Zaburi 39:12 - KITABU KITAKATIFU

¹² O, Yahova, yaanza uhulirizi ku lisaala liange, kandi hulira lianira liange; hamba ongonye lwa mbeeye ni lilira linyingi. Mbeeye vuzwa mugeni woovo ku ing'inga engekeeke, kuli avaguuga viitu vosi vaali.

Zaburi 39:12 ပူးပေါင်းရင်းမြစ်များ

Litanga 21:34

Maku Aburahamu yamenya madiku manyingi kuli mugeni mu kivala cha vandu va Filisitia.

Litanga 47:9

Yakobo yativura, “Limenya liange liu kogenda genda liali mihiga 130. Mihiga yijo jali mikekeeke kandi ju vudinyu, kuvita mihiga ja vaguuga vange vaali mu ligenda genda.”

2 Samweli 16:12

Hawundi Yahova alalola liverera liange ma yambe uvugasu kuvugura ovogono vwi kilaamo chiche.”

2 Avami 20:5

yirane ku Hezekia mwami wa vandu va Yahova, na muvolere; “Inzi Yahova, Nyasaye wa guuga woovo Daudi, mali kuhulira lisaala liilio kandi ndoli maliga googo. Inzi ndakohonyia vulwaye vuvwo, na mumadiku gavaga ulazia mu Litembeli.

1 Kyetsinyinga 29:15

Ivi umanya vulahi O, Yahova, ndi kuvitiraa mu livamwoyo kuli avageni kandi avahaminywa imbiri woovo kuli avaguuga viitu vaakora. Madiku giitu mu lirova gaveeye kuli ichiriri kivitaa kandi si kunyala kohona ku likuza mba.

Ayubu 13:28

Kigira yaga ligodo liange lilandulukaa kuli musaala guguundaa; kandi kuli inguvu yi zisere zialia.

Ayubu 16:20

Avalina vange vaasekeriza, kandi ndiraa maliga ku Nyasaye.

Zaburi 102:1

O, Yahova, hulira lisaala liange, kandi hulira lilira liange kigira ovokonyi!

Zaburi 116:3

Uvuhimwa vwi likuza vwangumbiriza; uvutihizi vwi likuza vwangunika ligali. Uvuti nilihenda mwoyo vizura mu inzi.

Zaburi 119:19

Inzi mbeeye hano ku lirova ku ing'inga ngekeeke vuzwa; utavisa malago googo kutura ku inzi mba.

Zaburi 119:54

Mu limenya liange liimbi mu lirova, nombaa zinyimbu kolondekana na malago googo.

Zaburi 56:8

Ivi umanya kuli ngubizangwa ikivi ivi umali kong'oda livaliza lia maliga gange, goosi gang'odwa mu kitabu chicho?

Zaburi 90:9

Livamwoyo lietu limbihizwa mu vutima vuvwo; liheraa vuzwa kuli mwika.

Kyavalevi 25:23

Milimi jinyu jitagulizwa ku ligulizwa liemihiga ni mihiga mba; kigira kivala sikeveeye chiinyu mba; nichange, na munyi muveeye kuli avageni vuzwa avavugililangwa kukitumikira.

2 Vakorintho 5:6

Kunangwa kunyi kwizuyi kelemamwoyo kazozo. Kumanya vulahi ndi lwa kokemenyi hango mu muviri yigu, koveeye ihale kutura ku Mwami.

Vahebraina 11:13

Avandu yava vosi vaakuza nivaveeye mu lisuuvira. Vaakuza nivakikiri konyoora vindu via Nyasaye yavasuuviriza. Navuzwa vaali nivaviloleeye ihale, kandi nivavavugilira, kandi niviyama havulavu ndi vaali avageni na vamenya mu lirova.

Vahebraina 5:7

Mu limenya lilie ku lirova, Yeso yahaana lisaala ni ligoonya kandi namaliga manyingi ku Nyasaye, waali unyala kumuhonyia kutura mu likuza. Nyasaye yamuhulira kigira yaali mugoosi kandi musuuvirifu.

1 Petro 1:17

Munyi mumulangaa Baba, lwa musaala ku Nyasaye, oyo ukalagiraa avandu vosi, kolondekana ku ne kegero kilala. Kunangwa mumenye mu lirova linu ni muhaanaa uluyali ku Nyasaye.

1 Petro 2:11

Avalina vange avayaanze, ng'oonya munyi kuli avageni kandi avamenya mu kivala yiki, mwiyahuli ku likayirwa liu muviri, ilihing'anaa nu mwoyo vuli Iwosi.