Zaburi 40:6 - KITABU KITAKATIFU

⁶ Ivi siwenya ivisiuviliru anoho ivihaanwa mba; siotevanga oheevwe zinyama ziukusambwa zing'ima ku vwali, anoho ivisiuviliru viukusamiha uvwoni. Mu vogono yivwo, wamba amatu kukuhulira.

Zaburi 40:6 ပူးပေါင်းရင်းမြစ်များ

Ayubu 33:16

Avakolaa vahulirize ku agaavoola, kandi vatihizangwa ni lieganihiza lilie.

Ayubu 5:9

Sikunyala kumanyiriza vindu vinene viakolaa, kandi siviveeye nekeheri ku vilolekizu vivie mba.

Zaburi 139:17

O, Nyasaye, zing'anagani zizio ziveeye zindinyu ligali ku inzi kumanyiriza; ziveeye zinyingi ligali kali sizinyala kuvalizwa mba!

Zaburi 139:18

Niiva ndakazivalizi, ziakaveeye zinyingi kuvita muyeke. Lwa mbuukaa inzi ngikiri vuzwa niivi.

Zaburi 50:8

Inzi si ndamugondokera kigira visiuviliru vienyu, kinga vihaanwa vienyu viu kusambwa via muletaa imbiri wange kazozo mba,

Zaburi 51:16

Ivi siwenya visiuviliru mba, ngano ndakavihaani; ivi siuyanzizangwa nivihaanwa viu kusambwa mba.

Zaburi 71:15

Inzi ndavolera avandu amakuva gi vindu vilahi via ivi umali kokora. Ndalandiza amakuva gi vikolwa vivio vio vohonyi lidiku liosi, Kali niviva niviveeye vinyingi ligali kuvita limanya liange. O, Yahova Wuvunyali, inzi ndaaza nukulandiza vikolwa vivio viezingulu.

Kutwula 21:6

maku munene weve alamuhila havundu hukusigamira Nyasaye. Uwene yeyo alamusingiriza ku muliango anoho ku furemu yu muliango ma afuduli ugutu gwigwe nuluyali. Maku alava umutugwa weve mu livamwoyo lilie liosi.

Isaya 1:11

Avoora, “Muganaganaa nyenya visiuviliru yivi viosi via muzizagiliraa kuhaana ku inzi? Mali konyoora kuvita kegelo magondi ga musambaa kuli visiuviliru, kandi gi zinyama zing'omeru ligali. Nduhiziywi na masahi gi zigiriki, magondi kandi ni zimburi.

Isaya 25:1

O, Yahova, Ivi oveeye Nyasaye wange; Ndakuha uluyali nukukwizominya. Ivi umali kokora vindu viokogenyia; ivi musuuvirifu umali kuduukiza lilohiza liilio liawalomba kale.

Isaya 66:3

“Avandu vakora kuli vayaanza. Gaveeye malala meere kuvo, niiva vita igiriki kuli kisiuviriru anoho vavunanyie ligoti lie imbwa; niiva valahaana kihanwa chuvuswage anoho vahane masahi gi inguruvi; vahaana kimuli anoho vasaale ku kifananyi gaveeye malala meere kuvo. Yee, vasangalira mu zinzira ziavo ziukusigamira zielivihiliriza.

Hosea 6:6

Inzi nzegomba munyi kuva nu vuyanzi vwa kazozo navuzwa si nzegomba visiuviliru vinyu viezinyama mba. Inzi nzegomba avandu vange vamanye inze kuvita kuhana vihanwa kuinzi.

Amosi 5:22

Lwa muletaa ku inzi vihaanwa vienyu viokusambwa, kandi vihaanwa vienyu viu vuswage, sindavivugilira mba; kali sindavugilira vihaanwa vienyu vie mirembe vie zinyama zinolu mba.

Matayo 12:7

Mang'oda Matakatifu gavoora, ‘Izimbavasi nizio zia inzi nyenya, sinyenyaa ivisiuviliru vie zinyama mba.’ Niiva ligali mwali munyala kumanya ikivuni chi livoora yili, simwakanyala kukalagira avandu avataveeye na mahiolo mba;

Matayo 9:13

Muzie kwiga kivuni cha amakuva yaga: ‘Nyenya zimbavasi, si nyenya visiuviliru mba.’ Sindaaza kulanga avandu avalungi, navuzwa avoni.”

1 Samweli 15:22

Samweli yativura, “Ni ki cha Yahova ayaaziliraa kuvita? Kutia anoho vihaanwa viukusambwa kandi visiuviliru? Ni vulahi ligali kuhulira Yahova kuvita kuhaana visiuviliru via magondi malahi ligali kuye.