Zaburi 42:4 - KITABU KITAKATIFU

⁴ Mwoyo gwange guzunangwa novovereri vonene ligali lwa nzizuliza kuli ndaziza nu muganda gwa vandu mu Litembeli lia Nyasaye ni mbimiliraa mu zimbaso lwa vagenda nivimba nukuhanzuka zinyimbu zie lizominywa ku Nyasaye.

Zaburi 42:4 ပူးပေါင်းရင်းမြစ်များ

2 Avami 18:30

Kandi mutaleka amugoonye munyi musuuviri ku Yahova mba. Mutaganagana hawundi Yahova alamuhonyia, kandi aligalira liihi lia Asiria kuvula kugumira lidaala linene lienyu.

2 Avami 18:32

kuduuka lwu mwami yirana kumukola mu menye mu kivala ekeveeye kuli ichiinyu aveene, haveeye ni vizabibu ukuhaana iwaini, kandi haveeye nu vuswage vwo kolomba migadi. Keveeye kivala chi mizeituni, maguta ga muzeituni kandi uvwuki. Niiva mulakola aga amulagaa, simulakuza mba, navuzwa mulava mwoyo. Mutaleka Hezekia amusiruharize mu liganangana ndi Yahova alamuhonyia.

2 Kyetsinyinga 7:10

kandi ku lidiku lialonda ku, lidiku lia 23 liu mweli gwa Saba, Solomoni yatuma avandu vazie yengo wavo. Vaali nu vuyanzi ku vugasu vwosi vwa Yahova yaali nahaani ku vandu veve Isiraeli, ku Daudi kandi ku Solomoni.

Ayubu 29:2

O, niiva ndakaveeye kuli mu mieli ja kale. Kandi kuli mu madiku lwa Nyasaye yaanindaa;

Zaburi 100:4

Mwingiri mu virivwa vie Litembeli ni lisandiza. Muzie mu migizi jalio ni lizominya; Mumusandizi kandi mumwizominye.

Zaburi 102:10

Kigira uvutima vuvwo vululu ni livihirirwa liilio, waambugula nukuusiuva ihale ligali.

Zaburi 115:2

Kigira ki zihiiri ziteeve kunyi: “Nyasaye winyu aveeye haliha?”

Zaburi 122:1

Ndaali nuvusangali lwa vambolera, “Gendi kuzie mu Litembeli lia Yahova!”

Zaburi 122:8

Kigira aviiko navalina vange, mboraa ku vandu va Jerusalemi, “Mirembe jive harara ni munyi.”

Zaburi 55:14

Kwali ni livoolerana lilahi nive, kandi kwazia nive mu Litembeli kusigamira Nyasaye.

Zaburi 62:8

O, munyi avandu vange, musuuviri mu Nyasaye zing'inga ziosi; mu muvoolere uvudinyu vwinyu vwosi Aveeye uvuhaliru vwitu vwi milembe.

Zaburi 79:10

Kigira ki avandu vi zihiiri vakoteeve ndi, “ Nyasaye winyu aveeye haliha?” Leka kolole ivi nuhaana amageri ku zihiiri yizi kigira vamali kwita avatumikiri vovo.

Zaburi 80:6

Ivi oleki zihiiri ziakukumbiriza kukulwaana nu kuvugura kivala chietu; avasigu viitu vakonyega nokokolera kehenyahenye.

Isaya 30:29

Navuzwa munyi avandu va Nyasaye, mulimba zinyimbu ni musaangara kuli mukoraa mu ing'inga yu vudiku vwe lilia litakatifu. Mulimba ni musaangara kuli mundu agendaa kunzira niyimba nilirere kuzia mu Litembeli lia Yahova, mukingi wa avandu va Isiraeli.

Lisyoma lya Jeremia 2:19

Muvuki mwaniri ku Yahova vudiku vwosi kandi mugambazuri! Muviiki mioyo jinyu imbiri wa Yahova kuli amazi gaviikwa mu kiju. Mugiingi makono ginyu igulu na musaale ku Yahova kigira livamwoyo lia vana vinyu, avakuzaa kigira inzara mu zinzira zie lidaala linene.

Lisyoma lya Jeremia 4:1

Muporofeti avoora: Izahabu indahi imali kwononywa, kandi imali kogotiza ling'ereng'ana liayo; magina guvuguli vonene gu mu Litembeli gamali kusalanywa mu zinzira.

Ezekieli 46:10

Mwamihi alingira lwa avandu vingira, kandi alatula lwa avandu vatura.

Joeli 2:17

Avasaalisi avatumikiri va Yahova hagati hu vwali kandi nuvwingiliru vwi Litembeli, kuduuka valiri, vasaale na vavoole: “Yahova, overerere avandu vovo. Utaleka izihiiri zindi zikulege nokokokolera kehenyahenye nokovoora, ‘Aveeye hayi Nyasaye winyu?’ ”

Nahum 1:15

Henza, mutumwa yaazaa kutura ku kiguru; aveeye na makuva malahi! Yaazaa kulandiza mirembe! Mulombe amasavo munyi avandu vi Ivuyuda, kunangwa muduuki ku twekiza lilagana lienyu na Nyasaye. Avandu vachamu sivalaza kwingilira kivala chiinyu kandi mba. Vosi vamali kudivizwa ligali!

Luka 16:25

“Navuzwa Aburahamu yamutivulira, ‘Mwana wange, wizulizi ndi wanyoola vindu vilahi lwa waali nukikiri mwoyo, na Lazaro nanyoora vindu vidamanu. Kalunu asosiziywi, na ivi oveeye mu vusaliri.

Kwidzulitsa 16:11

Musangare imbiri wa Yahova Nyasaye winyu harara na avana vinyu, vatumikiri vinyu kandi vandu vinyumba ya Levi avageni, avavisandu kandi avakunzakali vamenyi mu madaala ginyu. Mukore yaga goosi havundu harara hukusigamira ha Yahova yatovola.

Ruth 1:21

Ndaatula hano nimbeeye mutugi, navuzwa Yahova unziranyi umwere. Kigira ki muunange Naomi, lwa Yahova Wuvunyali amali kuundambiza, na Yahova Wuvunyali oleeti ikivi ku inzi?”