Zaburi 40:17 - KITABU KITAKATIFU

¹⁷ O, Yahova, Inzi mbeeye mudedekere kandi mudaka, navuzwa ukikiri kunzivilira. Ivi oveeye muhonyi wange kandi Nyasaye wange, hamba vwangu ongonye!

Zaburi 40:17 ပူးပေါင်းရင်းမြစ်များ

Zaburi 109:22

Inzi mbeeye mudaka kandi wilienya ligali; saliriziywi ligali kali kuduuka musi mwu mwoyo gwange.

Zaburi 34:4

Inzi ndasaara ku Yahova, naye yandivulira; yaamboholola kutura mu uvuti vwange vwosi.

Zaburi 34:6

Sivaveezaa mu zisoni mba. Mundu mudaka yaniraa ku Yahova, na Yahova ahulira, kandi amuhonyia mu vudinyu vwivwe vwosi.

Zaburi 35:27

Leka yavo avenyaa vaandole nimbohololeywi vahanzuki nuvusangali kandi vayaanzayaanze kazozo nokovoora, “Yahova aveeye munene ligali! Ayaanzizwa ni liguuta liu mutumikiri weve.”

Zaburi 40:5

O, Yahova Nyasaye wiitu, Ivi wamala kongolera vindu viokogenyia vinyingi; sihaveeyeho nu mulala kuli ivi mba! Viveeye vinyingi ligali ivitanyala kuvalizwa.

Zaburi 54:4

Navuzwa Nyasaye aveeye mukonyi wange, Yahova aveeye mukingi wange.

Zaburi 69:33

Yahova ahulirizaa lisaala lia yavo avaveeye vadaka, kandi si yiviliraa avandu veve avaveeye mu vuhambe mba.

Zaburi 70:5

Mbeeye mudedekere kandi mudaka; hamba vwangu ku inzi, O, Nyasaye. O, Yahova Ivi oveeye muhonyi wange, kandi mwami wa inzi sigamira. Hamba vwangu, ongonye!

Zaburi 86:1

O, Yahova, huliriza lisaala liange na undivuliri, kigira mbeeye utinyaliza kandi umudedekere.

Isaya 25:9

Lwi lidiku yilio liduka, avandu vosi valakavoole, “Uyu niyie Nyasaye wiitu! Kumali kuviika lisuuvira lietu muye, kandi umali kokosola. Aveeye Yahova, kandi kwamala kuviika lisuuvira lietu muye, kandi kalunu koveeye nuvuyanzi kandi nuvusangali ligali kigira umali kukohonyia.”

Isaya 41:17

“Lwa avandu vange avadaka kandi avadambi vaveeye ni lienya amazi kigira uvuluhu, Inzi Yahova ndahaana amativuli ku lisaala liavo. Inzi Nyasaye wa vandu va Isiraeli sindavaleka mba.

Matayo 8:20

Yeso yamutivulira, “Vivwi viveeye ni zimbangaywa, na amanyonyi gaveeye ni zinyumba ziago, navuzwa Umwana wa Adamu siaveeye na ahokososera mba.”

2 Vakorintho 8:9

Munyi mumanya zimbavasi ziu Mwami wiitu Yeso Kristo. Kali niyaali mutugi, yekola kuva mudaka kigira munyi. Na kigira uvudaka vwivwe, munyi muduuki kuva avatugi.

Vahebraina 13:6

Kunangwa leki kuluviliri, ma kovoole, “Mwami aveeye mukonyi wange; sindatia mba. Mundu alangola ki?”

Yakobo 2:5

Muhuliri, avaamitu vange avayaanze! Nyasaye yatovola avadaka vu mukivala vave avatugi mu lisuuvira, kandi vanyoore vwami vwa yasuuviriza yavo ava muyanzaa.

1 Petro 2:23

Lwa vamunyega, siyavanyega mba; ing'inga ya yaasalirizwa, siyavatiihiza mba, navuzwa yavika lisuuvira lilie ku Nyasaye, oveeye mukalagi wu vulungi.

1 Petro 5:7

Muviiki lihenda mwoyo lienyu liosi ku Nyasaye kigira amulindaa.

Likunula 22:20

Uyu ololekizaa ivindu yivi avoora, “Ligali inzi nziza vwangu!” Gave ndio. Hamba, Mwami Yeso!