Zaburi 40:5 - KITABU KITAKATIFU

⁵ O, Yahova Nyasaye wiitu, Ivi wamala kongolera vindu viokogenyia vinyingi; sihaveeyeho nu mulala kuli ivi mba! Viveeye vinyingi ligali ivitanyala kuvalizwa.

Zaburi 40:5 ပူးပေါင်းရင်းမြစ်များ

Ayubu 26:14

Navuzwa, yaga gaveeye litanga vuzwa lie vikolwa vivie vie zinguru, yili ni limonya likekeeke vuzwa lia kuhulira mu makuva geege. Navuzwa, nivwaha unyala kumanya ligali ovonene vwi zinguru zia Nyasaye?

Ayubu 5:9

Sikunyala kumanyiriza vindu vinene viakolaa, kandi siviveeye nekeheri ku vilolekizu vivie mba.

Ayubu 9:10

Akolaa vindu vinene ligali viu mundu anyala kuvula kumanyiriza kandi yakola vindu vinyingi viokogenyia ivitaveeye nilivaliza.

Zaburi 136:4

Niyie yeng'ine okolaa vilolekizu vinene; kigira uvuyanzi vwivwe vuhindiraa mihiga ni mihiga.

Zaburi 139:6

Limanya liilio lia umanyi inzi liveeye liu musi ligali, livitaa ligali limanyiriza liange.

Zaburi 71:15

Inzi ndavolera avandu amakuva gi vindu vilahi via ivi umali kokora. Ndalandiza amakuva gi vikolwa vivio vio vohonyi lidiku liosi, Kali niviva niviveeye vinyingi ligali kuvita limanya liange. O, Yahova Wuvunyali, inzi ndaaza nukulandiza vikolwa vivio viezingulu.

Zaburi 73:28

Navuzwa ku inzi vuveeye vulahi ligali kuva ahimbi ku Nyasaye; konyoora likingwa ku Yahova Nyasaye Wuvunyali nukulandiza ndavoora vindu viosi viokogenyia viamali kokora.

Zaburi 92:5

O, Yahova, vikolwa vivio viveeye vinene ligali! Zing'anagani zizio ziveeye ziu musi ligali!

Kutwula 11:8

Musa yamaliriza ku livoora ndi, “Avatumikiri vovo vosi valakaze kwinama imbiri wange, na valakandeve mbuguli avandu vange vosi nu kuzia navo. Inyima wayaga ndakatuli.” Maku mu vutima vonene Musa yatura ku Mwami.

Kutwula 15:11

“O, Yahova, nivwaha munyasaye oveeye kuli yivi? Nivwaha oveeye kuli ivi, wokogenyia mutakatifu? Nivwaha unyala kokora vilolekizu iviokogenyia ni vinene kuli vivio?

Jeremia 29:11

Inzi manyirizi ligali lilohiza liange ku munyi, lilohiza lie zing'anagani zindahi, zitaveeye zindamanu mba; lilohiza liu kuhaana ligasizwa kandi lisuuvirizwa mu ing'inga yizaa.