Zaburi 4:1 - KITABU KITAKATIFU

¹ Undivuliri lwa saala, O, Nyasaye, mukingi wange! Lwa ndaali mu kivi, ivi wangonya. Omberere kalunu na uhuliri lisaala liange.

Zaburi 4:1 ပူးပေါင်းရင်းမြစ်များ

Ayubu 36:16

“Nyasaye yakutuliza mu kivi, nakuviika havundu huvusangali ni mirembe nemesa yooyo yizula viukulia.

Zaburi 11:7

Yahova aveeye mulungi, kandi ayaanza vikolwa viveeye viu vulungi; avaveeye avalungi, valamenya harara naye, mihiga ni mihiga.

Zaburi 116:16

O, Yahova, inzi mbeeye mutumikiri woovo; ngutumikiraa vuzwa kuli mama wange yaandumikira. Ivi umali kombonyia kutura mu likuza.

Zaburi 116:6

Yahova akingaa avaveeye avadedekere, lwa ndaali mu vuhimwa yambonyia.

Zaburi 119:132

Unziranili kandi ombere zimbavasi, kuli okolera yavo vosi avayaanzaa ivi.

Zaburi 143:2

Utambika inzi mutumikiri woovo mu likalagirwa mba, kigira sihaveeye ho numundu kali mulala oveeye mulungi imbiri woovo mba.

Zaburi 17:6

Ngusaala, O, Nyasaye, kigira ivi undivuliraa. Kunangwa tegiza ugutu gugwo na uhuliri lisaala liange.

Zaburi 22:1

Nyasaye wange, Nyasaye wange, kigira ki ondeki? Inzi mali kukulilira ongonye, navuzwa sinyoolaa ovokonyi zana mba.

Zaburi 24:5

Yahova alavagasiza kandi alavahonyia. Nyasaye alavavaliza kuva vugira imbara.

Zaburi 25:16

O, Yahova, girung'ana ombeenze, na ombere zimbavasi; kigira mbeeye nekesoma kandi mudedekere.

Zaburi 31:8

Ivi sioleki avasigu vange vaang'umiri; umali kumba ovovoholore hoosi ahumwoyo gwange gulalira.

Zaburi 41:12

Ivi ulangonya kigira ngolaa agaveeye malungi; ulambiika mbe imbiri woovo mihiga ni mihiga.

Zaburi 42:1

Kuli kisusu yegombaa mugera gwa mazi makindu, O, Nyasaye, ni ndio ngwegomba. Nindio nzegomba ivi, O, Nyasaye wange!

Zaburi 45:1

Mwoyo gwange gwizuuyi makuva malahi, ulwa ndohizaa kandi kuhandika lwimbu yilu ku mwami. Nyimbiraa umwami lwimbu yilu, lulimi lwange lwetegeki kwimba lwimbu lulahi, kuli ikalamu yu mung'odi mulahi.

Zaburi 56:1

O, Nyasaye, omberere zimbavasi kigira avandu vanzingilira nuvululu ligali. Avasigu vange vandambizaa zing'inga ziosi.

Zaburi 57:1

O, Nyasaye, ombere zimbavasi kigira nzizanga ku ivi osoore. Nzivisaa mu ivi kuli engoko ivisaa viminyu viayo isi wi zimbaha ziayo kuduuka lwa imbuza yi chihi elekela.

Zaburi 6:1

O, Yahova, utang'ondokera mu vutima vuvwo mba; utaamba mageri mu vutima vuvwo vululu mba!

Zaburi 67:1

O, Nyasaye, okoveere zimbavasi kandi ukugasize. Okohenze nuvulahi vwosi.

Zaburi 76:1

Nyasaye yamanyikana mu kivala chi Ivuyuda; lieta lilie liveeye nu luyali ligali mu Isiraeli.

Isaya 45:24

“Vosi valavoora ndi, vulungi kandi zinguru vituraa ku inzi, navuzwa vosi avadunyiraa inzi, valaduuka mu zisoni.

Jeremia 23:6

Lwaveeye mwami, avandu vi Ivuyuda navahone, kandi avandu va Isiraeli navamenye mumirembe. Kunangwa navamuguliki ‘Yahova muhonyi wiitu.’ ”

Habakuk 3:19

Yahova Wuvunyali ambezaa zinguru; akolaa vilenge viange kuva kuli vie kisusu angolaa kuzia igulu ku vigulu vugira kwikigalira. Kandi yasoolaa lwa mbeeye ku vigulu.

1 Vakorintho 1:30

Nyasaye aveeye uvutangiliru vwi livamwoyo lienyu mu Kristo Yeso; wa yakola kuva ovogeri vwitu, uvulungi vwitu, uvutakase vwitu, kandi ovohonyi vwitu.

2 Vakorintho 1:10

Nyasaye yakohonyia kutura mu vuhimwa vonene ligali vwi likuza, kandi alakohonyia; kunyi kumali kuviika lisuuvirizwa lietu muye ndi alahonyia kunyi kandi,

2 Vakorintho 1:8

Avaamitu, kwenyaa kumwizuliza uvudinyu vwa kwanyoora mu kivala cha Asia. Vudinyu yivwo vwakumiina kuvita kegero kali nikogeha lisuuvira liu kuva mwoyo.

1 Samweli 17:37

Yahova, uwahonyia inzi ku ving'ang'a ni zidubu alambonyia kutura ku Mufilisitia musiindi uyu.” Saolo yativura “Vulahi! Kazie, kandi Yahova ave harara niivi.”