Zaburi 42:5 - KITABU KITAKATIFU

⁵ Kigira ki mbereraa ligali? Kigira ki ngubizwa kivi? Ndasuuvira mu Nyasaye kandi ndamwizominya, muhonyi wange kandi Nyasaye wange.

Zaburi 42:5 ပူးပေါင်းရင်းမြစ်များ

Ayubu 13:15

Kali niiva Nyasaye alaanzita, inzi ndava ni lisuuvira muye, kandi ndalungikiza inzira yange imbiri weve.

Zaburi 35:14

kuli siomeraa mulina anoho amwavo wange, Ndaazia yiyi ni yiyi mu vovereri vwu mwoyo, kuli mundu usiomaa kigira likuza lia mama weve.

Zaburi 37:7

Wikuziri kandi usuuviri Yahova, utahenda mwoyo kigira yavo avaveeye ni linyola mu zinzira ziavo mba, anoho yavo avanyoora kigira lilohiza lie zing'anagani ziavo zindamanu mba.

Zaburi 38:6

Uvuzunu voveeye vululu ligali kali vunzinaminyi hasi, siomaa lidiku liosi.

Zaburi 42:11

Kigira ki mbereraa ligali? Kigira ki ngubizwa ikivi? Inzi ndasuuvira mu Nyasaye kandi ndamwizominya kandi, Muhonyi wange kandi Nyasaye wange.

Zaburi 43:5

Kigira ki mbereraa ligali? Kigira ki ngubizwa kivi? Inzi ndasuuvira mu Nyasaye kandi ndamwizominya, muhonyi wange kandi Nyasaye wange.

Zaburi 44:3

Avandu vovo sivagutaa kivala yiki ni kivavi chavo mba, sivagutaa ni zinguru zia makono gaavo, mba, navuzwa vaguuta ni zinguru ziu mukono gugwo mulungi, kandi wavasuuviriza kuva navo kazozo kigira wa vayaanza.

Zaburi 56:11

Suuviraa mu Nyasaye, na sindatia kindu kali kilala mba. Mundu wilikuza anyala kongola ki?

Zaburi 56:3

Lwa mbeeye nuvuti, O, Yahova Wanyala Viosi, mbikaa lisuuvira liange mu ivi.

Zaburi 61:2

nzanira ku ivi, mu likuza mwoyo kandi nimbeeye ihale ligali kutura yengo, umbile ha vuhaliru vwi mirembe.

Zaburi 71:14

Navuzwa inzi ndasuuvira ivi kazozo; ndakwizominya ligali.

Zaburi 77:3

Lwa ng'anagana kigira Nyasaye, mbendaa mwoyo ligali; lwa ng'anagana vudinyu ligali mwoyo gwange gukuzaa ligali.

Isaya 30:29

Navuzwa munyi avandu va Nyasaye, mulimba zinyimbu ni musaangara kuli mukoraa mu ing'inga yu vudiku vwe lilia litakatifu. Mulimba ni musaangara kuli mundu agendaa kunzira niyimba nilirere kuzia mu Litembeli lia Yahova, mukingi wa avandu va Isiraeli.

Isaya 50:10

Nivwaha ku munyi wegehizaa ku Yahova, kandi uhuliraa amakuva gu mutumikiri weve? Oyo ogeendaa mu kisundi, kandi utaveeye mu vulavu, navuzwa asuviraa mu lieta lia Yahova, yeredaa ku Nyasaye weve?

Livalidza 6:26

Yahova ayaanze amanyie liyaanzilira lilie ku munyi, kandi ahaane mirembe ku munyi.

Matayo 1:23

“Henza, mukaana mugima alavereka, naye aliivula umwana muyaayi, naye alagulikwa ‘Imanueli’ ” iliveeye kovora, “Nyasaye aveeye harara ni kunyi.”

Matayo 26:38

navavoolera “Mbeeye no vovereri ovonene ligali mu mwoyo gwange, kali kuduuka ku likuza. Mwikale hano mulindi harara ninzi.”

Matayo 28:20

muviigizi kolonda ivindu viosi via mali kumulaga. Na ndava harara ni munyi madiku goosi; kuduuka ku keheri chi ing'inga.”

1 Samweli 30:6

Daudi yaali mu vudinyu vonene ligali kigira vandu veve vahulira vululu kigira vaali nivagotizi avana vaavo, kandi vatihiza nivenya kumulasa na magina; navuzwa Yahova Nyasaye weve yamuha uvuluviliri.