Zaburi 39:1 - KITABU KITAKATIFU

¹ Inzi ndavoora, “Ndilinda mu zinzira ziange ziosi, kandi sindakola uvwoni kali hakuzu mba. Sindavoola kindu kali kilala imbiri wa vandu vadamanu mba.”

Zaburi 39:1 ပူးပေါင်းရင်းမြစ်များ

1 Avami 2:4

Niiva ulamuhulira, Yahova alalinda lisuuviriza lilie lia yalomba lwa yambolera, ndi visukululwi viange valamiha. Isiraeli ku lohono lwa vaveeye avasuuvirifu kugumira no kuhulira amalago geege goosi ni mioyo jaavo josi kandi na roho jaavo josi.

2 Avami 10:31

Navuzwa Jehu siyahulira lilaga lia Yahova Nyasaye wa Isiraeli nu mwoyo gwigwe gwosi mba. Mu vogono yivwo, yalonda liiva lia Jeroboamu, uwakola Isiraeli vakole vwoni.

1 Kyetsinyinga 16:41

Hene yaho harara navo, vaali Hemani, Jeduzuni na avandi avatovolwa nikivuni chu kwimba kwizoninya Yahova kigira vuyanzi vwivwe vwi mihiga ni mihiga.

Ayubu 2:10

Ayubu yativulira mukali weve ndi, “Ivi omoloma kuli mulala ku vakali avasiru. Lwa Nyasaye ahaanaa vugasu ku kunyi, kuhaana lisandiza ni lizominya kuye, na chakaveeye ki kutange kwililira lwa aleetaa vudinyu ku kunyi?” Mu vudinyu nu vusaliri vwosi vwa Ayubu, siyavoola kindu kidamanu imbiri wa Nyasaye mba.

Zaburi 119:9

Muyaayi anyala kulinda ndi limenya lilie live lirungi? Anyala kulinda mulihulira malago googo.

Zaburi 12:4

“Kunyi kulaguuta na makuva gaturaa mu minwa jietu, kulavoola goosi ga kugananganaa, na sihaveeye ho nu mundu unyala kukugaya mba.”

Zaburi 141:3

O, Yahova, linda lulimi lwange, mburi kutivula amakuva madamanu.

Zaburi 34:13

Gamuduukira yigaye ku vudamanu zing'ano ziosi, kandi munwa gwigwe gutavoola uvugadi mba.

Zaburi 62:1

Nindiliraa Nyasaye nuvwikuziri ligali, yambonyie; ovohonyi vwange vutulaa kuye yeng'ine.

Zaburi 77:1

Nzanira ku Nyasaye nu mwoyo gwange gwosi; Nzanira kuye vudinyu ligali, mbula yambulira.

Tsing'ano 18:21

Amakuva agovoola galahonya livamwoyo anaho galalidiviza, kunangwa gakuduukiraa uvugiliri makuyu ga makuva googo.

Tsing'ano 21:23

Nuwenya kutura muvudinyu wilindi kugovoolaa.

Amosi 5:13

Kunangwa oveeye mugeri alakilingana ing'inga kuli yiyi, kigira eveeye ing'inga indamanu ligali!

Vakolosai 4:5

Muve no vogeri ku vandu avatasuuvira. Mutumikiri vwiyangu ni ing'inga ya muveeye nayo vulahi.

Vahebraina 2:1

Kigira yaga, gakuduukiraa kugumiri vudinyu amakuva goosi agiligali ga kumali kuhulira, gase kulagotizwa.

Yakobo 1:26

Niiva umundu yiganagana aveeye wi lisuuvira, naye natalinda makuva geege, yigadaa mwene, lisuuvira liu mundu uyu ni liavuzwa.