Zaburi 44:2 - KITABU KITAKATIFU

² Wakunga zihiiri ni zinguru ziu mukono gugwo. Maku wavika avandu vovo mu kivala chavo; kandi wahaana amageri ku zihiiri zindi kandi wahaana ku vandu vovo linyola lie miandu minyingi.

Zaburi 44:2 ပူးပေါင်းရင်းမြစ်များ

2 Samweli 23:12

navuzwa Shama yasingira vudinyu mu mulimi, naagosoola, kandi yita vandu va Filisitia vosi. Yahova yaguuta liguuta linene ligali lidiku yilio.

2 Samweli 7:10

Mali kotovola havundu kigira avandu vange Isiraeli, kandi mali kuvaviikaho, na valamenya havundu yaho, vugira kudambizwa kandi. Vasaza vu vutindi vavuli kuvatulira kandi, kuli vaakora ku maziambiri;

Zaburi 105:44

Yavaha vivala via vandu vandi, kandi naleka nivavugura milimi jaavo.

Zaburi 78:55

Yakunga zihiiri ziamenyaa mu imbiri wavo; yagavulira zihiiri zia Isiraeli kivala yicho keve miandu javo, kandi na haanaa zinyumba ziavo ku vandu veve Isiraeli vamenye mu.

Kutwula 10:2

kandi munyi muladuuki kovoolera avana vinyu kandi visukululwi vienyu kuli ndakora vandu va Egebeti kololeka avasiru ulwandaakola vilolekizu hagati haavo. Na munyi mwosi mulamanya inzi mbeeye Yahova.”

Kutwula 15:17

Ivi wavaleeta kandi wavaviika ku kiguru chicho, ha vundu ha ivi, O, Yahova, umali kotovola kuva hango hoho, litembeli lia ivi mwene umali kwumbaka.

Kutwula 15:19

Avandu va Isiraeli vagenda kuvitira munyanza ku lirova liumu. Navuzwa lwa magare ga vandu va Egebeti harara nizibarasi ziavo kandi navahili vazio vazia munyanza; Yahova yiranyia amazi ni gavakunika.

Kutwula 23:28

Ndakora avasigu vinyu vave nuvuti kandi lidegera kigira amahalamba. Ndakunga vandu va Hivi, na Hiti, vatuli imbiri winyu.

Kutwula 34:11

Mulonde amalago ga inzi muheezaa lidiku lia kalunu. Ndakunga vandu va Mori, Kanaani, Hiti, Perezi, na Jebusi vatuli imbiri winyu lwa mwisuunda kuvingilira.

Isaya 51:9

Hamba, O, Yahova, na okokonye! Tumikira zinguru zizio na okohonyie; uzitumikiri kuli wazitumikira maziambiri. Yaali ivi uwakalaga ogoyoka gwu mu inyanza Rahabu mu vidonye.

Jeremia 32:23

Lwa vaduuka mukivala yiki, vaavugura miandu josi jaali mucho, navuzwa si vaatia amalago googo anoho si vamenya kolondekana na amagizu googo mba. Si vaakora kindu ku viosi via waali ni wavalaga mba. Kulwayago, ivi waleeta lidiviza yili liosi kuvo.

Livalidza 13:32

Kunangwa valandiza makuva govovehi ku vandu va Isiraeli kigira kivala cha vazia kutunyiriza. Vavoola, “Kivala yicho sikeveeye ni viamo viu kulihiza kali vandu vamenyi mu mba. Vandu vosi vakwalola mu vaali vatambi ligali!

Kwidzulitsa 32:7

“Muganagane ku agaavita, agizing'inga zia kale ligali, muganagane mihiga ja makura manyingi muteeve avababa vinyu vamuvolere ageekoleka. muteeve avasaakulu vinyu vamuvolere gi zing'inga zia kale.

Kwidzulitsa 4:38

Lwa mwisuunda imbiri, yakunga zihiiri zinene kandi zie zinguru ligali kuvita munyi kunangwa aduuki kumwingiriza nukumuha kivala chavo, miandu jinyu, kivala ikeveeye chienyu kuduuka kalunu.

Kwidzulitsa 7:1

“Yahova, Nyasaye winyu alamuleta mu kivala cha muzizaa kuvugura, kandi alakunga zihiiri zinyingi kutura mucho. Alakunga ligali zihiiri saba vatuli mukivala yicho, iziveeye zinene ligali kandi zie zinguru ligali kuvita munyi, nazio ni yizi; avandu vi zihiiri zia Hiti, Girigashi, Amori, Kanaani, Perizi, na Jebusi.

Joshua 10:11

Lwa vandu va Amori vaali ni virukaa kutura ku liihi lia vandu va Isiraeli kuvitira ha kivitiru cha Bezi-horoni kuduuka Azeka, Yahova yakola magina manene gimbula kukuba kuvo kutura mwigulu. Avanyingi kuvo vaakuza ligali kuvita aviitwa nivivavi via vandu va Isiraeli.

Joshua 10:42

Joshua yaguuta avami yava vosi harara ni vivala viavo mu ing'inga ndala ya yatura kuzia kulwaana mu liihi kigira Yahova, Nyasaye wa Isiraeli yaali naalwaaniraa vandu va Isiraeli.

Joshua 11:23

Kunangwa Joshua yagumira kivala choosi kuli Yahova yaali niyalaga Musa. Joshua yakihaana ku vandu va Isiraeli kuva imiandu jaavo; kandi yakigavula mu vidonye, kedonye kilala ku vuli ihiiri. Kunangwa avandu vasoosa kutura ku vulwani.

Joshua 21:43

Kunangwa Yahova yahaana ku vandu va Isiraeli kivala choosi cha yaali niyasuuviriza avaguuga vaavo ku chisuuhu ndi alavaha. Lwa vaali nivakavugula kivala yicho vamenya mu.

Joshua 24:12

Ndaatuma amahalamba imbiri winyu, kuvadandanyia nukuvakuunga - kandi avami vaviri va Avaamori. Simwakola ndio ni vivavi anoho uvuta vwinyu. Sizia li zinguru zienyu anoho aveene mba.

Joshua 3:10

Lwa muva nimuzia imbiri kuvatulira, alakunga vandu va Kanaani, vandu va Hiti, vandu va Hivi, vandu va Perezi, vandu va Girigashi, vandu va Amori na vandu va Jebusi. Munyi mulamanya ligali ndi Nyasaye oveeye mwoyo aveeye hagati hinyu,

Vakalagi 6:13

“Navuzwa umwami,” Gidioni yativura, “Niiva Yahova aveeye harara ni kunyi, kigira ki yaga goosi gaakoleki ku kunyi? Iviokogenyia zana viveeye hai ivia vaguuga viitu vaakovolera ulwavavoora: ‘Yahova siyakutuliza Egebeti? Navuzwa kalunu Yahova umali kukwivilira, ma okoleki mu makono ga vandu va Midiani.’ ”