, vandu va Amori na vandu va Jebusi. Munyi mulamanya ligali ndi Nyasaye oveeye mwoyo aveeye hagati hinyu,

1 Samweli 12:22

Yahova umali kulagana ligali kandi si alamuleka mba, kigira umali kukalaga akole munyi kuva vandu veve.