Zaburi 4:8 - KITABU KITAKATIFU

⁸ Lwa ng'onaa hasi, nyooraa zindoolo mu mirembe; Ive weng'ine, O, Yahova ombezaa likingwa lilahi.

Zaburi 4:8 ပူးပေါင်းရင်းမြစ်များ

Zaburi 16:11

Ivi ulamanyia inzira yi livamwoyo. Lwa oveeye himbi ninzi nzizulaa uvusangari du. Kandi ombezaa uvuyanzi mihiga ni mihiga.

Zaburi 3:5

Ng'onaa hasi ma zindoolo ziza; na Yahova Nyasaye yasoolaa uvudiku vwosi.

Tsing'ano 3:24

Siulatia lwa uzia kogona mba, ulagona vulahi ligali mu vudiku vwosi.

Isaya 9:2

Avandu vagenda mu kisundi vamali kolola uvulavu vonene ligali. Vamenya mu kivala chi viliri, navuzwa kalunu uvulavu vumulikaa kuvo.

Ezekieli 34:25

Ndakalombe lilagana liange navo liu kuvasuuviriza mirembe. Ndakatulizi mu kivala zinyama ziosi ziu vuhimwa, kunangwa magondi gange galamenya mu milimi kandi kogona mu militu mu mirembe.

Hosea 2:18

Ing'inga yene yeyo, ndakalombe lilagana liange ni zinyama ziu muvulimu, na manyonyi kandi ni vilombe viosi, vimolaa ku lirova, kunangwa vivuli kusaliriza avandu vange. Ndatulizaho uvuta, kivavi kandi uvulwani kutura mu kivala, nokoleka vandu vange vamenye mu mirembe.

Kyavalevi 26:5

Vitagwa vienyu vilava vinyingi ligali kali mulava nimukegesa vuswage, lweveeye ing'inga yukwagula mizabibu, kandi mulava nimuchaagula amazabibu lwing'inga iduuka yukutaga vuswage. Mulava navio viosi via mwenya kulia, kandi mulamenya mu mirembe mu kivala chienyu.

Kwidzulitsa 12:10

Lwa mwambuka mugera gwa Jorodani, Yahova Nyasaye winyu alaleka muvuguli kivala zana kuva miandu kandi mulamenya yo. Alamukinga kutura ku vasigu vinyu vosi na mulamenya mu ni mirembe.

1 Vatesalonike 5:10

uwa kukuzira, kunangwa komenye harara naye kali nikuva mwoyo anoho ni kukuza lwa aliiza.

Likunula 14:13

Maku ndaahulira mwoyo kutura mwigulu nigovoora, “Ng'oda yaga: Vaveeye nu vugasu avakuzu vakuziraa mu Mwami kutura kalunu.” Yee, Roho avoora, “Vaduuki kosoosa kutura mu miyinzi jaavo. Kigira miyinzi jaavo jilondekanaa navo.”