Zaburi 38:12 - KITABU KITAKATIFU

¹² Yavo avenya kunzita vamali kotega mitego jaavo ku inzi, yavo avenya kusaliriza vatihiza ukundiviza ligali. Sivaleka kunganaganira uvudamanu mu vwivisu mba.

Zaburi 38:12 ပူးပေါင်းရင်းမြစ်များ

Ayubu 19:13

Nyasaye uviiki avamwavo vange ihale kutura ku inzi. Na vakwamanyana navo vakoleywi avageni ligali ku inzi.

Zaburi 10:9

Agonekaa machiriri mu ahukwivisa hehe kuli isimba. Agonekaa machiriri aduuki kuhamba vadaka. Agumiraa avadaka mu mitego jije nukuvakwesa.

Zaburi 119:110

Avandu vachamu vaandegi umutego, navuzwa ngikiri kwibaala ku amalago googo mba.

Zaburi 140:5

Avikirage vategegi mutego mu vwivisu kugumira inzi vamali kotega imiveto jaavo ku inzi, kandi vavisi mitego kunzira vaduuki kung'umira.

Zaburi 141:9

Osoore ku mitego ja vasigu vange vamali kuviika imbiri wange. Osoore kutura ku viveto via vakoli vu vudamanu.

Zaburi 31:12

Vuli mundu amali kunzivilira kuli uwakuza, mbeeye vuzwa kuli inyingu yadikani vijonjo.

Zaburi 35:20

Sivamoloma munzira indahi yuvulina mba; mu vogono yivwo, veelombelaa aveene zing'ano ziosi ziu vugadi ku avandu vayaanza mirembe.

Zaburi 35:4

Leka yavo avagerizaa kunzita vaguutwi kandi valeganywe! Leka yavo avaang'anaganira uvudamanu mu vwivisu viranywe inyima nukudandana!

Zaburi 41:5

Avasigu vange vavoola ivindu vidamanu ku inzi. Venya nguzi kandi nzivililwi ligali!

Zaburi 54:3

Avandu vu kwigingira vazaa nu kwenya kunwaana; avandu vaveeye ni kirage, avandu valulu vaageriza kunzita, avandu vatahenda mwoyo kigira Nyasaye; vageriza kunzita.

Zaburi 69:9

Uvuha vwange vwu kuyaanza Litembeli liilio vwaduuka mu mwoyo gwange kuli umuliru; amanyego ga yavo avanyegaa ivi, gamali kuduuka kali ku inzi.

Zaburi 88:9

Zimoni ziange zimali kozengera kigira ovovereri. O, Yahova, nzanira ku ivi vuli lidiku; ng'ingaa makono gange ku ivi mu lisaala.

Tsing'ano 19:7

Kali aviiko vu mundu mudaka sivaveeye no vokonyi naye mba; siliveeye lio kugenyia kigira avula valina mba. Kali agelize ndi, sianyola mulina ku lovega lwilwe mba.